‘Epi Troa Eatre La Aja i Akötresie’
1. Nemene la tan la asabele ka ketrepengön nge ka ca drain ne la macatre ne huliwa 2012, nge pine nemene matre nyipi ewekë tro sa wangatrune hnyawa la tan cili?
1 Hnei Iehova hna xupi së thatraqane la aja i Nyidrë. (Hna ama. 4: 11) Hawe, thatreine kö troa hetre aliene la mele së, e tha hne së kö hna thele troa atrepengöne me kuca la aja i Akötresie. Tha ewekë ka hmaloi kö lai, pine laka nyipi ewekë tro sa isi memine la aja the së, ene la troa kuca la “ite aja ne la ngönetei memine la hni” maine pena troa kuca la ‘aja i angete ethen.’ (Efe. 2:3; 1 Pet. 4:3; 2 Pet. 2:10) Maine patre kö the së la ixatua qathei Akötresie, hawe, canga tro hi a “ajötenyi [së] kowe la aja i [Diabolo].” (2 Tim. 2:26) Kola troa xatua së, easë isa ala cas, hnene la asabele ka ketrepengön nge ka ca drain ne la macatre ne huliwa 2012, troa catre trongëne hnyawa la hnakönine sipo ka eje ngöne lo tulu ne thith. Hawe, ame la tan la asabele cili, tre, “longëtinejë la hanengë i enëtilai.”—Mat. 6:9, 10.
2. Nemene la itre hnyinge hna troa sa ngöne la porogaram?
2 Itre Hnying Hna Troa Sa: Ame la easa troa drenge la porogaram, thele hnyawa jë së la itre mekune ka sa la itre hnyinge celë: Maine itre ka drengethenge së la Wesi Ula i Akötresie, nemene fe la ketre ewekë ka sisitria nyine tro sa kuca? Tune ka la aqane tro sa atre hnyawa la aja i Akötresieti koi së? Pine nemene matre nyipi ewekë troa eje the së la ajane troa ketr la nöjei pengöne atr? Tune ka la aqane tro sa hetrenyi la ketre mele ka lolo me ka hetre alien? Itre thöthi fe, nemene la hnei nyipunieti hna troa amamane koi Iehova? Nemene la itre manathithi hna troa kapa qa ngöne la hna kuca la aja i Akötresie? Pine nemene matre ka nyipi ewekë catre tro sa akeukawane me hamë ithuecatre kowe la itre xan?
3. Tro sa kepe thangane tune ka qa ngöne la asabele cili?
3 The triane kö la itre ijine asabele, nge catre pi troa drenge hnyawa la itre cainöj. Maine jë ame la atre iwai, tre, ketre atrene la Bethela maine ketre qatre thup ka iwai trotro. Qëmekene me thupene la porogaram, thele jë troa ithanata me nyidrë, nge maine ka faipoipo nyidrë, wange ju fe la föi nyidrë. Ame la nyipunieti a bëeke hmaca kowe la hnalapa i nyipunie, the tune kö lo “ate denge thëthëhmin,” ngo ce wange jë memine la hnepe lapa i nyipunie la itre mekun hna hamën, nge ce ithanatane jë la aqane tro nyipunieti a mele thenge la aja i Akötresie.—Iako. 1:25.
4. Pine nemene matre nyipi ewekë catre tro sa amë panëne la aja i Akötresie ngöne la mele së?
4 Easenyi trotro hë la ijine tro Iehova a apatrene la itre atr ka nyinyape thele la itre sipu aja i angatr, me ka xele ma drengethenge la aja i Nyidrë. (1 Ioane 2:17) Drei la hni ne ole së koi Iehova pine laka hnei Nyidrëti hna hnëkëne ngöne la ijine ka ijij, la itre ithuemacanyi ka troa xatua së troa amë panëne la aja i Akötresie ngöne la mele së!