Porogarame Ne Ini Ne Cainöje Qa Thei Akötresie Göi Macatre 1997

Itre Hna Amekötin

Hane cahu aqane trongene la Ini ne cainöje Qa thei Akötresie göi macatre 1997.

ITRE ITUS: Les Saintes Écritures — Traduction du monde nouveau [bi12], Les Témoins de Jéhovah: Prédicateurs du Royaume de Dieu [jv], “Toute Écriture est inspirée de Dieu et utile” [si], La connaissance qui mène à la vie éternelle [kl] me Auxiliaire pour une meilleure intelligence de la Bible [ad]; itre itusi la ka troa nyi trepene la itre xötreqa hna troa amamane hnene la itre hna inin.

Troa nyiqaane la icasikeu ngöne la HAWA HNA SA, jëne la nyima me thith. Thupene la hnepe trenge ewekë ne ikep, sisedrëne ju hë tune la:

HNËQA NABA 1: 15 menetr. Troa athipe la hnëqa celë kowe la ketre qatre thupe maine ketre drikona. Troa nyitrepene ngöne la itus Les Témoins de Jéhovah: Prédicateurs du Royaume de Dieu, maine pena ngöne la itus “Toute Écriture est inspirée de Dieu et utile.” Maine hna xome la itre mekune qa ngöne la itus Prédicateurs, ke, troa cile fë kösë ketre cainöje ka 15 menetr, ngo thaa tro kö a nyi hnyinge nyine ce wange ngöne la pun; Ngo maine hna nyitrepene la cainöje ngöne la itus “Toute Écriture est inspirée de Dieu et utile”, troa kuca eje ngöne la 10 koi 12 lao menetr thatraqane la cainöj, nge 3 koi 5 menetre pë hë göi itre hnyinge nyine ce wange hmaca la itre nyipi mekune ngöne la itus. Ame la nyipi ewekë, ke, thaa ene kö la troa qaja nyimenyimëne ju hi la itre mekune nyine troa ithahnatan, ngo loi e troa amamane hnyawa la thangane ka sisitria hna troa kapa qa ngöne la itre mekune cili, me troa qaja atrune la mekun, jëne ixatua kowe la ekalesia. Tro la itre trejine a hnëkëne la taan hna hamën. Loi e tro fe angatre a hamëne la itre xaa mekune ka mama jëne la itre iatr, me itre foto, memine la itre tablo ne la itus Prédicateurs, nge troa hamë ini jëne itre ej.

Loi e tro la itre trejine ka troa kuca la itre cainöje cili a metrötrëne la etrune la traeme hna amekötine thatraqane lai. Atreine hi troa hamëne la itre xaa eamo ka ijij, ngo koi angatre caasi pëhë; nge maine angatre la ka ajan, ke, the cipane kö la itre ixatua.

MEKUNE KA SISITRIA QA NGÖNE LA ITRE MEKENE LA TUSI HMITRÖTR HNA TROA E: 6 menetr. Troa cile fë hnyawa hnene la ketre qatre thup, maine ketre drikona, nge troa xome la itre mekune ka loi kowe la itre atrene la ekalesia. Thaa tro kö a goeëne nyimenyimëne ju hi lai gotrane hna troa e. Loi pe e troa hamëne la trotrohnine ka ijij, ngöne la itre mekene hna amekötine troa e, ngöne la sine la menetr, maine ca menetre pena. Ame la hna ajane ngöne la cainöje celë, ke, ene la troa xatuane la itre atrene la icasikeu, troa trotrohnine hnyawa la kepin memine la aqane troa kepe thangane hne së la itre mekune hna troa hamën. Thupene la hna kuca la lue pane hnëqa celë, tro la atre thupëne la ini a könëne la itre hna inine troa isa tro kowe la itre hna ini.

HNËQA Naba 2: 5 menetr. Troa e la itre xaa xötre ne la Tusi Hmitrötre hna amekötine kowe la ketre trejin. Troa cile fë la xötreqa ngöne la hna ini ka tru, ngo memine fe lo itre xaa hna ini ju kö. Thaa qea menu kö la nyine troa e, celë hi ka troa aijijëne la hna inin, troa hamëne la itre xaa hnepe mekune ngöne la kola nyiqaan, me ngöne la kola nyipun. Atreine hi tro angeice a qaja la isitoare ka ihmeku memine la hnei angeice hna e, me qeje pengöne la itre hna perofetan, maine itre ini pena, maine troa hamë ini ngöne la itre trepene meköti hna hnëkën. Troa aca tro e asë la itre xötre hna amekötine kowe la hnëqa cili. Maine thaa ka ce tro kö la itre xötr, loi e tro la hna inine a qaja la xötre hna troa e nyine sisedrëne lai e tusi angeic.

HNËQA Naba 3: 5 menetr. Hna troa kuca hnene la itre trejine föe. Troa xome la itre mekune qa hnine la itus La connaissance qui mène à la vie éternelle. Troa kuca hmekuj, kösë lo kola cainöje e nöjei ijin, me kola iwai hmaca, maine kola etid, nge isa qanyi angatre kö wang, maine troa cile fë la xötreqa, maine troa lapa pena. Tro la qatre thupe ka thupëne la ini a wange hnyawa la aqane xatuane la atr hnene la hna inine troa thele mekun, me trotrohnine la itre mekune hna ce ithahnatan, memine fe la aqane troa trongëne la itre xötre ne la Tusi Hmitrötr. Loi e tro la hna inine ka troa kuca la hnëqa celë, a atreine e tus. Qâ ne la atre thupëne la Ini troa hamë sine ce porotrike ne la hna inin, ngo atreine fe hi tro la ketre atr a hane sine la porotrik. Qanyine kö la hna inine troa wange maine tro la atr, maine thaa tro pena angeice a e la itre xaa paragarafe ne la itus. Ketre, loi e troa wangatrune catrëne la aqane troa hamëne la itre mekun, hune la troa thele la jëne cainöj.

