Göi Itre Icasikeu Ne La Huliwa Ne Treu Okotropa
Koi 4 Okotropa Me Wiike Cili
Nyima 147
10 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia.
17 men: “Isaisa La Qëhnelö Hna Thawa Troa Cainöj.” Caa menetre ne troa nyiqaan, nge thupene lai troa ce ithahnatan.
18 men: Loi e Tro Pala hi Së a Wangatrune La Itre Mekune e Hnine La Itre Zonal! Qaja jë la etrune la itre zonale hna hamëne hnene la itre ekalesia ngöne lo treu ka ase hë. Tune kaa la etrune itre ej, qa ngöne lo etrune asë hna kapa hnene la ekalesia? Maine co hi la hna tro fë, nemene la nyine troa kuca? Sipone jë kowe la itre trejine troa ithahnatane la itre mekune celë: (1) Loi e troa isa axeciëne hnyawa me komadëne hnene la itre trejine asë la etrune la itre zonal, hnei angatre hna atreine troa tro fë. (2) Loi e ijine tro fë zonale pala hi la nöjei mecixen. (3) Hnëkëne hnyawa jë la programme ne cainöje trootro, me hane amë fe la itre ijine tro fë zonale ngöne la treu. (4) Hnëkë jë matre troa catre cainöje ngöne la nöjei ijin, me xome la itre zonale matre troa nyiqaane ithahnata memine la itre atr. (5) Xome jë fe la itre zonale hne së hna öhne ka troa ahlëne la aja ne la itre ka huliwa me thele manie. (6) Loi e troa xome hnyawa pala hi la ëje ne la itre atr ka kapa la itre zonal, me sipone matre ketre gojenyi ne zonale së ju hë, nge kolo fe a bëeke troa tro fë la itre zonale hna xötrei kapa. (7) Loi e tro fe së a thele troa tro fë la itre zonale hna kapa hë e cili, matre thaa tro kö a xawane itre ej. Xome jë la itre zonale hna xötrei kapa, nge amamane jë la itre xaa mekune ka troa ahlëne la aja ne la itre atr. Troa kuca la lue iamacanyi hnene la ketre thupëtresij, me ketre thöth, matre troa amamane la aqane troa tro fë la itre zonal.—Wange ju la sinecetrone la Huliwa Ne Baselaia ne Semitrepa 1995.
Nyima 105 me thithi ne nyipun.
Koi 11 Okotropa Me Wiike Cili
Nyima 194
10 men: Itre ithuemacanyi koi së. Troa cile fë la hna ithingë.
15 men: Itre ihaji koi së.
20 men: “Atreine Troa Kökötre La Madrine Së Jëne La Itre Icasikeu.” Troa ce ithahnatan. Qaja jë la itre ceitune ngöne la aqane tro së a wangatrune la itre xaa trejine me ithuecatrekeu ngöne la itre ijine icasikeu. Tro la itre trejine a qaja la madrine hnei angatre hna kapa qa ngöne la itre icasikeu.
Nyima 152 me thithi ne nyipun.
Koi 18 Okotropa Me Wiike Cili
Nyima 196
10 men: Itre ithuemacanyi koi së me itre hna melëne ngöne la huliwa ne cainöj.
13 men: “Hapeu, Easë Kö a Troa Saze Ekalesia?” Cainöje ka ithuecatre hna troa kuca hnene la seketere. Maine hetre ajane la itretre cainöje troa tro kowe la ketre ekalesia, haawe, nyipi ewekë tro angatre a kuca asë la itre nyine troa kuca matre thaa tro kö a hetre ejolene elanyi ngöne la götrane la ua. Amamane jë la eloine e tro la itre qatre thupe a atre la aja ka eje thei epun, matre tro angatre a hane xatua epuni me canga thuemacane la ekalesia i epuni ka hnyipixe.
