Porogarame Ka Hnyipixe Ne La Asabele Ka Ketre Pengöne Ka Caa Drain

Ame la taan la Asabele ne caa drai hna troa nyiqaane e treu semitrepa 1999, ke, hna hape: “Thelethele Jë La Nöjei Ewekë Ga Jui Akötesie.” (1 Kor. 2:10) Nemene la itre ewekë ka sisitria nyine tro së a inin?

Ame ngöne la angatre a thele la atrehmekun, nyimutre la itre atr ka öhne ej, ngo thaa keukawa kö la itre hni i angatr. Kola acatrene la lapaune së hnene la Tusi Hmitrötr, tune la hna troa amamane hnene la atre thupëne la sirkoskripsio ngöne la cainöje hna hape, “Thele Jë Së La Wesi Ula i Akötresie, Ke Jëne Keukawa Kowe La Mele Së.” Tro la atre cainöje ka iwai, a amamane la caasi ne la lue huliwa, ene la troa thele la itre ewekë gaa jui i Akötresie memine la troa cainöjëne la maca ka loi, jëne la hnyinge hna hape, “Tune Kaa La Mekune Së Göne La Huliwa Ne Cainöjë Baselaia?”

Nemene la aqane troa xatuane hnene la itre keme me thine la itre nekö i angatr, troa thele mekune hnine la Wesi Ula i Akötresie? Troa hamëne la itre xaa mekune ka lolo jëne la cainöje hna hape, “Loi e Tro Së a Inine La Itre Nekö Së La Wesi Ula i Akötresie.” Maine troa ce tro pala hi hnene la itre Keresiano thöth, memine la itre trejine ka macaje ngöne la ua, e hnine la ekalesia, haawe, tro ha hetre thangane ka lolo catre kowe la mele i angatr. Troa hamëne la itre tulu ka loi hna hamëne hnene la itre trejine thöthi ka iëne hnyawa la itre hnei angatre hna majemine ce tro memin, me ce elo, ene pe lolo la thangane koi angatr; ame la taan la cainöje ke, “Itre Thöth Ka Xomi Tulu Qa Ngöne La Aqane Mele Ne La Itre Ka Tru.”

Pine nemene matre nyipi ewekë tro së a thele hnyawa la itre trenga mo ka sihngödri ngöne la hneijine së enehila? Iehova la Ka Qaja Amamane la itre ewekë ka sihngödr. Tro la atre cainöje ka iwai, a qeje pengöne la hna qaja amamane hnei Iehova ngöne la itre hneijine ekö, me ngöne la itre hneijine së; ame la taan la cainöje cili ke, “Iehova a Qaja Amamane Trongëne La Ejuine La Itre Ewekë.” Celë hi ka troa acatrene la aja së troa catre “thelethele la nöjei ewekë ga jui Akötresie.”

Nyiqaane hnëkë jë enehila matre troa hane sine la asabele. Ame kowe la itre atr ka mekune troa xome la bapataiso, ke, loi e tro angatre a canga thuemacane la atre thupe perezida. Troa acatrene hnyawa la lapaune së hnene la hne së hna dreng, e atraqatre mina fe la aja së troa sine thele la Wesi Ula i Akötresie. Haawe, thaa tro pi kö së a triane la drai ka ketre pengöne cili, ke kola troa ini së ngöne la götrane la ua!