HNËQA Naba 4: 5 menetr. Troa hamëne la hnëqa celë kowe la ketre trejine föe maine trahmany. Nge tro eje a qeje pengöne la mele ne la ketre atr hna xome qa hnine la Tusi Hmitrötr. Troa cinyihane la ëjene lai atr memine la taan la cainöj, ngöne lai porogaram. Hetrenyi e hnine la itus Auxiliaire pour une meilleure intelligence de la Bible, la itre ithuemacanyi ngöne la atr cili. Tro la hna inine a wange hnyawa la itre xötre ne la Tusi Hmitrötre hna hamëne ngöne lai itus, matre atreine troa mama hnyawa la pengöne lai atr hna troa ithahnatan​—itre ewekë ka traqa kowe la mele i angeic, memine la thiina i angeic, me aqane mekune i angeic. Thupene lai, tro la hna inine a eköthe la cainöje i angeice thenge la taan me iëne la itre xötre ne la Tusi Hmitrötre nyine troa xom. Atreine hi troa hane xome fe la itre mekene tusi ka amamane atrune la itre xaa trepene meköti ka ihmeku memine la taan la cainöj. Ame la hna ajane jëne la cainöje celë, ke, ene la troa amamane la ini ka ngazo maine ka loi, hna amë pe hnene lai atr. Nyimutre la itre tulu nyine troa xötrethenge, ene la troa mele nyipici, maine aqane troa catre ngöne la itupath, troa ipië, maine troa ihnimi ka pë ethan; ngo nyine troa hmekë së pe, nge itre aqane ujë nyine tro së a thipetrij, ene la troa mele thoi, me troa hetrenyi la itre thiina ka ngazo. Maine hnëqa lai hna troa kuca hnene la ketre trejine trahmany, loi e tro angeic a cile fë la cainöj, me mekune la itre ka drei angeice hnine la uma ne Baselaia. Maine kola kuca pena la hneqa celë hnene la ketre sör, loi e tro nyidro a xötrethenge la itre hna amekötine hna hnëkëne thatraqane la xötreqa naba 3.

ITRE IXATUA ME ITRE EWEKË HNA ÖHN: Thupene la hnene la ketre hna inine hna kuca la hnëqa i angeic, tro la atre thupëne la ini a hamëne la itre ixatua ka ijij, thaa nyipi ewekë kö tro nyidrë a xötrethenge la aqane trongene la itre poë hna cinyihane hnine la ipepa göi troa hamë ihaji. Loi e tro pe nyidrë a wangatrune la itre ini hna troa huliwane hnene la hna inin. Maine “Lolo” (L) la hna huliwa hnene la hna inin, nge pëkö hna cinyanyine ngöne la ipepa i angeice göi itre ini nyine troa huliwaan, maine “A” (Aloin) maine “H” (troa Huliwane hmaca), tro hë la atre thupëne la ini a cinyihane ngöne la ipepa la ini hna troa huliwane thupene hnene la hna inin. E cili, tro nyidrë a siji hatrene xötreithe la itre mataitus, maine “L”, maine “A”, maine “H.” Tro nyidrë a thuemacane la hna inine ngöne ju fe kö lai jidri cili, me cinyihane la ini nyine troa kuca ngöne la pepa (S-89) hna troa hamëne e kolo hmaca ha a troa kuca la ketre xötreqa. Tro asë hi la itre trene hnëqa a lapa ngöne la itre pane icea ne la uma ne Baselaia, matre thaa tro kö a aluzi traem, nge matre loi fe kowe la atre thupëne la ini troa hamëne mekötine la itre ixatua kowe la isa alacasi e angatr. Maine ijije göi traem, thupene la hna hamë eamo kowe la hna inin, ke, tro la ka hamë ixatua a qaja la itre xaa hnepe mekune ka tru, hna thaa ithahnatane hnene la hna inin. Thaa tro kö a qea menu la etrune la traeme hna troa xome nyine eamone la itre trene hnëqa, thaa tro kö a sasaithe la truu lao menetr. Maine kola mekune troa hamë ixatua kowe la trejine ka amamane la itre xaa mekune ka sisitria qa hnine la Tusi Hmitrötr, loi e troa wai angeice caasi pë hë, e thupene la hna icasikeu.

AQANE HNËKË HNËQA: Qëmekene tro la hna inine a hnëkëne la cainöj, loi e tro angeice a pane e hmaca la itre mekune qa hnine la itus Manuel pour l’École, ene lo itre ixatua thatraqane la ini nyine troa huliwan. Tro la itre hna inine ka troa kuca la xötreqa naba 2, a iëne la taan ka ihmeku memine la itre hna cinyihane hnine la Tusi Hmitrötre hnei angatre hna troa e. Ame koi itre xaa xötreqa, loi e troa xome la taan hna cinyihane hë hnine lo porogaram.

