Loi e Tro Së a Kepe Thangane La Ini Cainöje Qathei Akötresie
1 Ame la ini ne cainöje qathei Akötresie, ke, ketre jia lai nyine aijijë së troa hetrenyi la “atreine troa inin,” celëhi matre ijiji së troa hamëne hnyawane la itre nyipici ne la Tusi Hmitrötre kowe la itre xan. (2 Tim. 4:2) E nöjei wiik, ke, kola lai trootro la wangatrehmekune së qa ngöne la itre taane ne la Tusi Hmitrötr ka nyimu pengön. Nemene la aqane tro së a atrehmekune laka easë a kepe thangane la emelene la ini, ene la hna hamëne hnene la ini ne cainöje qathei Akötresie?
2 Tro së a drenge hnyawane la itre xötrei ithahnata ne la atre thupëne la ini, pine laka nyidrëti a amamane koi së la itre xaa mekune ka nyipiewekë thatraqa së hne së hna troa inine ngöne la ijine reinio. Loi e tro së a mekune hnyawane la itre hnyinge hna hamën, me aqane tro së a trongëne la itre mekune hna amexej, ngöne la huliwa ne cainöje trootro.
3 Ame la cainöje ne inin, ke, tha ene hmekuje kö la troa ce wange la mekune ka ijije qahnine la itus. Ngo kola amamane koi së la enyipiewekëne la troa trongëne la itre ini memine la aqane tro së isa alacasi a kepe thangan. Tro së a trotrohnine la itre mekune ka tru e hne së hna pane hnëkë, me hane sa ngöne la kola hnyinge thupene la cainöj.
4 Maine tro së a e lo itre xötre ne Tusi Hmitrötr nyine e, ngöne la wiik, ke, kola ajuine la aja së kowe la wesi ula i Akötresie. Nyimutre la itre mekune ka hnyipixe me ka nyipiewekë hne së hna atre qa ngöne la hna sinethel, nge tro fe a kökötre la trotrohnine së ne la nyipici. Ame la itre mekune ka nyipiewekë qa hnine la Tusi Hmitrötre hna troa qejepengön, ke, tha ene kö la troa qaja hmaca la hnei tusi hë hna qaja. Thupene la hna amekunëne la itre meken, tha tro pe aqean, ke, tro la ka cilefë la cainöj’a amamane la itre mekune ka ijije troa atrehmekun, ngöne la angeic’a e la itre mekene tusi hna athip, me amamane la aqane ketr la mele së memine la hmi së. Loi e tro së a drenge hnyawane matre tro së a trotrohnine la aqane troa trongëne hnyawane la itre ini qahnine la Tusi Hmitrötr. — Sal. 119:105.
5 Maine hna athipi qa së, ke, loi e troa atre hnyawa la poë nyine tro së a huliwaan. Loi tro së a e hnyawane la itre ihaji qahnine la itus Manuel pour l’Ecole, ka qejepengöne la aqane troa hamëne la cainöj, nge tupathe jë së troa trongën’itr’ej. Ngöne la easë a iëne la itre mekune ne la cainöj, ke, tupathe jë së troa amamane la itre mekune ka ijije nyine troa huliwaane ngöne la kola cainöje trootro. — sg g. 96-9.
6 Maine ketre söre epun, nge epuni a kuca la hnëqa naba 3 maine 4, ke, tupathe jë troa amamane la itre mekune tune la aqane melëne hne së. Maine hna kapa maine tha hna kapa kö hnene la atr; ngo loi pe troa ce ithahnataane me angeice la itre tulu ne mekune ne la Tusi Hmitrötre ka nyipiewekë catr. (sg g. 153-7) Tro la aqane kuca celë, a xatuane la itre trejine troa goeëne la aqane troa cile kowe la itre mekune ka ajolëne la Maca ka loi, ngöne la kola cainöje trootro. Loi e tro epuni a pane canga hnëkë hnyawa, nge wai ijine jë troa canga amacaane memine lai atr ka ce kuca me epun. Tha loi kö troa amacaane thupene la kola nyiqaane la icasikeu.
7 Tro la itre trene qa, a lapa qëmekene la ita ne cainöj, matre tha tro kö a aluzi traem, nge kola xatuane la atre thupëne la ini troa hajiin’amekötiin. Easë asë a kepe thangane la ini hna hamë së ngöne la ihnim, ka tro meköti nge hna eköthe hune lo itus Manuel pour l’Ecole. Ame itre xaa ijin, ke, tha nyidrëti kö a xötrethenge la itre poë hna cinyihane xötrëne e kuhu ngöne itus, ngo nyidrëti a iëne la ketre poë ka ijije tro lai atr a huliwaan, matre kökötre hnyawa la atreine i angeic.
8 Itre ewekë lai nyine amamane koi së laka nyipiewekë troa hnëkëne la nöjei icasikeu ne ini ne cainöje qathei Akötresie me sine palahi. Ame la ini hne së hna kapa, ke, kola xatua së troa hetre wangatrehmekune me maca ngöne la huliwa ne cainöje trootro. — Ite Edom. 1:5.