¿A wom a taj jiñi i sujmlel?

Ti cabʌl jab, maʼañic majqui yujil, i jiñi tsʌts tac bʌ cʼamʌjel muʼ bʌ i pam pujquel tiʼ tsʌnsa yonlel lac piʼʌlob. Ti wiʼil, jiñi científicojob tsaʼ cʼoti i ñaʼtayob. Tsiʼ qʼueleyob chaʼan jiñi cʼamʌjel tac miʼ tejchel ti jiñi bacteria tac yicʼot virus. Cheʼ tsaʼ cʼoti i cʌmbeñob i sujmlel an bajcheʼ tsaʼ caji i melob chaʼan miʼ mʌctañob cabʌl cʼamʌjel yicʼot miʼ tsʼʌcañob chaʼan mach orajic miʼ chʌmel jiñi lac piʼʌlob yicʼot cʼocʼob.

¿Chuqui miʼ mejlel la cʌl chaʼan yambʌ ñuc tac bʌ cʼajtiya? ¿Bajcheʼ mi caj i coltañet cheʼ miʼ cʼotel a cʌn i jacʼbal ili ñuc tac bʌ cʼajtiya?

• ¿Majqui jiñi Dios?

• ¿Majqui jiñi Jesucristo?

• ¿Chuqui jiñi i Yumʌntel Dios?

• ¿Chuqui mi caj i yujtel ti lac tojlel ti talto bʌ qʼuin?

Yonlel wiñicob xʼixicob tajbilix i chaʼañob i jacʼbal ili cʼajtiya tac, i coltʌbilix i chaʼañob i cuxtʌlel. Cheʼʌch miʼ mejlel i yujtel ti a tojlel jaʼel.

¿MUʼ BA MEJLEL A TAJ JIÑI I SUJMLEL?

Tajol mi laj cʼajtiben lac bʌ: ¿Bajcheʼ miʼ mejlel lac tajben i sujmlel cheʼ bʌ an chuqui com lac ñaʼtan? Come ti jujumpʼejl qʼuin miʼ yʌjlel lot tac, i wocolʌch chaʼan miʼ cʼotel laj cʌmben i sujmlel. ¿Chucoch?

Cabʌl lac piʼʌlob maʼañix miʼ ñopob chuqui miʼ yʌl jiñi yumʌlob, jiñi xchoñoñelob, chuqui miʼ yʌjlel yaʼ ti Internet, ti radio yicʼot ti televisión. Wocol miʼ ñopob chaʼan miʼ sujmixto chuqui miʼ yʌjlel o mucʼ jach bʌ i bajñel ñaʼtʌntel, mi tsʼitaʼ i sujmlelixto o lot jach. Come jiñi lac piʼʌlob maʼañix miʼ wen ñopbeñob i tʼan yambʌlob yicʼot muqʼuix i yʌjlel cabʌl lot, mach yomobix i ñopob baqui bʌ ñoj i sujmlel chaʼan chuqui miʼ yujtel o jiñi i tsictesʌntel.

Anquese añʌch cabʌl lotintel, jatet mucʼʌch i mejlel a tajben i sujm bʌ i jacʼbal jiñi ñuc tac bʌ cʼajtiya chaʼan bʌ laj cuxtʌlel. ¿Bajcheʼ? Cheʼ yom maʼ mel bajcheʼ maʼ sʌclʌben i jacʼbal yan tac bʌ cʼajtiya mach bʌ wen ñuquic i cʼʌjñibal.

¿BAJCHEʼ MIʼ MEJLEL A TAJ JIÑI I SUJMLEL?

Miʼ mejlel la cʌl chaʼan tiʼ pejtelel ora mucʼʌch lac sʌclan jiñi i sujmlel. Jumpʼejl ejemplo, jiñi Jessica miʼ wen qʼuel chaʼan maʼañic miʼ chʼʌm tilel cacahuate jiñi bʌlñʌcʼʌl muʼ bʌ i mʌn. Miʼ yʌl: «Jiñi calʌ chʼoc miʼ mejlel ti chʌmel mi tsaʼto i tsʼitaʼ cʼuxu am bʌ i chaʼan cacahuate. Jin chaʼan, cheʼ mi caj c mʌn baqui jach bʌ bʌlñʌcʼʌl, ñaxan mij qʼuel chuqui miʼ chʼʌm tilel. Ti wiʼil, mic bej sʌclan i sujmlel yicʼot mic chaʼlen tʼan yaʼ ti fábrica chaʼan mij cʼajtin mi maʼañic tiʼ tsʼitaʼ otsʌbeyob cacahuate i maʼañic tsiʼ qʼueleyob. Cheʼ jaʼel, mij qʼuel ti Internet yicʼot ti yan tac bʌ chaʼan mic ñaʼtan mi jiñi bʌlñʌcʼʌl muʼ bʌ i chajpʌntel ti jiñi fábrica weñʌch bajcheʼ melbil».

Tajol jiñi cʼajtiya tac a wom bʌ a tajben i jacʼbal ti jujumpʼejl qʼuin mach wen ñuquic i cʼʌjñibal, pero miʼ mejlel a mel bajcheʼ Jessica chaʼan maʼ tajben i jacʼbal yan tac bʌ cʼajtiya:

• Cʌñʌ chuqui miʼ yʌjlel chaʼan jiñi.

• Ñumen sʌclʌben i sujmlel.

• Wen qʼuele miʼ sujmʌch chuqui miʼ yʌl jiñi página i chaʼan Internet baqui maʼ wochel.

Ili miʼ mejlel i coltañet chaʼan maʼ tajben i jacʼbal jiñi ñuc tac bʌ cʼajtiya. Laʼ laj qʼuel bajcheʼ.

JUMPʼEJL LIBRO AM BɅ I CHAʼAN I SUJMLEL

Chaʼan miʼ tajben i sujmlel jiñi ñuc tac bʌ cʼajtiya chaʼan bʌ i cuxtʌlel, Jessica tsiʼ mele cheʼ bajcheʼ miʼ mel cheʼ woliʼ qʼuel chaʼan jiñi bʌlñʌcʼʌl muʼ bʌ caj i mʌn maʼañic miʼ chʼʌm tilel cacahuate. Miʼ yʌl: «Cheʼ mic wen pejcan jiñi Biblia yicʼot cheʼ mic ñumen sʌclan chaʼan jiñi temaj, an i coltayon chaʼan mic taj jiñi i sujmlel am bʌ ti Biblia». Cabʌl lac piʼʌlob an i meleyob bajcheʼ Jessica yicʼot an i coltayob i cʌñob muʼ bʌ i yʌl jiñi Biblia chaʼan ili cʼajtiya tac:

• ¿Chucoch tsaʼ mejliyonla?

• ¿Chuqui mi lac chaʼlen cheʼ bʌ mi lac chʌmel?

• ¿Chucoch an cabʌl wocol?

• ¿Chuqui woliʼ mel Dios chaʼan miʼ jisan jiñi wocol?

• ¿Chuqui yom mi lac mel chaʼan tijicña lac familia?

Jatet jaʼel miʼ mejlel a tajben jiñi i jacʼbal ili cʼajtiya tac yicʼot jiñi yan tac bʌ cheʼ maʼ pejcan jiñi Biblia yicʼot cheʼ maʼ ñumen sʌclan ti www.jw.org/ctu