EQEANE LA CAINÖJ: Thaa tro kö la nöjei xötreqa asë a sasaithe la traeme hna amekötin, ketre tune fe koi ka hamë ixatua. Loi e troa thupatëne hnyawa la itre xötreqa, 2 koi 4, e kolo ha sasaithi traem. Tro la atr hna iëne troa wai hawa, a kuca hnyawa la hnëqa i angeic. Maine troa sasaithi traeme hnene la itre trejine ka cile fë la cainöje naba 1 maine lo itre mekune ka sisitria qa hnine la Tusi Hmitrötr, tro pë hë a hamëne ngöne la gaa sihngödre la itre ixatua ka ijij. Hna amekötine laka, 45 menetre hi la etrune la trame hna amekötine thatraqane la Ini qa thei Akötresie, a thaa hna e fe kö la nyima me thith.

REVIZIO: Hetrenyi pala hi la itre hnepe hawa hna hnëkëne thatraqane la revizio. Ngöne la epuni a hnëkë, ce wange hmaca ju la itre mekune hna inine hë, nge afenesine pi fe hë la itre xötre nyine troa e. Tro hmekuje hi a xome la Tusi Hmitrötre thatraqane la revizio, a 25 lao menetr la etrune la traeme hna troa xom. Ame pë hë sine lai traeme ke, göi tro pë hë a ce ithahnatane la itre hnying memine la itre mekune nyine troa sa itre ej. Tro la itre hna inine a isa goeëne la itre sipu pepa i angatr. Tro la atre thupëne la Ini a ce wange memine la itre atrene la icasikeu, la itre hnyinge memine la itre mekune ka troa sa itre ej, nge troa pane cile ngöne la itre xaa mekune ka jole e troa trotrohnin, me thele troa xatuane la nöjei atr asë troa kepe thangane la revizio. Maine thaa ijije kö troa kuca la revizio ngöne la drai hna sa hnene la porogaram, atreine hi troa uthe eje kowe la wiike thupen.

POROGARAM

Jan. 6 E Tusi Hmitrötr: Zakaria 1 utihë 5

Nyima Naba 113

N. 1: Pane Nyine Troa Atre Göi Zakaria (si gg. 159-160 par. 1-7)

N. 2: Zakaria 2:1-13

N. 3: Thaa Hna Xupe Kö La Atr Troa Mec (kl g. 53 par. 1–3)

N. 4: Eva​—Taan: The Thipetrije Kö La Musi Hna Acile Hnei Akötresie

Jan. 13 E Tusi Hmitrötr: Zakaria 6 utihë 9

Nyima Naba 215

N. 1: Drei La Ka Hamë Manie Thatraqane La Huliwa Ne Baselaia (jv g. 340 par. 1–g. 343 par. 3)

N. 2: Zakaria 7:1-14

N. 3: Ketre Trepene Mekune Ka Iamenu (kl g. 55-6 par. 4-7)

N. 4: Ezekiela​—Taan: Nemene La Nyine Troa Kuca Matre Thaa Tro Kö a Zö Së La Madra Ne La Ketre

Jan. 20 E Tusi Hmitrötr: Zakaria 10 utihë 14

Nyima Naba 91

N. 1: Zakaria​— Hetre Thangane Hna Troa Kapa (si g. 162-3 par. 23-7)

N. 2: Zakaria 12:1-14

N. 3: Tuneka La Aqane Hune i Satana Ngöne La Nyinyithina i Angeic (kl g. 56-8 par. 8-12)

N. 4: Ezera (Atre huuje i Aarona)​—Taan: Catre Jë Së Cilaxome La Hmi Ka Wië

Jan. 27 E Tusi Hmitrötr: Malaki 1 Utihë 4

Nyima Naba 118

N. 1: Pane Nyine Troa Atre Göi Malaki, Nge Hetre Thangane Hna Troa Kapa (si g. 163-4 par. 1-6; g. 164-5 par. 13-17)

N. 2: Malaki 1:6-14

N. 3: Tuneka La Aqane Jilapane La Fene Asë, Hnene La Ngazo Me Mec (kl g. 58-9 par. 13-15)

N. 4: Filiki​—Taan: Ngacama Ka Ngazo Ju Hë Maine Ka Loi Pena La Itre Musi Atraqatr, Ngo Loi e Troa Metrötrë Angatr

Feb. 3 E Tusi Hmitrötr: Mataio 1 utihë 3

Nyima Naba 191

N. 1: Pane Nyine Troa Atre Göi Mataio (si g. 165-7 par. 1-10)

N. 2: Mataio 2:1-15

N. 3: Thupëne Kö La Itre Aqane Iamenu i Satana (kl g. 59-60 par. 16-18)

N. 4: Feso​—Taan: Itre Thangane La Hna Catre Anyipicin

Feb. 10 E Tusi Hmitrötr: Mataio 4 me 5

Nyima Naba 36

N. 1: Thupene La Itre Hnë Icasikeu Me Ekökötrene La Itre Bethela Ngöne La Fene Hnengödrai (jv g. 343 par. 4–g. 347 par. 1; pane goeëne ju la itre ceitune ngöne g. 352-401)

