Wen chajpʌbil bajcheʼ miʼ mejlel jiñi subtʼan tiʼ pejtelel pañimil

Ti wajali, Jehová tsiʼ wen chajpa jiñi i tejclum Israel, i cheʼ miʼ mel jaʼel ili ora tiʼ tejclum chaʼan miʼ melbeñob i yeʼtel. Jiñi sucursal tac, jiñi circuito tac, jiñi congregación tac yicʼot jiñi grupo tac añoʼ bʌ tiʼ pejtelel pañimil miʼ chajpʌntel chaʼan miʼ subentelob wen tʼan jiñi quixtañujob, i yaʼ ochemob jaʼel jiñi yujiloʼ bʌ yambʌ tʼan (Ap. 14:6, 7).

¿Am baʼ ñaʼta chaʼan maʼ cʌn yambʌ tʼan chaʼan maʼ cʌntesan yambʌlob tiʼ sujmlel? Mi maʼañic i yorajlel a chaʼan chaʼan maʼ cʌn yambʌ tʼan, tajol miʼ mejlel a cʌn jumpʼej alʌ presentación muʼ bʌ i mejlel a taj yaʼ ti JW Language. Cheʼ bʌ maʼ cʼʌn jiñi presentación, mi caj a wen ubin a tijicñʌyel cheʼ bajcheʼ jiñi hermanojob ti ñaxam bʌ siglo cheʼ bʌ tiʼ subeyob «jini ñuc bʌ i yeʼtel Dios» jiñi yambʌlob tilemoʼ bʌ ti yambʌ tejclum (Hch. 2:7-11).

CHEʼ BɅ TSAʼIX LAʼ QʼUELE JIÑI VIDEO SUJTEN TIʼ YAMIGO JEHOVÁ: CHAʼLEN SUBTʼAN TI YAMBɅ TʼAN, JACʼɅ ILI CʼAJTIYA TAC:

• 

  ¿Jalaqui miʼ mejlel laj cʼʌn jiñi JW Language?

• 

  ¿Chuqui tac miʼ chʼʌm tilel jiñi JW Language?

• 

  ¿Baqui bʌ tʼan yujilob jiñi quixtañujob ti a territorio?

• ¿Chuqui yom mi lac mel mi tsaʼ lac taja juntiquil yomʌch i cʌn i sujmlel pero yujil yambʌ tʼan? (od-S 100 párr. 39-41).