¿Bajcheʼ mi lac tijicñesʌben i pusicʼal Dios?

Mach a mel jontolil (1 Corintios 6:9, 10)

Mi mucʼʌch laj cʼuxbin Dios, maʼanic mi caj lac mel mach bʌ anic miʼ mulan.

Jioba mach yomic cheʼ xujchʼonla, xyʌcʼajelonla o qʼuixñijelonla mi jinic cheʼ mi lac ñucʼ droga.

Dios miʼ tsʼaʼlen jini tsʌnsa, yicʼot cheʼ jini xʼixicob miʼ chocob i yalobil cʌntʌbil to bʌ i chaʼan, i mach utsʼatic miʼ qʼuel cheʼ miʼ wʌlʌc piʼleñob i bʌ jini winicob o jini xʼixicob. Jioba maʼanic mi mulan cheʼ mi lac wen cʼuxbin taqʼuin, mi jinicto cheʼ mi lac jatsʼob yambʌ winicob xʼixicob

Mach yomic mi lac chaʼlen pejca espíritujob, mi jinic i chʼujutesʌntel imágen tac.

Ti talto bʌ Paraíso maʼanix mi caj i yajñelob jini muʼ bʌ i melob jontolil.

Laʼ lac mel chuqui wen (Mateo 7:12)

Chaʼan miʼ lac tijicñesʌben i pusicʼal Dios, yom miʼ lac tsajcʌben i melbal.

Yom mi lac pʌs laj cʼuxbiya tiʼ tojlel yañoʼ bʌ yicʼot la cutslel yicʼot mi lac pʼewbeñob lac chubʌʼan.

Laʼ lac mel chuqui toj.

Yom an lac pʼuntaya yicʼot yom mi lac ñusʌben i mul lac piʼʌlob.

Laʼ lac sub i chaʼan bʌ Jioba yicʼot i mandar (Isaías 43:10).