Jacʼben i coltaya jiñi hermanojob

Jehová miʼ cʼʌn jiñi hermanojob chaʼan miʼ coltañonla (1 P. 5:9). Miʼ coltañoñobla cheʼ bʌ an chuqui tac wocol mi la cubin ti lac subtʼan. Jumpʼejl ejemplo, hermanojob bajcheʼ Áquila, Priscila, Silas yicʼot Timoteo, tsiʼ wen coltayob jiñi apóstol Pablo (Hch. 18:1-5).

¿Bajcheʼ miʼ mejlel i coltañetob jiñi yambʌ hermanojob? Miʼ mejlel i subeñetob chuqui miʼ mejlel a mel cheʼ bʌ an mach bʌ weñic miʼ jacʼob a subtʼan, bajcheʼ miʼ mejlel a mel revisita tac o bajcheʼ miʼ mejlel a suben jumpʼejl estudio juntiquil lac piʼʌl yicʼot bajcheʼ miʼ mejlel a wʌcʼ estudio. Ñaʼtan majqui miʼ mejlel i coltañet yaʼ ti a congregación chaʼan maʼ ñumen weñʼesan a subtʼan i cʼajtiben chaʼan miʼ coltañet. Ti laʼ chaʼticlel mi caj laʼ taj laʼ wenlel yicʼot mi caj laʼ ñuqʼuesʌben laʼ bʌ laʼ pusicʼal (Fil. 1:25).

CHEʼ BɅ TSAʼIX LAʼ QʼUELE JIÑI VIDEO MI LA CUBIN LAC TIJICÑɅYEL CHEʼ MI LAC SUTQʼUIN TI XCɅNTʼAN YAMBɅLOB. LAʼ LAC JACʼBEN I COLTAYA JEHOVÁ: LA QUERMAÑUJOB, JACʼɅ ILI CʼAJTIYA TAC:

• 

  ¿Chuqui tsiʼ mele Rita chaʼan Coral miʼ tech majlel ti tempa bʌ?

• 

  ¿Chucoch yomʌch mi lac pʌy majlel yambʌ xsubtʼañob cheʼ bʌ mi la cʌcʼ estudio?

• 

  ¿Chuqui miʼ laja mulañob Coral yicʼot jiñi hermana añix bʌ i jabilel?

• ¿Chuqui miʼ mejlel a cʌn tiʼ tojlel yambʌ hermanojob chaʼan bʌ jiñi subtʼan?