Qaja Trongëne Jë La Nyipici Kowe La Itre Atr Ka Lapa Ezi Epun
1 Hna qaja ngöne la ketre e ene la lue wathebo ka tru ka hape: “Tro eö a hnime la ate lapa eashenyi ö tui eö hi.” (Mata. 22:39) Celë hi ihnimi lai ka troa upi së troa hane ce thawa memine la itre atr ka lapa ezi së la ewekë ka sisitria the së—ene la nyipci hne së hna kapa qa hnine la Wesiula i Akötresie. Celë hi matre kola haöthe la nyipici, ene la ithuemacanyi qa hnine la Tusi Hmitrötr, hnene La Tour de Garde me Réveillez-vous!, nge maine tro së a tro fë trongëne la itre zonale cili ngöne la treu Mei, ketre jëne tro fe lai a hane ‘qeje nyipici kowe la ate eashenyi së.’ —Efe. 4:25.
2 Loi e tro epuni a tro fë asë la zonal “Réveillez-vous!” ne 22 eiperem. Haawe, nyiqaane jë la cainöje i epuni tune la:
◼ “Maine troa qaja koi epuni la ketre fene ka pë isi, nemene fe la mekune i epun? [Nue pi troa sa.] Atre fe hi epuni laka itre hmi ne la fene celë la ka sajuëne la itre isi me itre ihumuth? [Nue pi troa sa.] Ame pena la ketre götrane ka isapengöne catr, pane goeëne jë la hna qaja hnene la Tusi Hmitrötre göne la hna troa kuca hnene la itretre nyipi hlue i Akötresie.” E jë la Isaia 2:2-4 hna cinyihane hune götrane 4 ne la zonale, nge thupene lai ngöne la götrane 10 e jë la pane paragarafe fene la hna cinyihane ka hape “Un appel aux amis de la paix”. Thupene jë hi lai, hnyingëne hmaca ju ka hape: “Hapeu, atre hi epuni la aqane tro Akötresie a aeatrëne lai? Celë hi hnyinge hna troa sa hnene la zonale celë, haawe, eni a ajane troa amë pe la ketre thei epuni matre tro epuni a hane e.”
3 Maine easë a troa tro fë “La Tour de Garde” ne 15 mei, ke, tupathe ju troa qaja la itre nuvele ka hnyipi traqa ka amejëne la xou thene la itre atr, nge thupene lai hnyinge ju ka hape:
◼ “Tune ka fe la mekune i epun, nemene la nyine kuca ka ijije matre thaa tro kö së a lapa xou ngöne la mele celë? [Nue pi troa sa.] Ngo maine tro së a mekune hnyawa, hapeu, loi kö tro së a mejiune kowe la itre atr troa apaatrene la itre jole ka jilapa ngöne la fene enehila? [Nue pi troa sa; thupene lai e jë la Salamo 146:3.] Kola hamë së hnene la atre cinyihane la salamo la kepine matre tro së a madrine me mejiune kowe la itre drai ka troa xulu. [E jë la Salamo 146:5, 6.] Kola qejepengöne hnene la hna cinyihane celë hna hape ‘La sécurité véritable, maintenant et pour toujours’, la kepine matre ijije tro së a mejiune laka tro Iehova Akötresie a axulune la mele ka loi e celë fen.” Hamëne jë la itre zonale me qaja ka hape tro hmaca epuni a bëeke troa qejepegöne la aqane troa mele tingetinge enehila.
4 Tro la taane mekune ngöne la icetröne la “Réveillez-vous!” ne 22 mei a amejëne la aja ne la itre ka lapa ngöne la teritoare hne së hna cainöje trootro ngön, maine ngöne teritoar, laka itre biero ne huliwa hmekuje hi. Qaja ju ka hape:
◼ “Nyimutre la itre föe hna sipo ihanyi memine ngöne la itre hnë huliwa. Pine laka, kola elë catre la thiina ka ngazo cili enehila, itre tiribunale hë a kotrëne me trane la itre ka sipo ihanyi ngöne la hnë huliwa. Nyine ixatua kowe la nöjei atr asë la eahuni a cinyihane la itre ithuemacanyi ka troa qajaqaja la itre aqane ujë ka ngazo hna majemine kuca ngöne la götrane cili. Ketre, hna hamëne ngöne lai itre ithuemacanyi cili la itre mekune ka ijije thatraqane la itre föe me trahmany, göi aqane tro angatre a hmekëne me thupën, wanga upe zö angatre jë maine tro pena qanangazo angatr. Hapeu, ajane fe kö epuni troa e la Réveillez-vous! celë? [Nue pi troa sa.] Maine hne së hna hamëne gufane la itre zonale së nge hetre hna hamë së ke, kapa ju ngacama co hi, matre nyine ixatua thatraqane la huliwa ne cainöje e cailo fen.”
5 Maine epuni a ajane matre thaa tro ju kö a cainöje aqeanyi, ke, tupathe ju la mekune celë:
◼ “Alanyimu la itre atr ka mekune laka ame la itre zonale loi hna salemëne ngöne la hnedrai së enehila, ke, ene lo itre ka amamane la itre ewekë nyine itön, maine itre ewekë ka sis, maine itre iakötrë pena. [Amamane jë La Tour de Garde me Réveillez-vous!] Eahuni a tro fë trongëne la itre zonale celë ka tru aliene ka qejepengöne la itre mekune ka eje e hnine la Tusi Hmitrötr. Itre eje a hamë së la itre ixatua thatraqane la mele së, me ini së troa nyi hluei Akötresie, me hnime la itre ka lapa ezi së, me thupëne hnyawa pala hi la aqane ujë ka sisitria. Maine epuni a ajane troa e itre ej, ke, eje hi laka laka tro epuni a madrine la itre mekune ka eje hnine la itre zonale celë.”
6 Maine tro së a catre troa qaja la nyipici kowe la itre atr ka lapa ezi së, ke, nyipici laka jëne madrine atraqatre kowe la ka alanyim.—Ite Huliwa 8:4, 8.