Xupexatuane Jë La Aja Jëne La Itre Iwaihmaca
1 Hna aceitunëne la huliwa ne cainöje trootro me hna eënyi, nge hna xome ceitune la iwaihmaca memine la atre eënyi ka traane me fie la feja i angeic. (Mat. 13:23; Luka 10:2; 2 Kor. 9:10) Tune la itre ka “huliwa i Akötresie,” nyipiewekë troa xatuane la itre feja hne së hna traane troa kökötre me traqa kowe la troa macaj, me hamë wen. (1 Kor. 3:6, 9) Troa tuneka matre traqa pi kowe lai?
2 Loi e troa canga wange hmaca la itre trene aja. Wange hmaca ju lo sine pepa ne feja itre hnalapa, matre troa iëne la itre atr hnei epuni hna troa vizitën, memine fe la taane hnei epuni hna troa ithahnataan. Ejehi laka, tro lai taane hna ithahnataane lo traqa hnapan a nyijëne la porotrike la kola iwaihmaca. Troa atreine waipengön, nge loi e tro palahi a mekune la aliene la itre xaa xötre ka ijije troa hane amaman. Ka nyipiewekë catre, e kola ithahnata, tro palahi a amamane la Tusi Hmitrötr, easë lai a mejiune kowe la menen’eje atre troa ketr la hni ne la atr.—Heb. 4:12.
3 Maine hnei epuni hna amë pe lo boroshür “Dieu se soucie-t-il vraiment de nous,” ke, qaja ju ka hape:
◼ “Alanyimu la itre atr trene hni ka loi, ka mekune laka troa apatrene hnei Akötresieti la fene hnengödrai celë, ngo itre xan’a xou qa ngöne la hna mekune ka hape sipu tro kö la atr a apatren. Nemene fe la mekune i epun? [Nue pi troa sa.] Tusi Hmitrötre pe a qaja koi së ka hape tha fene kö la hnei Akötresie hna troa apatren, ngo tro pe a nyihnane la iangazo hnene la tingetinge me lapa xetietë.” Amamane jë la götrane 22, me e jë la Ite Edomë 2:21, 22, hna cinyihane e kuhu hnin. Maine kola ajan, ke, qejepengöne ju la aqane inine la Tusi Hmitrötr, maine hamëne ju la itre zonale ka hnyipi traqa, nge isapui ju göi troa iwaihmaca, me ithahnataane la pengöne la fene ka hnyipixe hna thingehnaeane hnei Akötresie.
4 E maine hnei epuni hna hamëne lo boroshür “Mus,” ke, hanawange la itre nyine tro epuni a ithahnataan:
◼ Itre mekune qa hnine la itre götrane 174-6 ne lai itusi Comment raisonner. Maine pena hnyingëne ju ka hape: “Atre fe kö epuni la lue mejiune hna qaja hnene la Tusi Hmitrötr? Ame la ketre, ke, ene la troa mele ka tha ase palua kö e celë fen. Kola qejepengöne hnene la boroshüre celë la aqane troa traqa kowe la mele cili.” Nge, thupene lai, fe jë kowe la götrane 15 ne la boroshür, nge e jë la köni xötre hna cinyihan.
5 Thupene la hnei epuni hna amë lo boroshür “Mele e celë fen” kowe la ketre atr ka hetre hmin, ke, ijije tro epuni a qaja ka hape:
◼ “Ma ka hane fe hi nyipëti hmiine lo thithi i Joxu. Nemene la mekune i nyipëti la kola sipone matre hlepëti la Baselaia i Akötresie?” Qanyine kö la hna sa hnene la atr, nge amamane jë la itre iatr 41 utihë 49, nge thupene lai, e jë la Daniela 7:14. Maine ijije tro epuni a sisedrën, qejepengöne jë ka hape ame la aliene la troa hlepëti la Baselaia i Akötresie, ke, kola troa apatrene la iangazo me akötr. Amamane hnyawaane ju fe ka hape e ka meköti së xajawai Akötresie, ke, ijije tro së a hane hetrenyi la mele ka tha ase palua kö ngöne la paradraiso e celë fene hnengödrai.
6 Mekune fe kö troa hane wange hmaca lo itre ka dreng, ngacama pëkö itusi hna xom. Tupathe ju troa wai ijine e nöjei wiike göi troa iwaihmaca. Tro Iehova a amanathithine la itre trenge catre i epuni troa xupexatuane la aja hna öhn. E pi tro la aqane kuca celë a wa thatraqane la troa atrunyi Akötresie!—Ioane 15:8.