Kola Sa La Itre Hnyinge i Nyipunie

◼ Hapeu, ijije kö troa hane mekune la itre ka i ati, maine göi mani?

Ame itre xan e easë, ke, hetre ka xomi së pala hi kowe la itre hna icasikeu, maine göi tro pena a cainöje trootro. Lolo la thiina ne la itre trejine trahmanyi me trejine föe, ene la kola huliwane hnyawane la itre traeme i angatr, me itre loto i angatr, me itre xaa ewekë i angatre ju kö matre ijije troa iati. Ngacama tro angatre a canga hnëkë pine laka angatre a troa iati, maine traqa hmitre pena ngöne la hnalapa i angatre qa hna iami trootro, ngo ame pe, ke, itre ewekë la ka amamane ka hape hetre aja i angatre troa ixome hune la loto i angatr.

Tune ngöne la nöjei götrane la huliwa ne cainöje ne la keresiano, nyipici catre la trepene meköti hna öhne ngöne Galatia 6:5: “Tro nöjei ate asë a isa thue ehnefen.” Ngo, maine ketre atr a ati së lapa, ke, loi e tro së a amamane la madrine së jëne la ixatua ka ijije hne së hna hamën, ene la ixatua nyi thupene sas.​—Mata. 7:12; 1 Kor. 10:24.

Ngacama tha kolo kö a upi së troa hamë mani hnene la itre ka iati, maine tha mama pena kö ka hape angatre a aja ixatua, loi pe hetre madrine pala hi thene la atre hame nyipici. Ma tro jë lai ka iati a thipën, ngo qanyi angeice pë hë, maine troa kapa maine thipën. Ngo, qa së la troa hamën. Maine tha ijiji epuni kö troa hamë mani enehila, ke, lapa mekune ju; ma tro jë epuni a nango hamën atrun e ketre ijine iati hmaca.​—Luka 6:38.

Kola mama la ihnimi thene la itre trene loto, pine laka angatr a iati troa icasikeu, maine troa cainöje trootro. (Ite Edo. 3:27) Qa ngöne lai loi e tro la itre atr hna atë a ketre amamane la ihnimi ka tru i angatre kowe la aqane ujë ka menyike ne la itre trene loto; maine tro angatre a olene thenge la hnei angatre hna hetreny.​—Kol. 3:15.