Etidye Liv Ador Bondye

Ador sa sel vre Bondye in ganny fer pour etidye avek bann nouvo apre ki zot in konplet letid dan liv Konnesans. Egzamin sa piblikasyon dan Letid Liv Kongregasyon, pou ekip nou pour servi sa zouti dan predikasyon e pou ed nou pour agrandi nou lanmour ek lapresyasyon pour Zeova ek son lorganizasyon. Ki mannyer nou kapab benefisye plennman ler nou etidye liv Ador Bondye?

Kondwir Letid: Vi ki nou pou egzamin en sapit antye sak semenn, bann sirveyan letid liv pou bezwen byen progranm letan. Zot pa devret fer gran diskisyon lo bann premye paragraf. Sa pou permet annan plis letan pour bann lenformasyon pli enportan, ki normalman aparet plitar dan sapit. Briyevman diskit bwat revizyon alafen sak letid, pou ed bann ki prezan pour rapel bann pwen enportan.

Bann kestyon pour refleksyon ek diskisyon i aparet dan apepre lanmwatye bann sapit dan liv Ador Bondye. Ou kapab trouv en legzanp lo paz 48-9. I pa neseser ki sa bann kestyon i ganny lir ansanm avek lezot paragraf. Ler pe egzamin sa bann kestyon avek group, sa sirveyan i devret fer lir e diskit bann verse ki’n ganny mansyonnen si letan i permet.

Prepar davans: Byen prepar letid i enplik plis ki souliny larepons. Refleksyon ansanm avek lapriyer lo bann verse ki’n ganny mansyonnen, pou ed nou pour pa zis prepar nou komanter me, pli enportan, prepar nou leker. (Ezra 7:10) Nou tou nou kapab kontribye pour en lesanz lankourazman par donn bann komanter avek limilite.—Rom. 1:11, 12.

Letid dan liv Ador Bondye pou ed nou pour apros avek Zeova e pou ekip nou pour ed bann dimoun ki annan leker senser pour zwenn ansanm avek nou pour ador li. (Ps. 95:6; Zak 4:8) Fotespere ki nou tou nou benefisye avek sa bon provizyon spirityel.