N. 2: Mataio 4:1-17

N. 3: Loi e Tro Pala Hi së a Catre Lapaun, Me Hnëkë Kowe La Icilekeu (kl g. 60-1 par. 19-21)

N. 4: Gaberiela​—Taan: Loi e Troa Hetrenyi La Lapaune Ka Pexeje Ngöne La Kola Troa Tro Fë La Itre Maca i Akötresie

Feb. 17 E Tusi Hmitrötr: Mataio 6 me 7

Nyima Naba 52

N. 1: Thaa Hna Thele Maniëne Kö La Huliwa i Baselaia (jv g. 347 par. 2–g. 351 par. 6)

N. 2: Mataio 7:1-14

N. 3: Mekuana i Akötresie Göi Troa Amelene La Itre Atr (kl g. 62-3 par. 1-5)

N. 4: Gedalia (nekö i Ahikama trahmany)​—Taan: Maine Kola Ithuemacanyi Troa Hmek, Thupëne Kö

Feb. 24 E Tusi Hmitrötr: Mataio 8 me 9

Nyima Naba 211

N. 1: Atre Anyipicine Goi Ngöne Fe La Itre Götrane Gaa Nanyi Ne La Fene Hnengödrai (jv g. 404 par. 1–g. 408 par. 3)

N. 2: Mataio 8:1-17

N. 3: Nemene La Kepine Matre Tro La Mesia a Mec (kl g. 63-5 par. 6-11)

N. 4: Gehazi—Taan: Trije Pi La Hni Ka Meciun, Nge Ka Mele Hnihni

Maac 3 E Tusi Hmitrötr: Mataio 10 me 11

Nyima Naba 224

N. 1: Kola Upi Angatre Troa Ithahnata, Hnene La Hni Angatre Ka Madrin (jv g. 409 par. 1–g. 414 par. 3)

N. 2: Mataio 11:1-15

N. 3: Tune Ka La Aqane Të La Thupene Mel (kl g. 65-8 par. 12-16)

N. 4: Gideona—Taan: Akötresieti a Kapa La Itre Atr Ka Lapaun Nge Ka Qahmihmi

Maac 10 E Tusi Hmitrötr: Mataio 12 me 13

Nyima Naba 133

N. 1: Kola Thinaane La Fene Hnengödrai Asë Hnene La Lamepa Ne La Nyipici (jv g. 414 par. 4–götrane 422 par. 3; troa hane xome fe lo itre xaa hna qaja ngöne fene la götrane 422)

N. 2: Mataio 12:22-37

N. 3: Thupene Mele i Keriso Me Nyipunie (kl g. 68-9 par. 17-20)

N. 4: Goliatha—Taan: Mejiune Ju Koi Iehova, Ngo Thaa Ngöne Kö La Sipu Trengecatre i Epun

Maac 17 E Tusi Hmitrötr: Mataio 14 me 15

Nyima Naba 145

N. 1: Itre Macatre Ne Akötr Ngöne La Pane Isi Ka Tru Ne La Fen, Nge Thupene Lai, Kola Mele Hmaca (jv g. 423 par. 1–g. 427 par. 2)

N. 2: Mataio 14:1-22

N. 3: Hapeu, Akötresieti La Ka Akötrëne La Itre Atr? (kl g. 70-1 par. 1-5)

N. 4: Hagara—Taan: Hlue Jajiny, Nge Nemene La Hnei Angeice Hna Nyihatrene Ngöne La Hna Perofetan

Maac 24 E Tusi Hmitrötr: Mataio 16 me 17

Nyima Naba 151

N. 1: Itre Ka Tro Catre Tro Fë La Evangelia a Hane Ithawakeune La Itre Nyipici Ka Tru Alien, Qa Hnine La Tusi Hmitrötr (jv g. 427 par. 3–g. 433 par. 1)

N. 2: Mataio 17:14-27

N. 3: Pëkö Ethane Ngöne La Qaan, Me Ketre Trengathoi Ka Akötr (kl g. 72-3 par. 6-10)

N. 4: Hagai—Taan: Loi e Tro Pala Hi a Catre Troa Kuca La Aja i Akötresie

Maac 31 E Tusi Hmitrötr: Mataio 18 me 19

Nyima Naba 117

N. 1: Kola Hudrume Hnyawa La Lamepa Ne La Ua Ngöne La Itre Nöje Ka Tru, Ene e Afirik, Sepania, Me Itre Xaa Götrane e Portugal (jv g. 433 par. 2–g. 439 par. 1)

N. 2: Mataio 19:16-30

N. 3: Itre Nyipi Hnying, Me Aqane Tro Iehova a Sa Itre Ej (kl g. 74-6 par. 11-15)

N. 4: Hama—Taan: Ame la Atr Pë Metrötr, Tro Ha Hetre Thangane Ka Ngazo Catre Koi Angeic

Eip. 7 E Tusi Hmitrötr: Mataio 20 me 21

Nyima Naba 6

N. 1: Kola Ketr La Itre Atr Ngöne La Itre Götrane Gaa Nany, Nge Kola Drenge Thenge Akötresie Ngacama Hetrenyi La Icilekeu (jv g. 439 par. 2–g. 443 par. 2; xome ju fe la itre xaa hna qaja ngöne fene la götrane 443)

N. 2: Mataio 20:1-16

N. 3: Nemene Hë La Ewekë Ka Mama, Ngöne La Akötresieti a Nue La Ngazo (kl g. 76-7 par. 16-19)

N. 4: Hamana—Taan: Thiina Ne La Itre Nekö i Satana La Itre Ka Pi Mama Me Ka Ixele Ma Wai

Eip. 14 E Tusi Hmitrötr: Mataio 22 me 23

Nyima Naba 172

N. 1: Kola Catre Cainöjëne La Maca Ka Loi (jv g. 444 par. 1–g. 448 par. 2)

N. 2: Mataio 23:1-15

N. 3: Drei La Hnei Epuni Hna Nyixölen? (kl gg. 78-9 par. 20-3)

N. 4: Hana—Taan: Jëne Manathithi La Troa Catre Nyihluei Akötresie Qa Kuhu Hni Ka Pexej

Eip. 21 E Tusi Hmitrötr: Mataio 24 me 25

Nyima Naba 193

N. 1: Kola Cainöje Hnine La Isi, e Erope (jv g. 448 par. 3–g. 454 par. 2; maine ijije pala kö la traem, hane ju qaja la itre mekune ka xoxopatre ka qaja la melene la itre temoë ka mele nyipici, g. 451-3)

