Nokʼora naʉ̃ drʉa jõmaʉ̃nẽ plata mejãcha gastapanʉ põgara edaita ¿Daizeze Bedʼeabara kʼaseabʉ maʉ̃ ʉ̃rʉra?

Rusiata Ucraniaʉ̃me yõsida baera, nokʼora naʉ̃ drʉa jõmaʉ̃nẽbemara plata mejãcha gastasida põga edaita. Mawũã jarasi Instituto Internacional de Estudios para la Paz de Estocolmo (SIPRI) abril 2023de. Ãya jarasida 2022dera:

• Poaga 1991neba yẽta «gorogorora Europadebemara plata mejãcha gasta ẽ basi põga edaide».

• «Nããra Rusia põga edabʉdera yi sinkodebasi, mamina poaga 2022de plata mejãcha gastasi baera põga edaide, atiara bʉ yi tresde».

• «Naʉ̃ drʉa jõmaʉ̃nẽ pʉwʉrʉ bʉdebemara Estados Unidosta audre plata gastasi põga edaide».

«Nokʼora naʉ̃ drʉade plata mejãcha gastabʉ baera põga edaita naʉ̃ba ũdubibʉ wuabʉrʉ wãita zʉbʉriara. Mawũã jarasi doktor Nan Tian, iya kʼarebasi bʉita karta SIPRIdebemata».

Daizeze Bedʼeabara jarabʉ nokʼorãra ãyirainʉ yõpanaita akʉza jarabʉ kʼaibʉrʉ wãrĩnu aduʼa babita.

Daizeze Bedʼeaba jarabʉta yõbʉ ʉ̃rʉ

• Daizeze Bedʼeabara jarabʉ dayirãra ewari jõbodoare panʉta (Daniel 8:19).

• Daniel libroba jarasi, naʉ̃ ewari jõbodoarera nokʼorãra yõpanaita kʼaita ʉ̃ta audre zarea barabaita. Ãyara ũdubidaibasi mawũã yõpanʉta, plata mejãcha gastabʉde põga edaita (Daniel 11:40, 42, 43).

Daizeze Bedʼeaba propesia jarabʉ ʉ̃rʉ audre kʼawuaita, akʉra bideo «Propesia Daniel 11debemara aripe berabarinʉmʉ».

¿Sõbede aduʼa panai?

• Daizeze Bedʼeabara jarabʉ nokʼo naʉ̃ drʉadebemara wua neẽ baita. Daizezeba «bʉyi nokʼo jõkata akʉza maʉ̃ nokʼora mia abaʉ pʉwʉrʉ eda berabari ẽ bayi. Naʉ̃ nokʼoba birachiyi akʉza jõma jõbiyi maʉ̃ra nokʼorãra, adewara iyitrʉ ewari jõmaʉ̃nẽbayi» (Daniel 2:44).

• Jeowabaa aranʉ ẽbẽrarã jõmaʉ̃ta aduʼa babiyi ewari jõmaʉ̃nẽ, maʉ̃ra ẽbẽrabara obe ẽ. ¿Sãwũã oi maʉ̃ra? Daizeze Nokʼobara jõma jõbiyi yõra akʉza wuara zokʼada ẽ bayi põgara (Salmo 46:8, 9).

Audre kʼawuaita Daizeze Nokʼoba kʼãrẽ oita, akʉra artikulo «El Reino de Dios traerá “paz en abundancia”».