Pʌsʌ chaʼan maʼ chʼʌmben i sujm bajcheʼ yubil miʼ yubin i bʌ yambʌlob

Iliyi jiñʌch cheʼ bʌ mi lac chʼʌmben i sujm chuqui miʼ ñaʼtañob, bajcheʼ yubil miʼ yubiñob, chuqui miʼ qʼuelob ti ñuc yicʼot chuqui i cʼʌjñibal i chaʼan yañoʼ bʌ. Tsiquil iliyi come miʼ loqʼuel ti lac pusicʼal laj coltan yañoʼ bʌ. Cheʼ mi lac pʌs ti lac subtʼan iliyi, woli lac lajin i cʼuxbiya Jehová tiʼ tojlelob, i jiñʌch muʼ bʌ i yʌqʼueñob i mulan i cʌn (Fil. 2:4).

Mach jiñic jach mi lac pʌs cheʼ mi lac chaʼlen cʌntesa. Mi lac pʌs jaʼel ti bajcheʼ mi lac chaʼlen tʼan, bajcheʼ mi lac ñʌchʼtañob, ti lac melbal yicʼot tiʼ ñiʼ lac wut. I cabʌl bajcheʼ miʼ mejlel lac mel: Cheʼ mi lac chʼʌmob ti ñuc tiʼ sujm, cheʼ mi lac ñaʼtan chuqui miʼ mulañob, jiñi i ñopbalob, bajcheʼ yilal añob, cheʼ mi laj cʌqʼueñob ticʼojel yicʼot mi laj coltañob, pero maʼañic mi lac xicʼob chuqui yom miʼ melob. Ñumen tijicñayonla ti lac subtʼan cheʼ bʌ jiñi lac piʼʌlob mucʼʌch i jacʼob chaʼan mi laj coltañob.

CHEʼ BɅ TSAʼIX LAʼ QʼUELE JIÑI VIDEO MI LA CUBIN TIJICÑɅYEL CHEʼ MI LAC SUTQʼUIN TI XCɅNTʼAN YAMBɅLOB. LAʼ LAC ÑUMEN WEÑʼESAN LAJ CɅNTESA: LAʼ LAC PɅS CHAʼAN MI LAC CHʼɅMBEN I SUJM BAJCHEʼ MIʼ YUBIÑOB I BɅ YAMBɅLOB, JACʼɅ ILI CʼAJTIYA TAC:

• 

  ¿Bajcheʼ tsiʼ pʌsʌ Rita chaʼan tsaʼʌch i chʼʌmbe i sujm Coral cheʼ bʌ maʼañic tsaʼ sebe cʼoti?

• 

  ¿Bajcheʼ tsiʼ pʌsʌ Rita chaʼan tsaʼʌch i chʼʌmbe i sujm Coral cheʼ bʌ lujbix chaʼan miʼ chaʼlen estudio?

• 

  ¿Bajcheʼ tsiʼ pʌsʌ Rita chaʼan tsaʼʌch i chʼʌmbe i sujm Coral cheʼ bʌ tsiʼ yʌlʌ chaʼan maʼañic mi wen chajpan chuqui yom miʼ mel?