22 men: “Nyine Troa Qaja Kowe La Atre Iudra?” Troa ce ithahnatan. Qeje pengöne jë la eisapengönene la Orthodoxe, Réforme, me Judaisme traditionnel. (Wange ju la itus, L’humanité à la recherche de Dieu, götrane 226-7.) Amamane jë la itre götrane ka ijije nyine tro së a xome matre troa ce ithahnatane memine la atre Iudra. Iamacanyine jë la ketre aqane nyiqaane ithahnata, hna hnëkëne hnyawa. Maine kola aja ithuemacanyi göne la hmi Judaisme, wange ju la sinecetrone la Huliwa Ne Baselaia ne Febuare 1998, me itus Comment raisonner, götrane 22-3; me L’humanité à la recherche de Dieu, mekene 9. Maine thaa ka ihmeku kö la hna cinyihane memine la itre aja ne la itre atr ne la nöj, cile fë jë pena la ketre cainöj hna xome qa ngöne la hna cinyihane hna hape, “Nemene la aqane troa xomihnine la itre ihnyimasai?” ngöne Réveillez-vous! ne 22 Juun 1999, götrane 12-14.
Nyima 142 me thithi ne nyipun.
Koi 25 Okotropa Me Wiike Cili
Nyima 179
15 men: Itre ithuemacanyi koi së. Xatuane jë la itre trejine asë troa hnëkë hnyawa matre troa tro fë la boroshüre Thele, maine itus, Atrehmekune ngöne la treu Nofeba. Qeje pengöne jë la aqane troa hnëkëne la ketre aqane nyiqaane ithahnata ka ce tro memine la hnyinge hna hape, “Hapeu, Akötresieti kö a drenge la nöjei thithi asë?” Xome jë la itre mekune qa ngöne la ini 7 ne la boroshüre maine pena mekene 16, paragarafe 12-14, ne la itus. Iamacanyine jë la ketre aqane nyiqaane ithahnata, jëne troa ithahnatane la ketre xötr. Atreine hi troa xome nyine hnane ej, lo itus, Création. Hamëne jë la ketre hnepe aqane nyiqaane ithahnata.
15 men: Thele Jë La Itre Mekune Ka Sa La Itre Hnyinge Qa Hnine La Tusi Hmitrötr. Kola troa wange la drikona hnene la ketre trejine ka iöhnyi memine la ketre atr ka drei angeic, nge ka amexeje la ketre hnyinge qa hnine la Tusi Hmitrötr. Thaa hnene kö la drikona hna sa la hnying, ngo nyidrëti a qeje pengöne la aqane troa thele ej. Ame la ewekë hnapan, nyidrëti a wange hmaca la itre mekune nyine ixatua, e hnine la itus Manuel pour l’Ecole, ini 7, paragarafe 8-9. Thupene lai, nyidroti a ce thele la ketre hnyinge hna majemine xome hnene la itre atr ne la götrane hna cainöje ngön. Nyidroti fe a ce goeëne la itre mekune ka sisitria nyine troa qeje pengöne hnyawa la mekune hna troa ithahnatan, me xome la itre mekune ka tru ka ijije troa amamane hnyawa la kepine matre Tusi Hmitrötre a sa tune lai. Xatuane jë la itre atrene la icasikeu troa kuca la aqane hnëkë celë ka hetre thangane ka loi matre troa thele la itre mekune ka sa la itre hnyinge qa hnine la Tusi Hmitrötr.
15 men: Itre Mekune Nyine Tro Së a Thele Troa Eatrën. Cainöj, nge troa ce ithahnatan. Wange hmaca ju la itre mekune ka lolo hna eköhagen, götrane 11 ne la zonal, La Tour de Garde ne 15 Maac 1997. Hamëne jë fe la itre ixatua matre troa hane xome la huliwa ne pionie ka ixatua maine pionie lapa. Qeje pengöne jë la manathithi hna kapa, e hna eatrëne la itre mekune celë ka troa hamë manathithi koi së isa ala caas. Sipone jë kowe la itre trejine asë troa qaja la itre madrine hnei angatre hna kapa qa ngöne la hna eatrëne la itre xaa huliwa qaathei Akötresie hnei angatre hna ajane troa traqa kow.
Nyima 151 me thithi ne nyipun.