Loi e Hetrenyi Së La Ajane Troa Cainöjëne La Maca Ka Loi
1 “Atraqate la pi tro ni a iöhnyi me nyipunie . . . Ini a hnëkëne, e ateine ni, troa cainöjëne la maca ka loi koi nyipunieti fe.” Celë hi aqane nyiqaane Paulo aposetolo la tusi nyidrëti koi angetre Roma. Pine nemene matre kola ajane hnei Paulo troa wai angatr? Hnei nyidrëti hna qaja ka hape: “Mate hetenyi ni ite xa wene thei nyipunieti fe . . . Ke tha ini kö a hmahma ene la maca ka loi, ke, celë hi mene i Akötesie nyine amelen.”—Rom. 1:11-16.
2 Kola mama hnyawa la aja cili, ngöne la Paulo a ithahnata kowe la itre qatre ne Efeso. Hnei nyidrëti hna amekunë angatre me hape: “Qane ngöne la drai hnapane lo traqa ni e Asia . . . , Tha hnenge hna juetëne . . . ngo hna amamane koi nyipunie me ini nyipunie qëmeke ne la nöj, me ngöne la kete uma me kete uma. Kola anyipicine koi angete Iuda, me angete Heleni fe.” (Ite Huliwa 20:18-21) Ame ngöne la nöjei jëne tro Paulo, hnei nyidrëti pala fe hna catre tro fë la maca ka loi ne iamele, nge nyidrëti a kapa la itre wene ne la huliwa i nyidrë kowe la Baselaia. Drei la ketre aqane ujë ka lolo, nyine tro sa xötrethenge!
3 Loi e tro së a isa thele ka hape: ‘Hapeu, hetrenyi fe kö thenge la aja troa hane qaja la maca ka loi kowe la itre atr ne la nöje hnenge hna mele ngön? Hapeu, eni hmekuje hi a xome la huliwa ne cainöje trootro ceitune memine la ketre hnëqa nyine troa kuca, maine hetre nyipi ajane e kuhu hninge troa hane tro fë la maca ka loi kowe la itre atr asë ka ala nyim? Hnenge kö hna hane thithi fë la itre xaa hnepe jole ka eje theng? Hapeu, eni kö a hane goeëne ngöne la götrane hna troa cainöje ngön, la nöjei aqane troa tro fë la maca ka loi, ene la troa cainöje ngöne itre hnalapa trootro, me ngöne itre hna salem, maine jëne telefon, me ngöne la nöjei ijin?’
4 Loi e Hetre Ajane Së Troa Cainöje e Eiperem: Ketre hneijine ka lolo la treu eiperem, troa akökötrene la aqane tro së a cainöj, easë isa ala caas. Pine laka, hna nango acone la hawa thatraqane la itre pionie ka ixatua, haawe, ijije hi tro la itre trejine ka ala nyim, troa xome la huliwa cili. Maine jë, ijiji epuni fe hi troa hane xome la huliwa ne pionie ka ixatua ngöne la treu eipereme me mei. Maine pena, ijije fe hi koi epuni troa hane pionie lapa, ke hna acone mina fe lo itre hawa thatraqane la huliwa cili. Maine ketre atre cainöje epun, tuneka matre xatuane fe hnei epuni la itre ka xome la huliwa ne pionie, me akökötrene ngöne la treu celë, memine la treu ka troa xulu, la itre hawa i epun, me tupathe troa sasaithe lo itre hawa hna majemine kuca pala hi? Ewekë lai ka troa amadrinëne la hni Iehova!
5 Loi e troa catre amamane pala hi hnene la nöjei trejine asë ka cainöjëne la Baselaia, la ajane troa thele la itre atr jëne la huliwa ne cainöj. Maine tro së a kuca asë la hne së hna atreine ngöne la huliwa ne cainöj, haawe, tro ha hetrenyi the së la nyipi madrin. Ame Paulo, hnei nyidrëti hna madrine ngöne la nyidrëti a xome la huliwa ka hmitrötr. Catre pi fe së troa hane xome la tulu ka lolo cili.—Rom. 11:13; 1 Kor. 4:16.