Kola Sa Hnei Tusi Hmitrötr

Nyipici kö ka hape, Wesi Ula i Akötresieti la Tusi Hmitrötr?

Ame koi itre atr, maine Wesi Ula i Akötresieti la Tusi Hmitrötr, tre kolo lai a hape, ketre pengöne kö ej hune la itre xa itus. Nge eje hi, ke itre miliar lao Tusi Hmitrötr hna fejane me ujëne ngöne la nyimu qene hlapa, traqa koi itre hadredr. Nge atreine hi tro la ini qa hnine la Tusi Hmitrötr a saze la itre atr, matre nyipi atr jë angatr.—E jë la 1 Thesalonika 2:13; 2 Timoteo 3:16;.

Atre hi së ka hape, qaathei Akötresieti la Tusi Hmitrötr, pine laka, ka nyipici hi la itre ewekë hnene ej hna thingehnaean. Thatreine kö tro la atr a hane kuca la ewekë celë. Pane xome jë së la tusi Isaia, nyine ceitun. Hna öhne la tusi Isaia e hnine la ketre ngönemenyi ezine lo hnagejë, hna hape la mer Morte, nge hna cinyihane la itus cili ekö, ma traqa koi ca hadredr nge hetre munën lao macatre qëmekene troa hnaho Iesu. Kola qaja hnene lai itus ka hape, tha tro hmaca kö a lapaane la traone ne Babulona. Hna eatr la hnaithanata cili itre macatre thupene la huliwa i Iesu e celë fen.—E jë la Isaia 13:19, 20; 2 Peteru 1:20, 21.

Hna tune kaa matre hetre Tusi Hmitrötre jë?

Traqa koi 1 600 lao macatre ne cinyihane hnei itre atr la Tusi Hmitrötr. Ma ala 40 la etru i angatr, nge casi la mekune ka tru hnei angatr hna ithanatan, nge goi tha isazikeu fe la itre mekune hnei angatr hna cinyihan. Nemene la ka aijijë angatr troa traqa kowe lai? Akötresieti la ka xatua angatr.—E jë la 2 Samuela 23:2.

Ame ngöne la itre xa ijin, hnei Akötresie hna ithanata koi angatr jëne la itre angela, maine jëne la hna iamamany, maine itre ewekë hna meköle goeën. Ngo ame pë hë göi itre xa mekun, tre Akötresieti a amë ju la itre mekuana i Nyidrë e hnine la mekuna ne la atre cinyihan, nge Nyidrëti a nue ju pe koi angeice troa iëne la itre hnaewekë ka troa qaja amamane la maca i Nyidrë.—E jë la Hna Amamane 1:1; 21:3-5.