N. 2: Mataio 24:32-44

N. 3: Nemene La Ewekë Ka Traqa Kowe La Itre Atr Ka Mec Hne Së Hna Hnim? (kl g. 80-1 par. 1-6)

N. 4: Hanuna (nekö i Nasasa)—Taan: Thupëne Kö Troa Amekötine Menune Pena Ha La Itre Trepene Mekune Ne La Ketre Atr

Eip. 28 Revizio Ne La Ini Ne Cainöj. Nyipune ju hnei Zakaria 1 koi Mataio 25

Nyima Naba 217

Mei 5 E Tusi Hmitrötr: Mataio 26

Nyima Naba 205

N. 1: Ngacama Catrehnine La Itre Iakötrë Ngöne La Itre Ijine Isi, Ngo Kola Kökötre Pala Hi La Nöje i Iehova (jv g. 455 par. 1–g. 461 par. 2; xome ju fe la itre xaa hna qaja fene la g. 461)

N. 2: Mataio 26:31-35, 69-75

N. 3: Nemene La Aliene La Hnaewekë Celë, Hna Hape, Troa Bëeke Hmaca Kowe La Xaxaw (kl g. 82-3 par. 7-10)

N. 4: Hazaela—Taan: Kola Eatrëne La Hna Perofetane Hnei Tusi Hmitrötr, Hnene La Ketre Atr Ka Kuca Catrëne La Ngazo

Mei 12 Tusi Hmitrötr: Mataio 27 me 28

Nyima Naba 102

N. 1: Mataio—Hetre Thangane Hna Troa Kapa (si g. 170-1 par. 29-33)

N. 2: Mataio 27:11-26

N. 3: Nemene La Pengöne La Itre Ka Meci Hë? (kl g. 83-4 par. 11-14)

N. 4: Heroda Ka Tru—Taan: Troa Mama La Hna Nyihlue Kow Hnene La Atr, Hnene La Itre Huliwa i Angeic

Mei 19 E Tusi Hmitrötr: Mareko 1 me 2

Nyima Naba 185

N. 1: Pane Nyine Troa Atre Göi Mareko (si g. 171-3 par. 1-11)

N. 2: Mareko 1:12-28

N. 3: Tro Ha Amelene Asë Hmaca Lo Itre Atr Hnei Iehova Hna Mekun (kl g. 85-7 par. 15-18)

N. 4: Heroda Anetipa—Taan: Pune La Hna Thaa Idrei

Mei 26 E Tusi Hmitrötr: Mareko 3 me 4

Nyima Naba 166

N. 1: Loi e Tro Së a Thele Hnyawa La Itre Mamoe i Akötresie (jv g. 462 par. 1–g. 466 par. 2)

N. 2: Mareko 3:1-15

N. 3: Eka La Hnë Troa Mele hmaca? (kl g. 88-9 par. 19-22)

N. 4: Heroda Ageripa I—Taan: Jëne Meci La Troa Huliwa Thoi, Me Troa Pi Draië

Juun 2 E Tusi Hmitrötr: Mareko 5 me 6

Nyima Naba 42

N. 1: Troa Amë Panëne La Ini Ka Troa Hamëne La Mel (jv g. 466 par. 3–g. 470 par. 2)

N. 2: Mareko 5:21-24, 35-43

N. 3: Baselaia i Akötresie Me Trepene Mekunene Ej (kl g. 90-1 par. 1-5)

N. 4: Heroda Ageripa II—Taan: Maine Easë a Ajane Troa Kepe Së Hnei Akötresie, Ke, Thaa Tro Hmekuje Kö a Wangatrune La Atrehmekun

Juun 9 E Tusi Hmitrötr: Mareko 7 me 8

Nyima Naba 33

N. 1: Icilekeu Hna Öhne Ngöne La Kola Cainöje Ngöne La Itre Hnapeti Ne La Pasifik (jv g. 470 par. 3–g. 474 par. 4)

N. 2: Mareko 7:24-37

N. 3: Ketre Musi Fe La Baselaia i Akötresie (kl g. 91-2 par. 6-7)

N. 4: Heroda Filipo me Filipo Joxu—Taan: Pëkö Thangane Ka Loi Qa Ngöne La Hna Thele Menune La Mani, Maine Hna Thele Loi Ngöne La Ketre Göhnë Hna Hamëne Hnei Fen

Juun 16 E Tusi Hmitrötr: Mareko 9 me 10

Nyima Naba 111

N. 1: Kola Neni La Itre Hneopegejë Ne Nyipici e Afirik (jv g. 475 par. 1–g. 481 par. 1)

N. 2: Mareko 9:14-29

N. 3: Enyipicine La Baselaia i Akötreise (kl g. 92-3 par. 8-11)

N. 4: Herodia—Taan: Kola Qene Hmo La Troa Thele La Ketre Göhnë Ka Draië

Juun 23 Tusi Hmitrötr: Mareko 11 me 12

Nyima Naba 119

N. 1: Kola Wangatrehmekune Hnyawa La Itre Nyipi Mamoe (jv g. 481 par. 2–g. 484 par. 4)

N. 2: Mareko 11:12-25

N. 3: Pine Nemene Matre Baselaia i Akötresie Hmekujehi La Sipu Mejiune Thatraqane La Itre Atr Asë (kl g. 94-5 par. 12-13)

