Porogarame Ne Asabele Ne Sirkoskripsio

Nemene la itre thangane ka loi hne së hna kapa enehila, qa ngöne laka, easë a ce tro me Iehova? Tune kaa la aqane tro së a cile kowe la itupath, ene la troa nue la itre huliwa ne fene troa thunge la itre aja ne la Baselaia, troa xome la pane göhnë ngöne la mele së? (Mat. 6:33) Hapeu, jole koi së e troa atrehmekune la meköti qa ngöne la ngazo, ngöne la fene ka jelemekötine pena ha la ngazo? (Heb. 5:14) Itre mekune la hna troa ce wange ngöne la asabele ne sirkoskripsio, hna troa nyiqaane e Semitrepa 1999; ame la taan, ke hna hape, “Manathithi Së Enehila e Tro Së a Trongëne La Itre Jë i Akötresie.”—Sal. 128:1.

Ame la ketre ewekë ka hnyipixe ne la asabele ngöne la mecixen, ke, ene laka, kola troa amamane la ketre tulu thatraqane la icasikeu göi huliwa ne cainöj. Troa thuemacane la itre ekalesia hnene la atre thupëne la sirkoskripsio, la porogarame matre tro asë hi së a hnëkë me traqa troa drenge hnyawa la porogaram.

Ame la götrane hna hape, “Pionie—Wange Hnyawa Kö Aqane Tro Epuni a Tro,” ke, kola troa amamane koi së la aqane tro sa inamacane me atreine wai ewekë ngöne la easë a anyipi ewekëne la nöjei ijin thatraqane la huliwa ne pionie. (Efe. 5:15-17) Tro la cainöje hna hape, “Thupëne Kö La Itre Aqane Ujë Hna Mekune Menune Ka Hape Ka Meköt” a ini së la aqane troa wangatrehmekune hnyawa la thiina ka loi koi Akötresie, nyine tro sa xome ngöne la nöjei götrane la mele së. Troa xatua së fe hnene la cainöje hna hape, “Kola Ketri Së Tune Kaa Hnene La Itre Hna Perofetane Ka Eatre Hë” matre troa lapane la itre mekune së me itre hni së hnene la ajane troa kapa la Wesi Ula i Akötresie. Ame la taan la cainöje thatraqane la ka ala nyim, ke “Itre Jë i Akötresie—Troa Kepe Thangane Tune Kaa Qa ngön!”; eje a troa amamane hnyawa la itre manathithi hna troa kapa enehila, e hne së hna xötrethenge la itre hna amekötine hnei Iehova.

Hapeu, epuni kö a hane ajane troa amamane koi nöjei atr, jëne la bapataiso hnei tim, ka hape, epuni fe a hane ajane troa tro thenge la itre jë i Akötresie, tune lo itre xaa ka nyihluei Nyidrëti hë? Haawe, ithahnata jë memine la atre thupe perezida, matre troa nyiqaane wange la itre nyine troa kuca.

Loi e thaa tro pi kö së a triane la asabele ne sirkoskripsio. Traqa pi kowe la lue drai ne asabele asë, ke tune la hna qaja ka hape, “Manathithi angat’asë angete qoue Iehova, ene itete trongëne la itre jë i Nyidrë.”—Sal. 128:1.