“Tro Kö Ni a Hane Tro?”
1 Nyimutre la itretre nyihlue i Iehova ka tro troa huliwa ngöne la itre götrane gaa aja ka cainöj, angatre a drenge la hnei Iesu hna qaja ka hape, “trojë nyipunie a inine la nöjei nöj’ asëjëihë.” (Mat. 28:19) Angatre a xötrethenge la tulu i Paulo, laka, hnei nyidrë hna kapa la hë, kola hape: “Tropi e kolemi Makedonia troa xatua hun.” (Ite Huliwa 16:9) Nemene la aqane troa ujë thenge la mekune cili?
2 Thaa Tro Kö a Canga Sesë Menu: Hapeu, hetrenyi kö ngöne la ekalesia i nyipunie, la ketre teritoare hna thaa majemine kö troa kuca lapaan? Maine eje hi, ke, loi e tro nyipunieti a pane huliwane hnyawa la itre teritoare cili. Qëmekene troa tro kowe la ketre götran, loi e troa pane wange la itre qatre thup, matre tro angatre a goeëne maine ijiji nyipunieti hi troa cainöje ngöne la ketre götran. Hnyingëne ju fe la atre thupëne la sirkoskripsio, maine atre hi nyidrëti la ketre ekalesia ka easeny, matre tro nyipunie a hane akökötrene la huliwa ne cainöje i nyipunie e cili. Nge ame ketre götran, e ase hnyawa ha nyipunieti mekune la itre ejolen, haawe, ijije tro nyipunie a hane ixatua ngöne la ketre götrane la nöj, maine ngöne ketre nöje ka tru pena. Maine celë hi la aja i nyipunieti lai, ce wange ju memine la ‘collège’ ne la itre qatre thup ne la ekalesia i nyipunie, matre troa cinyanyi kowe la wapicine i Sasaiatri hnei nyipunie hna ajane troa huliwa ngön, me qaja la aja ka eje thei nyipunie troa huliwa i Akötresie, me pengö i epuni ngöne la ua. Ma loi e troa pane ihamëne la götrane hna troa cainöje ngön, qëmekene troa axeciën, maine kola troa lapa hut.
3 Hmekëne Kö Qëmekene Troa Saze Nöj: Ala nyimu pala hi la itre trejine ka tro kowe la itre xaa nöje ka tru, ke angatre a thele aqane mele ka loi, maine kola kötre iakötrë. Haawe ame itre xane ke, hna iaö angatre hnene la itre xaa atr ka sisinyi troa xatua angatre ngöne la nöje hna mekune troa tro kow, matre hna xome la manie me nuetriji angatre pe. Itre xane a thele tro la itre ka saze nöje a kuca la itre ewekë ka sis. Ene pe, loi ju kö lo aqane mele ne ekö la itre ka saze nöj. Haawe, angatre a sipone ju kowe la itre trejine troa pane kepe angatr, me xatua angatr, matre kösë ketre ehnefe ka tru lai kowe la itre hnepe lapa Keresiano, kola nyixane hmaca la itre sipu jole hë ka eje thei angatr. Ame la itre xaa atrene la fami ke hna thewe thewe angatr, matre isa lapa kö angatr, nge ame koi itre hnepe lapa, ke angatre a nanazije ngöne la götrane la ua, qa ngöne lai hna saze nöje hnene la itre xan.—1 Tim. 6:8-11.
4 Maine nyipunieti a ajane troa saze nöj hnene la itre sipu aja i nyipunieti kö, mekune hnyawa ju laka, ame la nöjei götrane hnei nyipunieti hna tro kow, hetrenyi pala hi la itre jole hna troa qëmeke kow. Ka hmaloi kö troa cile kowe la itre xaa hnepe jol, e atre hë nyipunie la qene hlapa, memine la qene nöj, hune la troa traqa menu pi hi nge thatre pe la itre aqane mele ngöne la nöj.