Troa Tro Fë La Maca Ka Loi Cememine La Hni Ka Ajan
1 Aja së asë hi troa madrine, me öhnyi thangane la itre hne së hna kuca, nge troa nypiewekë catre lai, ngöne la easë a troa inine la itre atr matre itretre drenge jë fe angatr. Nemene la ka troa thuemadrine së? Loi e hetrenyi the së la hni ne ajane ka lolo, ngöne la easë a catre kuca la huliwa nyine xatuane la itre xan. (Ite Edo. 11:25) Tro la aqane tro fë së la maca ka loi, a amamane la lapaune së ka catre kowe la hne së hna qaja. Tro ha mama ka hape, ka meköti la thiina së, nge ka xecie koi së la hne së hna qaja, e ka xulu qa kuhu hni së la itre ithahnata hne së hna troa qaja. (Luka 6:45) Maine tro së a anyimua qaja la aqane nyiqaane ithahnata së, ke, tro ha catre la mejiune së ngöne la easë a troa anyipicine kowe la itre atr ne la teritoar, thaa tro ha hetrenyi la xou the së. Tro ha eje hnyawa lai ngöne la treu semitrepa, ngöne lo kola troa tro fë la itus La vie: comment est-elle apparue? Évolution ou création? Loi e tro epuni a goeëne la itre mekune ka nyipiewekë nyine ixatua göi troa tro fë la maca ka loi cememine la hni ka ajan.
2 Maine kola tro fë la itus “Création,” ke, qaja ju ngöne la kola xötrei traqa ka hape:
◼ “Ngöne la eahuni a ithahnata memine la itre ka lapa ezi hun, ke, eahuni a öhne laka itre xane a mejiune koi Akötresie. Itre xane a öhne laka, thaa ewekë ka hmaloi kö troa lapaune koi Nyidrë. Ngo hapeue la mekune i nyipë? [Nue pi troa sa.] Pane goeëne ju la aqane ini së hnene la Tusi Hmitrötre ngöne la mekune cili. [E jë la Roma 1:20.] Atreine tro së a goeëne la enyipicine la ‘mene [i Akötresie] ka eje palua me Akötesi nyidë’ jëne la itre ewekë hnei Nyidrëti hna xup.” E jë lai paragarafe ne pune ngöne la götrane 48 ne la itus Creation, nge amamai angeice jë la aqane qeje pengöne la itre selil ka mel, laka ewekë hna thatreine kö troa qejepengön. Maine xome jë la paragarafe 18 ngöne la götrane 147 matre troa amamane la aqane nyinyapëne la tim hnine la isinöe, eje a atrune la huliwa ne la Atre ixup. Hamëne jë la itus, nge qaja ju fe la thupen.
3 Ngöne la epuni a bëeke troa wange la itre ka ce ithahnatane me epuni la hna xupe hnei akötresie, ke, ma epuni a ajane troa qaja ka hape:
◼ “Ngöne lo xötrei iöhnyi so, hne so lo hna ithahnatane la enyipicine ka hape hetrenyi la Akötresie ka mel—hna amamane hnene la itre hnei Nyidrë hna xupe ka mingöming. Hapeu, jole kö koi nyipë troa mejiune laka, tro la Atre xupe la fene hnengödrai me hnengödrai a nyipiewekëne la mele së elany? [Nuepi troa sa.] Nyipiewekë tro së a atre laka, ase hë ahnithe ekö la pengöne la fene elany hnene la Atre ixup.” E jë la Isaia 46:9, 10. Xome jë la itre iatr, me itre hna fejane fene itre eje ngöne la mekene 19 ne la itus Création, matre troa qaja atrune la itre aqane mele ka loi hna thingehnaeane hnei Akötresie. E jë la paragarafe 1 ne la mekene 20, nge hnyingëne jë ka hape, ajane kö angeice troa hane ini Tusi Hmitrötr. Maine ajane hi, haawe, nyiqaane jë hë la etid jëne la itus Connaissance.
4 Loi e tro epuni a tupathe la aqane tro fë itus celë ngöne la epuni a hamëne la itus “Création”:
◼ “Ame la eni a ithahnata memine la itre atr ka lapa easenyi nyipë, hnenge hna öhne laka, alanyimu catre la itre ka ajane catrëne troa ce mele xetietë, me troa mele tingeting. Tune ka la hnei nyipë hna mekune, göne la kepine matre thatreine kö la atr troa axulune la itre ewekë celë? [Nue pi troa sa.] Nyipici, ngacama hetre hni ne ajane thene la itre xaa hene politik, nge hetrenyi fe la itre ewekë ka loi hnei angatre hna kuca, ngo pane goeëne ju la eamo, wene ne la inamacane hna qaja hnene la Tusi Hmitrötr.” E jë la Salamo 146:3, 4; thupene lai, hnyinge jë ka hape: “Hapeu, hetre atr kö ka atreine troa hamëne la itre hna ajane hnene la nöjei atr?” E jë la itre xötre 5 me 6. Amamane jë la iatr ngöne la götrane 251 ne la itus Création, nge amamai angeice jë la itre eloine la musi Akötresie. Line pi koi angeice lai itus, nge qaja ju fe la thupene ej.
