Nemene La Itre Hne Së Hna Troa Kuca Ngöne La Hnedrai Hedredrei?

Ame la easë a hatrengëne la hnedrai hedredrei, easë a mekune la aqane idreuthine la jö ngöne la itre hnepe ijine cili, memine fe la itre nyine troa kuca matre troa hane sine la caa drai ne asabele ka ketre pengön, me itre xaa aja së kö : ene la itre drai ne mano maine ketre ijine kola troa hane iöhnyi memine la itre keme me thine së, me itre sine ce elo së. Hane cahu itre xaa hnepe mekune ka troa amekunë së, me xatua së la nyine troa kuca, matre troa amë panëne pala hi la huliwa ne la Baselaia, e kola troa mano ngöne la hnedrai hedredrei :

◼ Loi e troa canga mekune hnyawa la itre nyine troa kuca, matre troa hane sine la caa drai ne asabele ka ketre pengön. Loi e tro fe së a canga hnëkë göi gojeny, me uma, matre thaa tro kö a asesëkötrë së hnene la itre jol.

◼ Maine easë a troa mano, loi e tro së a thele troa hane sine la itre icasikeu ne la ekalesia ne la nöje hne së hna tro kow, me hane cainöje trootro memine la itre trejine ne la ekalesia cili. Loi e tro fe së a hamëne la itre rapore ne cainöje së ; maine ijij, ke, iupi fë jë jëne poos, kowe la seketere ne la ekalesia së.

◼ Ketre ijine ka lolo catre troa anyipicin, ngöne la easë a troa hane iöhnyi memine la keme me thine së. The thëthëhmine kö troa xome trongëne la Tusi Hmitrötre memine la itre itusi ka nyimutre.

◼ Tuneka matre hane fe së ce huliwa memine la ketre ekalesia ka aja ixatua, göi troa cainöje ngöne la teritoare i angatr ? Tro la itre qatre thupe maine atre thupëne la sirkoskripsio a ithuemacanyine la itre hna ajane ngöne la nöje së.

◼ Sisitria la itre vakaasi kowe la itre thöth, pine laka, celë hi ketre ijine tro angatre a akökötrene la huliwa ne cainöje i angatr. Itre thöth, ijiji epuni kö troa hane pionie ka ixatua ?

◼ Pine laka, lolo nge qea lai ngöne la hnedai hedredrei, atreine hi tro së a cainöje e heji lapa; Nge troa hetre thangane catre lai, pine laka, nyimutre la itre atr, hne së hna troa öhne ngöne la itre hnalapa i angatr.

◼ Loi e troa wange hnyawa hnene la itre qatre thup, göi aqane trongene la itre huliwa e hnine la ekalesia, laka, troa canga thele hnane la itre trejine ka troa mano.

Loi e tro së a mekune hnyawa laka, “ ame la ite mekune ne la ate cate huliwa, te, kola atena mon, (...) .” (Ite edomë 21:5.) Haawe, loi e tro së a canga hnëkë me mekune hnyawa la itre nyine tro së a kuca ngöne la hnedrai hedredrei, matre nyimu ijine tro së a nyihluene la musi ka xulu qa thei Akötresie.