Madrine Së Troa Xup Me Nyihnyawane La Itre Hnë Hmi Së

Ka tru jolen me tru thupen ekö la kola xupe la ēnēe Isaraela. Ngo, hnei angetre Isaraela hna catre sajuëne la huliwa cili. (1 A. l. ite jo. 29:2-9; 2 A. l. ite jo. 6:7, 8) Ame hë la kola umuthe la ēnē, kola mama la elolone la aqane hmi angatr, ke hnei angatr pala hi hna nyihnyawane hnyawa la ēnē. Ketre, lolo fe la aqane imelekeu i angatr me Akötresie. (2 Ite jo. 22:3-6; 2 A. l. ite jo. 28:24; 29:3) Ame enehila, kola xome hnene la itre Keresiano la traem me trengecatre i angatr troa xup me nyidrawane me nyihnyawane la itre Uma Ne Baselaia, me itre Iuma Ne Asabele. Nge eje hi lai laka, ame la troa ce huliwa tune lai me Iehova, tre celë hi ketre madrine ka tru, nge ketre aqane tro së lai a hmi koi Nyidrë.—Sal. 127:1; Hna ama. 7:15.

IJIJE HI TRO SA CE IWANAKOIMËN HNENE LA HNA . . .

• 

  Amë hnyawane la itre ewekë thupene la hna icasikeu. Ame la epuni a tro, pane goeëne ju ka hape pëkö ewekë nyine troa pane amë hnyawan.

• 

  Hane nyidrawane me nyihnyawane la Uma Ne Baselaia. Maine hna ce iwanakoimëne la itre huliwa, tro ha madrin me hmaloi troa kuca.​—lv 92-93 par. 18.

• 

  Hane kuië ahnahna. Ka tru catre koi Iehova la kola hamëne la ‘lue neköi manie ka co.’—Mareko 12:41-44.

• 

  Hane ixatua xup me nyihnyawane la itre iuma thatraqane la hmi. Tha nyipiewekë kö troa hetre pepa matre troa hane sine la huliwa cili.