¿Kĩrãbebʉka?
Naʉ̃ poagade Jarakabʉ ʉ̃tʉ zedara, ¿jõma bia akʉsika? Akʉra panʉseabʉ kʼawuaita nama edre widibʉta:
¿Mebẽrã wẽrãrãra Jeowabara sãwũã akʉbʉ?
Jeowabara wẽrãrãra jõmaʉ̃ta daucha akʉbʉ, iyara audre kãga ũdubi ẽ yumakẽrãrabʉrʉ. Adewara ũrĩbʉ wẽrãra bedʼeara, krĩchabʉ ãyi sãwũã sentibʉ ʉ̃rʉ akʉza ãyi bedʼea zroma ʉ̃rʉ, adewara ĩjãbʉ ãyaʼa nekʼãrẽ omarẽã zokʼabʉrʉdera biʼia odaita (w24.01, pagina 15 akʉza 16).
Efesios 5:7ba jarabʉ «ãyide kĩrãkʼa oraidʉa», ¿sãwũã oũdubiseabʉ maʉ̃ra?
Pabloba jarasi dayirãra ãba ba ẽ baibarata ẽbẽrarã Jeowaba kãgabʉde bʉ ẽãʉ̃me adewara bari jʉra kʼawuabaibara ẽ ẽbẽrarã dayirãba kĩrãbita ũdubʉmebʉrʉ, awuarabʉrʉ jʉra kʼawuabaibara internetʼne dayirã kʼaiʉ̃me bedʼeabʉ kʼareabida (w24.03, pagina 22 akʉza 23).
¿Kʼãrẽta oseabʉ sewa nebʉrʉ ĩjã ẽ baita?
Jʉra kʼawuabaibara dayi neũdukʼawuaraba mensaje zokʼa bʉebʉrʉde bia kʼawua ẽ bʉrʉ kʼãrẽa mawũã zokʼasita, adewara korreo daya jʉ̃ã ẽãta zebʉrʉdera jʉra kʼawuabaibara akʉza waña ĩjã ẽ baibara apostataraba Daizeze ʉ̃rʉ wãrĩnu kʼawuakĩrãbʉrʉde (w24.04, pagina 12).
¿Jeowabara sãwũã kʼawua oi Salomónta, ẽbẽrarã Sodoma akʉza Gomorrade beidarata adewara ẽbẽrarã kue zromane beidarãra?
Dayirãbara biʼia kʼawuada ẽ Jeowaba maʉ̃ra ẽbẽrarã jẽda piradrʉbita mawũã ẽ bʉrʉ jẽda piradrʉbi ẽãta, mamina kʼawuapanʉ Jeowabʉrʉ jõma biʼia kʼawuabʉta kʼãrẽta berabarisita akʉza iyara so borekea akʉbʉta ẽbẽrarãra (w24.05, pagina 3 akʉza 4).
¿Kʼãrẽa jarapanʉ Jeowara Mõgarata? (Deut. 32:4).
Jeowabara kʼarebabʉ baera bedʼea zroma erbʉde akʉza Jeowara kʼẽrẽpabʉ akʉza dayirãra doba amae ẽ bayi. Adewara Jeowara kĩrã awuarabʉ ẽ, iya kʼãrẽ oita krĩchabʉra iya krĩchadade obʉ, awuara oẽ (w24.06, pagina 26-28).
¿Kʼãrẽta oseabʉ awuru kongregasionma wãbʉrʉde aduʼa bʼaita?
Ĩjãra Jeowaba kʼarebaita iyi ode panʉra nããbema kʼarebada kĩrãkʼa. Akʉrãra kʼãrẽne awuarachuta naʉ̃ kongregasionta nããbema kongregasionʼʉ̃me akʉza kongregasione nekʼãrẽta mejãcha obara adewara neũdukʼawuara yiwidita jʉrʉra (w24.07, pagina 26-28).
¿Kʼãrẽta kʼawuapanʉ nebʉra Mateo 25de jarabʉdeba?
Obeja akʉza kabradeba kʼawuapanʉ kʼẽrẽpa bʼaibarata adewara wẽrãra yizakera 10bʉraneba kʼawuapanʉ jʉra kʼawua dauba bʼaibarata adewara nebʉra monedadeba kʼawuapanʉ trajamia bʼaibarata (w24.09, pagina 20-24).
¿Kʼãrẽãba ʉ̃tʉ chʉasi Salomón templo pórticora?
2 Crónicas 3:4de jarabʉra ʉ̃kʉrʉ Daizeze Bedʼea nããra juwaba bʉdaba jarabʉ 120 kodo bʉta. Maʉ̃ba jarakĩrãbʉ 53 metro basita ʉ̃ta. Mamina awurura Daizeze Bedʼea nããra juwaba bʉdaba jarabʉ 20 kodo bʉta, maʉ̃ba jarakĩrãbʉ 9 metro basita, templo pare kʼãrẽaba jedeabʉ kʼawuabʉrʉdebara jaraseapanʉ 9 metro basita (w24.10, pagina 31).
¿Kʼãrẽta jarakĩrãbʉ zõrãrã kʼarebabariraba kima aba erbaibarabara? (1 Tim. 3:12).
Yumakẽrãbara yi kimatrʉ abapai kãga bʼaibara akʉza akʉ ẽ baibara awuru yuwẽrãra adewara krĩcha ẽ baibara iyi kima ẽãʉ̃me ãba kʼãĩta (w24.11, pagina 19).
¿Kʼãrẽa kʼawuapanʉ Juan 6:53ba jarabʉbara jarakĩrãkʉa ẽ basita Jesúsba iyi bei nãã yiko odata?
Juan 6:53de Jesúsba jara ũrĩbisi iyi yarata koibarata akʉza iyi wata doibarata ewari jõmaʉ̃nẽ bʼaita. Naʉ̃ bedʼeara iyara jara ũrĩbisi poaga 32de ẽbẽrarã Galileadebemara. Naʉ̃ra ẽbẽrarãbara ĩjãna ẽ basi Jesús ʉ̃rʉra, mamina poaga aba berabarida tẽã Jerusalénʼne iyi bei nãã yiko osidera Jesúsʼra bedʼeasi iyiʉ̃me ʉ̃tʉ zokʼairabawara (w24.12, pagina 10 akʉza 11).