VIV KONMAN EN KRETYEN

Kan ki mon kapab fer pionye asistan ankor?

Sa vizyon ki Ezekyel ti vwar lo tanp Zeova i montre ki pep Zeova pou ofer zot volonterman. Ki mannyer sak dimoun i kapab loue Bondye?—Ebr 13:15, 16.

En pli bon fason pour fer sa i par fer pionye asistan. I annan serten mwan ki annan senk Sanmdi oubyen Dimans dan lannen servis 2018. Sa i dan lavantaz bann ki pe travay a plen tan e ki al prese laplipar ditan dan wikenn. An plis bann proklanmater i kapab swazir pour swa fer 30 oubyen 50 erdtan pandan mwan Mars ek Avril e pandan vizit sirveyan.

Me si nou sirkonstans pa permet nou fer pionye asistan? Nou kapab fer zefor pour amelyor nou predikasyon e fer plis pandan sa letan. Nenport sirkonstans ki nou ladan, ki lanmour pour Zeova i pous nou pour donn nou meyer pandan lannen servis 2018!—Os 14:2.

Sabina Hernández avek en bolpen dan son labous pe siny en form laplikasyon pour pionye asistan — Ki mannyer mon kapab imit devouman Sabina Hernández?

GET SA VIDEO AVEK ZEOVA DAN MON KOTE, MON KAPAB FER PRESKI TOU KEKSOZ E APRE REPONN SA BANN KESTYON SWIVAN:

Kwa ki ti motiv Sabina pour fer plis dan servis Zeova?
Ki mannyer legzanp Sabina i ankouraz ou?
Pandan lannen servis 2018 ki bann mwan ki ou kapab fer pionye asistan?