Hmekë Ijine Ju Troa Qaja La Maca Ka Loi
1 Nyimu pengöne aqane mele ne la itre atren la Ekalesia i Keresiano. Ngo easë a caas qa ngöne laka, easë a catr troa atrunyi Iehova. (Sal. 79:13) Maine kola hnöthi së troa tro fë la maca ka loi, hnene laka hetre sine meci së maine hetrenyi pena la itre xaa hnepe jol, haawe, nemene la itre aqane tro sa kuca matre tro sa hane cainöje kowe la itre atr?
2 Ngöne La Itre Huliwa Së o Drai: Hna thele ijine hnei Iesu troa qaja la maca ka loi kowe la nöjei atr hnei nyidrëti hna iöhnyi memin. Ngacama ijine nyidrëti a mano, ngo hnei nyidrëti hna cainöje koi Mataio ngöne lo nyidrëti a traqa ngöne la uma ne kepe hotr, me cainöje koi Zakaio ngöne lo ketre tro nyidrë, me cainöj kowe lo föe ne Samaria. (Mat. 9:9; Luka 19:1-5; Ioane 4:6-10) Ame ngöne la itre huliwa së e nöjei drai, ijije hi tro sa kuca matre ngöne la itre porotrike së, tro sa hane thele troa qaja la maca ka loi. Loi e tro sa xometrongëne pala hi la Tusi Hmitrötre së, me itre tarak me itre boroshür, matre thaa tro kö a jol e tro sa hane ce thawa memine la itre xan la mejiune së.—1 Pet. 3:15.
3 Hna nyifegone kö la aja i epun troa cainöje ngöne itre hnalapa trootro, hnene la ketre mec? Xome ju la itre ijine troa hane cainöje kowe la itre ka huliwa hnine la pital maine itre xaa atr pena ka traqa troa iwai. (Itre hu. 28:30, 31) Maine easë a lapa hnalapa pine la itre xaa jol ka eje the së, haawe, hne së kö hna hane tupathe troa anyipicine jëne telefon, maine jëne tusi pena? Hna majemine hnene la ketre trejine föe troa cinyanyi kowe la itre atren la fami eahlo ka thaa temoë kö. Hnei eahlo hna cinyihane la itre xaa mekune nyine ixatua qa hnine la Tusi Hmitrötr, me itre xaa ewekë ka traqa koi eahlo ngöne la huliwa ne cainöj.
4 Ngöne Hna Huliwa Maine Hna Ini: E hetre aja së troa atrunyi Iehova, tro fe ha upi së troa thele ijine troa traane la itre itine feja ne la nyipici, ngöne la hna huliwa maine ngöne itre hna ini. Hnene la ketre nekönatr ka cainöj, eitr lao macatre i nyën, hna ce thawa memine la itre sine ini nyën la hnei nyën hna e göne la treu; itre mekun hna xome qa hnine Réveillez-vous ! Ame la kola atre hnene la ka hamë ini la qaan la itre ithuemacanyi cili, haawe, angeic a nyiqaane kapa ju la itre zonal hna lapaa traqa fë koi angeic, Tour de Garde me Réveillez-vous ! Maine tro sa amë amamane ngöne la hna huliwa së la itus Ini Tusi Hmitrötr, celë hi ketre jëne tro la itre atr lai a hnying, ene pe easë a cainöje ju koi angatr.
5 Hetrenyi kö la itre xaa jëne tro sa cainöj, ngöne la itre huliwa së ngöne la nöjei drai? Ame ngöne la easa thele troa hetre thangane ka loi la mele së, loi e tro fe sa catre hamën ngöne la nöjei drai la “huje ne atrunyi Akötresie.”—Heb. 13:15.