N. 4: Hezekia (joxu ne Iudra)—Taan: Thaa Hna Ce Mala Së Kö Memine La Lapaun, Me Ajane Troa Catre Cainöj

Juun 30 Tusi Hmitrötr: Mareko 13 me 14

Nyima Naba 127

N. 1: Tru Catre Hnei Ka Huliwa Ngöne La Hlapa Hna Cainöje Trootro Ngön (jv g. 484 par. 5–g. 488 par. 1)

N. 2: Mareko 14:12-26

N. 3: Pine Nemene Matre Thaa Hnei Iesu Kö Hna Canga Musi Thupene Lo Nyidrë a Elelengë Hnengödraeë (kl g. 95-6 par. 14-15)

N. 4: Hirama (joxu ne Turo)—Taan: Jëne Ixatua Ka Tru La Troa Hni Ka Menyike Kowe La Itre Atr Ka Lapa Ezi Së

Julai 7 Tusi Hmitrötr: Mareko 15 me 16

Nyima Naba 187

N. 1: Mareko—Hetre Thangane Hna Troa Kapa (si g. 175-6 par. 31-3)

N. 2: Mareko 15:16-32

N. 3: Eue La Kola Nyiqaane Me Nyipune La Ijine i Angetre Ethen? (kl g. 96-7 par. 16-18)

N. 4: Hobaba—Taan: Nyihlue i Iehova Jë

Julai 14 E Tusi Hmitrötr: Luka 1

Nyima Naba 189

N. 1: Pane Nyine Troa Atre Göi Luka (si g. 176-8 par. 1-9)

N. 2: Luka 1:5-17

N. 3: Easë a Melëne Enehila Lo Itre Drai Hnapin (kl g. 98-9 par. 1-4)

N. 4: Hofeni—Taan: Thaa Hnene Kö Laka, Easë a Cilëne La Itre Hnëqa Hnine La Ekalesia, Ke Tro Hë Së Melëne La Itre Aqane Ujë Ka Ngazo

Julai 21 E Tusi Hmitrötr: Luka 2 me 3

Nyima Naba 195

N. 1: Kola Tru Catre Hnei Ka Nyihlue i Iehova Ngöne La Itre Nöje e Kohië Me Erop (jv g. 488 par. 2–g. 495 par. 2)

N. 2: Luka 2:1-14

N. 3: Nemene La Itre Xaa Aliene La Itre Drai Hnapin? (kl g. 99-103 par. 5-7)

N. 4: Huleda —Taan: Hnei Iehova Hna Hamëne La Uati Hmitrötre i Nyidrë Kowe La Ketre Perofeta Föe Ka Thaa Xou Kö

Julai 28 Tusi Hmitrötr: Luka 4 me 5

Nyima Naba 156

N. 1: Nemene La Aqane Ketr La Itre Atr Ka Alanyimu Hnene La Maca Ka Loi (jv g. 495 par. 3–g. 500 par. 4; xome ju fe la itre xaa hna qaja ngöne la götrane 501)

N. 2: Luka 4:31-44

N. 3: Itre Aqane Ujë Ka Sisi Hna Troa Melëne Hnene La Itre Atr, Ngöne La Itre Drai Hnapin (kl gg. 103-4 par. 8-12)

N. 4: Husai—Taan: Ame la Nyipi Enehmu, Ke Thaa Ka Juetrë Ithnahnata Kö Angeic

Ogas 4 E Tusi Hmitrötr: Luka 6 me 7

Nyima Naba 201

N. 1: Kola Anyipici Iehova Fe Hnene La Itre Kovasio Ka Tru, Memine La Aqane Ujë Ne La Itre Keresiano (jv g. 502 par. 1–g. 507 par. 4)

N. 2: Luka 6:37-49

N. 3: Luetre La Lue Xaa Aliene Ka Tru Ne La Itre Drai Hnapin (kl g. 105 par. 13-14)

N. 4: Humenaio—Taan: Thupëne Kö La Itretre Perofeta Thoi!

Ogas 11 E Tusi Hmitrötr: Luka 8 me 9

Nyima Naba 143

N. 1: Macaje Hë La Itre Hlapa Troa Menuën (jv g. 508 par. 1–g. 513 par. 1)

N. 2: Luka 9:23-36

N. 3: Loi e Troa Kapa La Enyipicine Laka, Easë Hnyawa Ha La a Melëne La Itre Drai Hnapin (kl g. 106-7 par. 15-17)

N. 4: Isaka—Taan: Kola Amamane Hnene La Drenge Thenge La Pengöne La Lapaun

Ogas 18 E Tusi Hmitrötr: Luka 10 me 11

Nyima Naba 34

N. 1: Atreine Hi Troa Anypicine Kowe La Itre Atr, Ngöne La Nöjei Ijin, Me Ngöne La Nöjei Götran (jv g. 513 par. 2–g. 517 par. 1)

N. 2: Luka 11:37-51

N. 3: Ka Mele La Itre Ua Ka Ngazo! (kl g. 108 par. 1-3)

N. 4: Isaia—Taan: Loi e Tro Së a Hane Qaja Fe Ka Hape, “Upi Ni Jë”

Ogas 25 Revizio Ne La Ini Ne Cainöj. Nyipune ju hnei Mataio 26 utihë Luka 11

Nyima Naba 155

Semi. 1 E Tusi Hmitrötr: Luka 12 me 13

Nyima Naba 123

N. 1: Iehova a Asaqene La Huliwa i Nyidrë (jv g. 517 par. 2–g. 520 par. 2; xome ju fe la itre xaa hna qaja fene la g. 520)

