Huliwane Hnyawa Jë La Teritoare i Epun
1 Ngöne la itre götrane gaa tru uma, hetrenyi la itre hnepe hna huliwa mani, maine setroa, maine magazë. Maine hna upi epuni fe troa hane cainöje ngöne la itre götrane cili, kösë itre xaa sine la teritoare i epun, loi e tro epuni a kuca itre ej, ceitune memine la epuni a cainöje trootro ngöne itre hnalapa.
2 Ijije tro epuni a qaja la ketre hnepe hna ithahnata nyine nyiqaan, ka hmaloi troa trotrohnin, ma öni epuni jë hi: “Eni a ajane troa hane amamai epuni la ketre ewekë.” Maine tru la jolene la atrekë uman, hamëne ju hi la caa tarak, nge qaja jë ka hape: “Bëeke hmaca jë ni elanyi e thaa tru hë hnei jole i epun. Eni a pi troa atre la mekune i epun, ngöne la tarake celë.”
3 Thaa tro kö a xou troa cainöje kowe la itre ka cilë magazë. Hna qaja hnene la ketre atre cainöje ka hape: “Ame la mekunenge ka hape, thaa tro kö a hane drei ni hnene la itre ka cilë magazë. Ngo goe catre pi kö ni, pine laka, thaa eje kö lo hnenge hna mekun, kola kapa madrine hnei angatre la maca ne Baselaia. Menyike pi hë me lolo la aqane ujë i angatr, ketre, alanyimu pala hi thei angatre la itre ka xome la itre zonal.”
4 Hnene la ketre föe ka huliwa ngöne la sosiete ne saleme me itö uma, hna hëne la itre temoë kowe la biero i eahlo. E cili eahlo a kapa ju la itre zonale me amamane la aja i eahlo troa hane inine la Tusi Hmitrötr. Kola amamane ju koi eaho la itus Connaissance, nge nyiqaane ju fe kö la etid, ngöne la biero i eahlo!
5 Ame la troa kuca apexejene hnyawa la hnëqa së, göi troa kuca la itre teritoar, ke kolo lai a hape, troa ketr asë fe la nöjei ka thele mani ngöne la götrane hna troa cainöje ngön. (Ite Huliwa 10:42) Inine jë troa fenafena la itre qëhnelö cili, ceitune memine lo epuni a kuca la itre hnalapa trootro. Eje hi laka, thaa epuni hmekuje kö a troa madrine hnene laka, jëne la aqane huliwa cili, tro ha kuca apexejene hnyawa la teritoar, ngo ngöne fe laka, hetrenyi la itre thangane ka lolo catre hnei epuni hna troa kapa qa ngöne la hnei epuni hna hane cainöje fe ngöne la itre götrane hna huliwa mani!