Dios yom i cʌntañet
TI BIBLIA mi lac taj wen tac bʌ ticʼojel come tilem ti Dios. Anquese mach jumpʼejlic libro chaʼan bʌ tsʼac, miʼ coltañonla lac lʌtʼ jiñi muʼ tac bʌ i yʌcʼonla ti pensar, jiñi chʼijyemlel, cʼamʌjel yicʼot mach tac bʌ weñic lac pensar.
Cheʼ jaʼel, jiñi Biblia miʼ pʌsbeñonla ñuc tac bʌ i cʼʌjñibal: Miʼ yʌl chaʼan Jehováa Dios mucʼʌch i chʼʌmben i sujm bajcheʼ yubil mi la cubin yicʼot chuqui mi lac ñaʼtan. Yomʌch i cʌntañonla yicʼot miʼ yajñel yicʼotonla cheʼ bʌ mi lac ñusan wocol. Jumpʼejl ejemplo, ñaʼtancu ili chaʼpʼejl texto. Mi caj i wen coltañet.
«Lʌcʼʌl an lac Yum baʼan chʼijiyemoʼ bʌ i pusicʼal. Miʼ coltan jini woli bʌ i melob i pusicʼal» (SALMO 34:18).
«Come joñon a Yumon, a Dioson. Mi caj c chuquet ti ñoj bʌ a cʼʌb. Mach a chaʼlen bʌqʼuen, come mi caj j coltañet» (ISAÍAS 41:13).
Pero ¿bajcheʼ miʼ coltañonla Jehová cheʼ bʌ an lac chaʼan ansiedad o depresión? Ti jiñi yan tac bʌ tema mi caj a qʼuel chaʼan Jehová yomʌch i cʌntañonla, jin chaʼan cabʌl bajcheʼ miʼ coltañonla.
a Jehová jiñʌch i cʼabaʼ Dios (Salmo 83:18, TNM).