N. 2: Luka 13:1-17

N. 3: Kola Ce Xöle Me Satana, Hnene La Itre Ua Ka Ngazo (kl g. 109 par. 4-5)

N. 4: Iseboseth—Taan: Ketre Trahmanyi Ka Xou Atraqatr, Ngo Ka Loi Thiina Pe

Semi. 8 E Tusi Hmitrötr: Luka 14 utihë 16

Nyima Naba 29

N. 1: Itre Mesinare Ka Catre Cainöj, Me Aliene La Uma Ne Ini Ne Gileada (jv g. 521 par. 1–g. 524 par. 3)

N. 2: Luka 14:1-14

N. 3: Thipetrije Pi La Nöjei Aqane Troa Kuci Haze (kl g. 111 par. 6-8)

N. 4: Isamaela (nekö i Aberahama)—Taan: Hna Amamanathithine Hnei Akötresie, Ngo Thaa Qa Ngöne Kö Laka, Ka Fetra Qa Thei Aberahama

Semi. 15 E Tusi Hmitrötr: Luka 17 me 18

Nyima Naba 131

N. 1: Nemene La Ewekë Ka Isapengöne Kö Thene La Itre Mesinare Ne Gileada (jv g. 525 par. 1–g. 531 par. 4)

N. 2: Luka 17:22-37

N. 3: Pine Nemene Matre Ketre Thiina Ka Sis Koi Tusi Hmitrötre La Kuci Haze (kl g. 112-13 par. 9-11)

N. 4: Itai—Taan: Loi e Troa Mele Nyipici Kowe La Itre Ka Elemekene La Ekalesia

Semi. 22 E Tusi Hmitrötr: Luka 19 me 20

Nyima Naba 204

N. 1: Kola Inine La Itre Qene Hlapa Ka Hnyipixe, Me Fe La Itre Götrane Ka Hnyipixe (jv g. 532 par. 1–g. 537 par. 3)

N. 2: Luka 19:11-27

N. 3: Tusi Hmitrötre a Amamane La Aqane Ujë Ne La Itre Ua Ka Ngazo (kl g. 113-14 par. 12-13)

N. 4: Iakobo (nekö i Isaka)—Taan: The Tro Kö a Nyihneulil, Ngo Thele Jë Pe Troa Eatrëne La Itre Aja Ngöne La Ua

Semi. 29 E Tusi Hmitrötr: Luka 21 me 22

Nyima Naba 86

N. 1: Nemene La Aqane Catre Huliwa La Itre Mesinare Matre Wawene Hnyawa Pala Hi La Itre Ewekë Ne Baselaia (jv g. 537 par. 4–g. 541 par. 3)

N. 2: Luka 22:24-38

N. 3: Nemene La Aqane Troa Kötrene Me Cile Kowe La Itre Demoni (kl g. 114-15 par. 14-15)

N. 4: Iaela—Taan: Hna Eatrëne La Itre Hna Perofetan, Ngöne La Kola Hetrenyi La Trenge Catre Memine La Ajane Ka Ej, Troa Kuca La Aja i Akötresie

Okot. 6 E Tusi Hmitrötr: Luka 23 me 24

Nyima Naba 218

N. 1: Luka—Hetre Thangane Hna Troa Kapa Qa Ngön (si g. 181-2 par. 30-5)

N. 2: Luka 23:32-49

N. 3: Nemene La Aqane Tro Epuni a Acatrene La Lapaune i Epun (kl g. 115-16 par. 16-17)

N. 4: Iairo—Taan: Lapaune Jë Koi Iesu Keriso

Okot. 13 E Tusi Hmitrötr: Ioane 1 utihë 3

Nyima Naba 31

N. 1: Pane Nyine Troa Atre Göi Ioane (si g. 182-4 par. 1-9)

N. 2: Ioane 1:19-34

N. 3: Loi e Tro Pala Hi a Cile Kowe La Itre Ua Ka Ngazo (kl g. 116-17 par. 18-20)

N. 4: Iakobo (nekö i Zebede)—Taan: Loi e Tro Së a Itretre Drei i Iesu Ka Catre Xötrethenge Iesu

Okot. 20 E Tusi Hmitrötr: Ioane 4 me 5

Nyima Naba 10

N. 1: Hetre Ixatua Hna Hamëne Matre Troa Nyihlue i Iehova, Ngacama Kola Icilekeu (jv g. 541 par. 4–g. 546 par. 6)

N. 2: Ioane 4:39-54

N. 3: Maine Hne Së Hna Mele Thenge la Thiina Ka Ijiji Akötresie, Ke Tro Hë Së a Manathith (kl g. 118-19 par. 1-4)

N. 4: Iakobo (nekö i Iosefa me Maria)—Taan: Thaa Tro Pi Kö a Lueluëne La Pengöne Elanyi La Itre Atrene La Fami

Okot. 27 E Tusi Hmitrötr: Ioane 6 me 7

Nyima Naba 150

N. 1: Hetrenyi La Ketre Mene Ka Tru, Ka Cilaxome La Maca Ka Loi Ne La Baselaia (jv g. 547 par. 1–g. 551 par. 1)

N. 2: Ioane 6:52-71

N. 3: Ame La Manathith, Thangane Hi La Thiina Ka Loi (kl g. 119-20 par. 5-6)

N. 4: Iafeta—Taan: Troa Hetrenyi La Itre Thangane Ka Loi, Qa Ngöne La Hna Kuca La Itre Huliwa Ngöne La Metrötr

Nof. 3 E Tusi Hmitrötr: Ioane 8 me 9

Nyima Naba 121

N. 1: Kola Ketr Jëne La Maca Ka Loi, La Itre ‘Teritoare Gaa Sihngödr’ Hna Lapaane Hnene La Itre Atr Hne Së Hna Thatreine Troa Ithahnata Kow (jv g. 551 par. 2–g. 553 par. 4)

