Nyi Hlue i Akötresieti Jë Ngöne La Lai Me Jidr
1 Hna athipe koi së la ketre hnëqa ka tru catr. Ene la troa itretre anyipici Iehova. Easë fe e hnine la ketre organizasio ka tru e celë fene ka icasikeune la nöjei ka tro fë la evangelia; hna upi së hnei Iehova troa aeatrëne la ketre hnëqa ka tru, ene la troa cainöjëne la Baselaia, ketre huliwa hna tha hane pala kö kuca hnei atr! (Mareko 13:10) Ngöne laka, xoxopatre catre hë la itre drai, hapeu, easë kö a hane catre aeatrëne la huliwa celë?
2 Thatre kö së la aqane troa ujë hnene la ka alanyimu kowe la cainöje së. Ngo Iehova a qaja hnyawa koi së ka hape troa hetrenyi “la ka ala nyimu atraqat,” nge hna wangatrehmekunyi angatre asë hnene laka angatre a “nyi hlue i nyidë e lai me jid.” (Hna Ama. 7:9, 15) Hna sasaithe hë la faifi milio lao Temoë, nge angatre a catre nyi hlue i Akötresie, tha angatre hmeku je kö a drenge me sine la itre icasikeu. Angatre fe a catre huliwa, me cainöjëne la maca ka loi e cailo fene hnengödrai!
3 Ngöne la nöjei drai, ke, nyimutre la itre ijine troa atrunyi Iehova, maine ngöne la kola cainöje trootro, maine ngöne la nöjei ijine ka ijij. Maine tro së isa ala caasi a isa caa hna cainöje kow ngöne la nöjei drai, ke, tha ka co kö lai ixatua së kowe la huliwa ne cainöje trootro. Ijije hi troa wange la nöjei atrene la teritoare ngöne la ketre traeme ka xoxopatr! Tro la ole së koi Iehova a upi së troa qeje Nyidrë kowe la itre xaa atr.—Sal. 92:1, 2.
4 Xatuane Jë La Itre Xane Troa Nyi Hlue i Akötresie: Iehova pala hi a amanathithi së trootro. (Hag. 2:7) Ame ngöne lo macatre ne huliwa ka ase hë, ke, hna kuca la 1 507 lao ini Tusi Hmitrötre ngöne la nöjei treu e Kaledonia. Ame la aja së ngöne la kola inine la itre atr celë, ke, ene la troa xatua angatre troa itretre drei Iesu. (Mata. 28:19, 20) Alanyimu catre e angatre itre ka canga kökötre ngöne la ua pine laka angatre pala hi a sine la itre icasikeu. Hnei angatre hë hna nyiqaane ithahnataane kowe la itre atr hnei angatre hna atre la itre ewekë hnei angatre hna inin, me qaja “la ite huliwa ka mene i Akötesie.” (Ite Huliwa 2:11) Hapeu, ijiji angatre fe hë enehila troa hane cainöje trootro?
5 Ngöne la treu eiperem, ke, loi e tro së a catre troa könëne la itre ka xötrei cainöje ka ijije troa ce tro me easë troa cainöje trootro. Hane fe kö la ka ini Tusi Hmitrötre me epuni fe amamane la aja i angeice troa kuca tune lai? Maine eje hi, ke, angeice kö a melëne la itre hna amekötine qa hnine la Itre hna cinyihan? (Goeëne ju la itus Notre Ministère ngöne la götrane 98-100.) Maine epuni a mekune ka hape ijiji angeic fe hë, ke, ithahnatane jë memine la atre thupe perezida la aja ka eje thei angeic, matre tro pë hë nyidrë a ce wange memine la lue xaa qatre thupe göi mekune nyine troa axeciën. Maine hna aijijëne hë la ka ini Tusi Hmitrötre tro angeice a hane cainöje trootro tha hna bapataisone petre kö, ke, könë angeice jë troa hane ce cainöje me epun. Tro la atre thupëne la huliwa ne cainöje memine la itre ka cile fë la itre ini tus ne la ekalesia a wange hnyawa matre troa xatuane la itre atr ka ijije hë troa tro fë la maca ka loi matre tro angatre a hane nyiqaane cainöje e treu eiperem.
6 Ma tro jë fe la itre keme me thine a waipengöne la itre nekö i angatr, ma ijiji angatre jë fe hë troa hane itretre cainöje hna tha bapataisone petre kö. (Sal. 148:12, 13) Maine hetre aja ne la nekö i epuni troa hane ithahnata ngöne la huliwa ne cainöj, nge epuni a öhne laka lolo fe la thiina i angeic, ke, tro jë a ithahnatane memine la ketre qatre thup ka cilëmekene la huliwa ne cainöj. Atreine tro hi la lue qatre thupe a axeciëne maine ijije tro fe hë la nekö i epuni a hane cainöje trootro. Ketre kepine lai ka nyipi ewekë nyine amadrinë së ngöne la kola ce me së hnene la itre nekönatre troa atrunyi Akötresie!
7 Iehova hmekuje hi la nyine tro së a nyi hlue kow. (Luka 4:8) Loi e tro së isa alacaasi a catre troa kuca la hnëqa së ka mingöming, ene la troa olene atraqatre me “atrunyi” Nyidrë. The tro kö së a nue la ketre drai, nge tha hne së kö hna nyi hlue i Akötresie!—Sal. 109:30; 113:3.