Ki lavolonte Bondye i ganny akonpli
1. Ki tenm lasanble spesyal pour nou lannen servis 2012 e akoz i apropriye ki nou konsider sa size?
1 Nou’n ganny kree akoz sa ti lavolonte Zeova. (Rev. 4:11) Alor, i pou enposib pour atenn bi nou legzistans si nou pa aprann e fer lavolonte Bondye. I pa sitan fasil parey i paret akoz nou bezwen lalit avek sa tandans ki nou annan pour fer keksoz dapre “dezir nou lekor ek nou lespri” oubyen “viv konman bann payen.” (Efe. 2:3; 1 Pyer 4:3; 2 Pyer 2:10) San led Bondye, nou riske menm met nou dan en sityasyon “kot dyab [i] graponn [nou], pour fer [nou] fer son la volonte.” (2 Tim. 2:26) Progranm lasanble spesyal pour lannen servis 2012, pou ed sakenn de nou travay an armoni avek sa trwazyenm demann enportan ki trouve dan model lapriyer ki Zezi ti donn nou: “Ki ou lavolonte i ganny akonpli.”—Mat. 6:9, 10.
2. Ki kestyon ki pou ganny reponn pandan sa lasanble?
2 Bann kestyon ki pou ganny reponn: Anmezir ki ou ekout sa progranm, rod larepons sa bann kestyon: Ki lezot keksoz ki annan menm lenportans avek ekout Parol Bondye? Ki mannyer nou kapab kontinyen konpran sa ki Bondye i ekspekte nou fer? Akoz nou bezwen pare pour ed tou kalite dimoun? Ki mannyer nou kapab viv en lavi satisfezan e ere? Zenn, kwa ki ou bezwen prouve avek Zeova? Ki rekonpans nou pou ganynen avek Bondye si nou fer son lavonte? Akoz i irzan ki nou batir e ankouraz lezot?
3. Ki mannyer nou kapab pli byen benefisye avek sa provisyon spirityel?
3 Fer sir ki ou asiste e swiv byen sa progranm lasanble. Petet i pou annan en reprezantan Betel ouswa en sirveyan rezyonnal oubyen distrik ki pou prezan konman en orater viziter. Avan e apre progranm, santi ou alez pour koz avek li ek son madanm, si i’n marye. Me “pa zis ekoute pour oubliye apre,” o kontrer, ler ou retourn kot lakour, revwar sa progranm avek ou fanmir e diskit lo konman zot kapab fer plis pour viv an armoni avek lavolonte Bondye.—Zak 1:25.
4. Akoz i enportan pour fer lavolonte Bondye vin premye keksoz dan nou lavi?
4 Tre byento bann ki pe kontinyen akonplir zot prop dezir e ki refize soumet avek lavonte Zeova pou ganny detrir. (1 Zan 2:17) Pa nou vreman rekonnesan ki Zeova in prepar sa bann lenformasyon aler pour ed nou fer son lavolonte vin premye keksoz dan nou lavi!