5 Maine hna ithahnatane la musi Akötresie ngöne la xötrei iöhny, ke, tupathe jë la itre mekune celë ngöne la kola iwaihmaca:
◼ “Ame ngöne lo xötrei traqa ni, ke, hne so hna ithahnatane laka, thatreine kö la atr troa hamëne la nyipi tingetinge e celë fen. Ma mekune hi nyipë, hne so lo hna ithahnatane la kepine hna qaja hnei Tusi Hmitrötr, matre thatreine kö tro la atr a eatrëne lai. [E hmaca jë la Salamo 146:3.] Hapeu, trotrohnine hë epuni la aliene matre Akötresie a hamë së la eamo matre thaa tro kö së a mejiune kowe la itre atr? [Nue pi troa sa.] Ma epuni fe hi a hane aejëne la mekune ka eje thei Akötresie, laka, qathei Nyidrë hmekuje hi la nyin ka cile hut thatraqane la itre jol ne la atr. Ame la kepine matre tro së a hetrenyi la mejiune celë, ke, eje ngöne la Salamo 146:10. [E jë.] Maine easë fe a hane pi nyi jini ne la Baselaia i Akötresie, ke, nemene la nyine tro së a kuca?” Fe jë kowe la götrane 250 ne la itus Création, e jë la paragarafe 13, nge qejepengöne hnyawa jë la aliene la Ioane 17:3. Amamane jë koi angeice laka, jëne la ini Tusi Hmitrötre, hetrenyi thene la itre milio lao atr la atrehmekune ka troa eatrongë angatre kowe la mele ka thaa ase palua kö. Maine ijij, ke, hamëne jë la itus Connaissance, nge nyiqaane jë la etid.
6 Maine easë a cainöje trootro ngöne itre magazë, ke, loi e tro së a amamane la itus “Création” jëne la ketre aqane tro fë celë ka thaa qea kö:
◼ “Ame enehila, eahuni a hane thele troa hamëne la ketre pengöne ixatua kowe la itre ka huliwa i papale ngöne la götrane së. Hna ketri së asë hi hnene la etrune la ihumuth, memine la iakötrë ngöne la götrane së. Tune ka fe la hnei nyipë hna hane mekun, hetre atr kö ka atreine troa apaatrene la akötre celë? [Nue pi troa sa.] Hetre nyin qa thei Akötresie.” Fe jë kowe la götrane 196 ne la itus Création; e jë, nge qejepengöne jë la Ite Edomë 2:21, 22 ngöne la paragarafe 19. Amamane jë la taane la mekene 16, nge hamëne jë la itus.
7 Maine epuni a wange hmaca la ketre atr ka huliwa i papale, a hnei epuni hë hna hamëne kow la itus “Création,” ke, qaja ju tune la:
◼ “Ame lo ketre traqa ni, ke, hnenge hna qaja ka hape, Akötresie hmekuje hi la ka atreine troa apaatrene paluane la ihumuthe memine la iakötrë. Thenge la hna thingehnaeane hnei Nyidrë, atreine hi tro së a mejiune laka, troa eatre la hna thingehnaeane göne la fene ka tingeting. Pane goeëne ju la itre ewekë hna amë qëmeke së, nge nyine tro së isa alacaasi a iën.” E jë la paragarafe 11 ngöne la götrane 250 ne la itus Création, nge ce e jë fe la Salamo 37:37, 38. Qejepengöne jë la iatr ngöne la götrane 251, nge e jë la pane hnaewekë ne la paragarafe 14. Hnyingëne jë ka hape, hetre aja i angatre kö troa inine la Tusi Hmitrötr, troa kuca ngöne la hnë huliwa maine pena ngöne la hnalapa i angatr.
8 Pine laka easë a “ce huliwa me Akötesie”, nyimutre la itre kepine ka troa hamëne koi së la hni ne ajan, ngöne la easë a troa tro fë la maca ka loi. (1 Kor. 3:9) Maine celë pala hi la aqane ujë së lai, ke, tro hë Iehova a amanathithi së hnyawa.