Kanpanny Mondyal pour anons Lasanble Distrik “Delivrans i pros!”
Bann Proklanmater dan tou Kongregasyon pou distribye sa Fey Lenvitasyon spesyal
1 Apartir prentan 2006 dan bann pei nor Lanmerik ek Lerop, e ziska ki bann lasanble distrik atraver lemonn i fini, en kanpanny mondyal pou ganny fer pour anons bann lasanble distrik ki pou ganny fer dan apepre 155 pei. En fey lenvitasyon spesyal pou ganny servi pandan sa konpanny. Sa pou enkli sa bann lasanble spesyal ki pou ganny fer Lalmanny, Repiblik Tyek, ek Lapolonny pandan mwan Zilyet ek premye semenn Out 2006.
2 Vi ki nou pe viv dan bann dernyen zour, sa bann lasanble ki pe fer resorti promes ki Bondye pou sov nou dan sa move sistenm, i devret vreman atir bann dimoun ki annan sa bon kondisyon leker. Sa mesaz i devret fer zot mazin sa ki pou arive dan lavenir. Pour kapab donn plizyer milyon dimoun sa loportinite pour antann en mesaz rekonfor ek lespwar, plis ki 98,000 kongregasyon Temwen Zeova atraver lemonn pe ganny ankouraze pour partisip avek bokou lentere pour anons sa lasanble ki zot in ganny envite.
3 Bann kongregasyon pou ganny ase fey lenvitasyon pour ki sak proklanmater i ganny 50. Sa ki anplis bann pionye i kapab servi. Sa kanpanny pou konmans trwa semenn avan dat lasanble pour ki i annan ase letan pour kouver preske tou teritwar.
4 Nou ganny ankouraze pour donn sak dimoun en fey lenvitasyon kot i posib. Me si serten pa kot lakour, nou kapab kit enn avek prekosyon anba laport. Nou devret fer en gran zefor pour distribye tou sa bann lenvitasyon pandan sa trwa semenn.
5 Nou asire ki en gran temwannyaz pou ganny donnen atraver sa gran zefor ki pou ganny fer pour anons sa Lasanble Distrik “Delivrans i pros!” parey nou’n vwar dan sa lartik. Nou priye ki Zeova i beni zot zefor pandan ki zot partisip dan sa kanpanny mondyal.