Nyine Lapa Mekun

Amë Panëne Jë La Itre Huliwa Ka Nyipiewekë

Tha tru kö la traeme së troa ini Tusi cas. Matre tro sa huliwan hnyawan tune kaa la traeme së? Ame la hnapan, ke troa xomi ijine troa ini Tusi cas. Ka loi kö la troa acone hi la itre hne së hna ini, hune la troa atrune palaha nge pëkö ini hne së hna xome qa ngön.

Thupene lai, amë panëne jë la itre huliwa ka nyipiewekë. (Efe. 5:15, 16) Hane hi la aqane troa kuca:

E Tusi Hmitrötr jë e nöjei drai. (Sal. 1:2) Ame la ka troa xatua epun, ke ene la troa e la itre xötr hna hnëkën kowe la icasikeu ne la wiik.
Hnëkëne hnyawane jë la Ita Ne Thup, memine la itre icasikeu ne la wiik, matre troa hamë mekun.—Sal. 22:22.
E hetre ijine i epun, goeëne jë la itre video ka hnyipi traqa, maine e la itre zonal me itre tane mekune ka mama ngöne jw.org.
Thele jë la ketre tane mekun hnei epuni hna pi inin. Maine jë, kola qaja la ketre jol hnei epuni hna melën, maine ketre hnyinge i epun, maine ketre ini qa hnine la Tusi Hmitrötr hnei epuni hna pi atre hnyawa. Hetre itre xaa mekun ngöne la götran hna hape, “Explore la Bible!” ngöne jw.org.