“Lanmour ki Kris i annan pour nou i obliz nou.”—2Ko 5:14
VIV KONMAN EN KRETYEN
Eski ou pou servi konman pionye asistan pour mwan Mars ek Avril?
Eski ou ti a kontan fer plis dan servis Zeova pandan sezon Memoryal? (2Ko 5:14, 15) Pandan mwan Mars ek Avril, bann pionye asistan i kapab swazir pour fer 30 oubyen 50 erdtan sak mwan. Si ou kapab partisip dan sa kanpanny spesyal, donn ou laplikasyon avek Konmite Servis Kongregasyon. Sak mwan, non sa bann ki’n ganny aprouve pour servi konman pionye asistan pou ganny anonse dan kongregasyon. Ler bann frer ek ser pou tann sa lanons, zot pou kapab siport sa bann pionye dan predikasyon. Alor, nou tou, annou profit sa loportinite pour amelyor nou abilite pour prese e ankouraz kanmarad pandan sa sezon Memoryal.—1Te 5:11.