Siport ou Sirveyan Letid Liv Kongregasyon
1 Nou tou nou retir en kantite benefis atraver Letid Liv Kongregasyon. Mwan pase nou ti diskite konman sirveyan Letid Liv Kongregasyon i akonpli son rol. Me ki nou kapab fer pour siport li e an retour pour nou e osi lezot benefisye?
2 Asiste tou le Semenn: Vi ki ordinerman group letid liv i ase pti, ou prezans i enportan. Fer li ou lobzektif pour asiste tou le semenn. Ou kapab osi ede par vin aler, akoz sa i permet sa sirveyan pour konmans renyon dan en fason annord.—1 Kor. 14:40.
3 Bon Komanter: En lot fason ki ou kapab ede se par prepar byen e fer bann bon komanter. Bann komanter ki konsantre lo zis en pwen i normalman pli bon, e sa i osi ankouraz lezot pour fer komanter. Evite esey dir tou keksoz dan en paragraf. Si en pwen dan sa lenformasyon i tous ou, fer sa diskisyon vin pli enteresan par partaz ou santiman.—1 Pyer 4:10.
4 Si ou ganny sa privilez pour lir pour sa group, fer tou ou zefor pour lir byen. En bon lektir i kontribye pour fer sa letid vin en sikse.—1 Tim. 4:13.
5 Predikasyon avek Group: Souvan-d-fwa randevou pour predikasyon i ganny fer dan bann landrwa letid liv, e ler ou siport sa laranzman sa i ed sa sirveyan pour diriz travay predikasyon. Ou osi sezi sa bann loportinite pour vin pli pre avek ou bann frer ek ser e pour ankouraz zot.
6 Rapor Predikasyon: Pa tarde pour remet ou rapor predikasyon alafen sak mwan i en lot fason pour siport sa sirveyan. Ou kapab donn ou rapor avek li direkteman oubyen met dan bwat pour rapor predikasyon kot Lasal Rwayonm. Sekreter i kapab servi sa bwat pour ramas rapor ki bann sirveyan letid liv in kolekte.
7 Ou korporasyon ki ou donn ou sirveyan letid liv pou ganny bokou apresye. Pli enportan ankor, ou kapab asire ki Zeova pou beni ou dapre leta lespri ki ou demontre.—Fili. 4:23.