Porogarame Ne Asabele Ne Sirkoskripsio

Ame la tane hna hnëkëne thatraqane la lue drai ne Asabele ne Sirkoskripisio e Semitrepa, ke kola hape: “Kola mekune lapane la drai la drai Akötresie”. (2 Pet. 3:12) Kola troa amekunë së pala hi laka, calemi catre hë la ijine tro Akötresieti a apaatrene la itre atr ka ngazo. Easenyi hë matre amekötine jë Iehova la itre atr e celë fen. Drei la ka troa mele pe ngöne la “drai atraqate i Akötesie Kapucatin’asë”? Troa mele hmekuje la itre atr ka hlëhmeke ngöne la ua, nge ka melëne lo itre “thina hmitöte me thina ka ijiji Akötesie.”​—Hna ama. 16:14; 2 Pet. 3:11.

Nyipi ewekë catre troa xome la bapataiso hnene la itre atr, matre tro angatre a hane mele pe ngöne la drai Iehova. (1 Pet. 3:21) Ame koi itre ka cainöje ka ajane troa xome la bapataiso ngöne la ijine asabele, loi e tro angatre a thuemacane la atre thupe perezida, matre tro nyidrë a canga hnëkëne la itre hna amekötine thatraqane lai.

Troa amamane hnyawa hnene la cainöje hna thawa foan, nge hna nyitaane ka hape, “Drei la pengöi epuni elany”, la itre huliwa nyine troa kuca me melëne ngöne la kola treqene troa traqa la drai i Iehova. Troa qejepengöne jëne la cainöje hna hnëkëne kowe la ka alanyim, hna hape, “Inamacane jë ke calemi hë la drai i Iehova,” troa qaja la aliene la xötrehnaewekë hna hape, ‘Thele Iehova jë, itre ka meköt, me itre ka menyik’, matre mele fe epuni ngöne la ijine i Nyidrë.​—Zef. 2:3.

Troa nyipune la asabele hnene la lue cainöje hna troa cile fë hnene la itre atre thupe ka iwai, ame la tan lue ej, ke hna hape: “Hapeu epuni kö a nyitrepene la mele i epuni hnene la nyipici?” me “The thëthëhmine kö la drai Iehova, ngöne la epuni a hnëkëne la itre drai ka troa traqa.” Lue cainöje lai ka troa upi së troa isa wange la aqane mele së, me troa saze la itre xaa götrane la mele së. Kola amamane hnene la itre ewekë hna perofetane memine la itre ewekë ka traqa kowe la fen, laka, easenyi catre hë lo drai Iehova. Tro la porogarame ne asabele a xatua së troa ‘Inamacane me hmek.’ (1 Pet. 5:8) Loi e tro së a canga wange me hnëkëne la itre nyine troa kuca, matre tro fe së a hane sine la lue drai ne asabele asë.