N. 2: Ioane 9:18-34

N. 3: Jëne Manathithi Fe La Troa Ham (kl g. 120 par. 7-8)

N. 4: Ieduthun (atre Levi ka elo miuzik)—Taan: Atrunyi Iehova Hnei Miuzik

Nof. 10 E Tusi Hmitrötr: Ioane 10 me 11

Nyima Naba 162

N. 1: Kola Cainöje Kowe La Nöjei Atr Asë, Me Ngöne Itre Hnalapa Trootro (jv g. 556 par. 1–g. 560 par. 3)

N. 2: Ioane 10:22-39

N. 3: Thupëne Kö La Atreine Mekune i Epun, Nge Kötrene Jë La Ngazo (kl g. 121 par. 9-10)

N. 4: Ioasa (joxu ne Iudra)—Taan: Metrötrëne Jë La Itretre Nyihlue i Iehova Asë Ka Mele Nyipici

Nof. 17 E Tusi Hmitrötr: Ioane 12 me 13

Nyima Naba 200

N. 1: Tuneka La Aqane Eatrëne Së La Hnëqa Ne Anyipicin (jv g. 561 par. 1–g. 565 par. 2)

N. 2: Ioane 12:1-16

N. 3: Troa Manathithi La Faipoipo, e Hna Inyipicikeu Hnene La Lue Trefën (kl g. 122-3 par. 11-13)

N. 4: Ioasa (joxu ne Isaraela)—Taan: Thaa Madrine Kö Iehova Kowe La Atr Ka Lue Hna Hni Kow

Nof. 24 E Tusi Hmitrötr: Ioane 14 utihë 16

Nyima Naba 3

N. 1: Loi e Tro Së a Anyipicine Ngöne La Itre Götrane Gaa Tru Atr, Me Inine Troa Qejepengöne Hnyawa La Lapaune Së (jv g. 565 par. 3–g. 570 par. 1)

N. 2: Ioane 16:1-16

N. 3: Thaa Tro Kö a Hane Nyi Sinene la Fen (kl g. 123-5 par. 14-15)

N. 4: Iehoiakima—Taan: Thaa Ka Tria Kö La Trenge Ewekë i Iehova

Dis. 1 E Tusi Hmitrötr: Ioane 17 me 18

Nyima Naba 96

N. 1: Kola Wangatrehmekune Fe La Itre Nyipi Atre Anyipici Iehova, Jëne La Ketre Hatren (jv g. 570 par. 2–g. 574 par. 4)

N. 2: Ioane 18:1-14

N. 3: Pine Nemene Matre Thaa Itre Nyipi Keresiano Fe Kö a Hane Atrune La Feete Ne Noel, Maine Aniveresere Ne Drai Ne Mala Pena (kl g. 126 par. 16-17)

N. 4: Iehoiada (Huje ka sisitria)—Taan: Atrune Jë La Nyipi Hmi, Cememine La Inamacane Memine La Trengecatr

Dis. 8 E Tusi Hmitrötr: Ioane 19 utihë 21

Nyima Naba 87

N. 1: Ioane—Hetre Thangane Hna Troa Kapa Qa Ngön (si g. 187-8 par. 30-5)

N. 2: Ioane 19:25-37

N. 3: Loi e Tro Pala Hi Së a Feetëne Lo Jidri Ne Pui Ne Xeni Ne La Joxu (kl g. 127 par. 18)

N. 4: Iehoiakima—Taan: Pëkö Ka Atreine Troa Thunge Matre Thaa Tro Kö a Eatre La Itre Hna Qaja e Hnine La Wesiula i Akötresie

Dis. 15 E Tusi Hmitrötr: Ite Huliwa 1 utihë 3

Nyima Naba 55

N. 1: Pane Nyine Troa Atre Göi Ite Huliwa (si g. 188-189 par. 1-8)

N. 2: Ite Huliwa 1:1-14

N. 3: Nemene La Itre Trepene Meköti Ne La Tusi Hmitrötre Nyine Troa Melën, Thatraqane La Pengö i Huliwa Me Itre Nyine Madrin (kl g. 127-8 par. 19-20)

N. 4: Ionadaba (nekö i Rekaba)—Taan: Loi e Troa Ce Huliwa Hnyawa Pala Hi Memine La Itre Hna Acile Hnei Iehova Ngöne La Hmi i Nyidrë

Dis. 22 E Tusi Hmitrötr: Ite Huliwa 4 utihë 6

Nyima Naba 2

N. 1: Itre Itusi Nyine Qeje Pengö i Tusi Hmitrötr, Hna Troa Huliwane Ngöne La Hna Cainöje Trootro (jv g. 575 par. 1–g. 579 par. 3)

N. 2: Ite Huliwa 5:27-42

N. 3: Troa Metrötrëne La Mel, Memine La Madra (kl g. 128-9 par. 21-3)

N. 4: Iorama (nekö i Ahaba)—Taan: Thatreine Kö Tro La Itre Atr Ka Mele Thoi a Hetrenyi La Manathithi Qa Thei Akötresie

Dis. 29 Revizio Ne Lo Ini Ne Cainöj. Nyipune ju la Luka 12 utihë Ite Huliwa 6

Nyima Naba 177