Ырӑ хыпар сарас ӑсталӑха лайӑхлататпӑр. Май килнӗ чухне ырӑ хыпар пӗлтерес тесе калаҫӑва мӗнле пуҫламалла

Ҫакӑ мӗншӗн питӗ кирлӗ. Килтен киле ырӑ хыпар сарнӑ чухне эпир ҫынсенчен нумайӑшӗ килӗсенче пулманнине асӑрхатпӑр. Анчах та эпир вӗсемпе, сӑмахран, транспортра, тухтӑр патне кӗмелли черетре, ӗҫре е шкулта тӑхтав вӑхӑтӗнче тӗл пулма пултаратпӑр. Иегова кашни ҫынна Патшалӑх ҫинчен калакан хыпара илтме май парасшӑн (1 Тим. 2:3, 4). Ырӑ хыпар пӗлтерес тесен ытларах чухне калаҫӑва пирӗн хамӑрӑн пуҫламалла.

Ҫакна мӗнле тумалла:

Уйӑрса илме пӗл. Ҫын ырӑ кӑмӑллӑ тата калаҫма хатӗр пулнине куратӑн-и? Лару-тӑру лӑпкӑн та яланхилле калаҫма май парать-и? Хӑш-пӗр хыпарҫӑсем малтан ҫынпа куҫа-куҫӑн тӗл пулаҫҫӗ те ӑшшӑн кулаҫҫӗ. Ҫын та хирӗҫ ӑшшӑн кулать пулсан, вӗсем калаҫма пуҫлаҫҫӗ.
Калаҫу пуҫлама хӑюлӑх ҫитмест пулсан хӑв ӑшунта кӗскен кӗлту (Неем. 2:4; Ап. ӗҫ. 4:29).
Ансат сӑмахсемпе пуҫла, сӑмахран, салам сӑмахӗсемпе. Иисус Самари хӗрарӑмӗпе калаҫнӑ чухне тӳрех Турӑ Патшалӑхӗ ҫинчен каласа паман (Иоанн 4:7). Хӑш-пӗр чухне калаҫӑва мухтанипе пуҫлама пулать: «Сирӗн ачӑрсем хӑйсене питӗ лайӑх тытаҫҫӗ». Е ыйтма пулать: «Эсир ӗнер каҫхи хыпарсене пӑхрӑр-и?»
Ҫынпа калаҫма пуҫланӑ хыҫҫӑн ырӑ хыпар пӗлтерме май шыра, анчах та ан васка. Калаҫу хӑйӗн йӗркипе пытӑр. Тен, эсӗ ҫынна интереслентерме тата унра ытларах пӗлес кӑмӑла ҫуратма пултаракан сӑмахсене тупма пултаратӑн. Сӑмахран, эсир ҫемье ҫинчен калаҫатӑр пулсан: «Эпӗ ачасене мӗнле вӗрентсе-пӑхса ӳстермелли шанчӑклӑ канашсем тупрӑм»,— тесе калама пулать. Эсир хыпарсене сӳтсе-яватӑр пулсан: «Хыпарсем юлашки вӑхӑтра пит савӑнтармаҫҫӗ, анчах та нумаях пулмасть эпӗ лайӑх хыпарсем ҫинчен пӗлтӗм». Калаҫу эсӗ ырӑ хыпар ҫинчен пӗлтеричченех вӗҫленчӗ пулсан, ан кулян.
Интересленекен ҫынсем валли хӑвӑнпа пӗрле буклетсем е урӑх публикацисем ил.

Уйӑх тӑршшӗпе усӑ курмалли канаш:

Кашни эрнере май килнӗ чухне ырӑ хыпар пӗлтерес тесе пӗр калаҫу та пулин пуҫлама тӑрӑш.