Hetre Emenen La Wesi Ula i Akötresie
1. Nemene la tane la asabele ka ketre pengöne nge ka ca drain ne la macatre 2014?
1 Thatreine kö troa xulu qaathei atr ka ngazo la Tusi Hmitrötr, ke atreine eje troa saze la pengö së, me amekötine la itre mekuna së me itre jë së thenge la aja i Iehova. Ngo ka tune kaa la ecatrene la mene ne la Wesi Ula i Akötresie? Nemene la aqane tro sa huliwane la mene cili ngöne la mele së? Nemene la aqane tro sa huliwane hnyawan, ngöne la easa thele troa xatuane pena la itre xan? Ka xeci hnyawa e kuhu hni së ka hape, tro hë sa xomi trenge catre hmaca ngöne la götrane la ua ngöne la ijine easa troa sine la asabele ka ketre pengöne nge ka ca drai, hna hnëkëne göne la macatre 2014. Drei la tane hna xome qa ngöne Heberu 4:12, Ka Mene La Wesi Ula i Akötresie.”
2. Nemene la itre mekune nyine tro sa drenge hnyawa?
2 Tupathe Jë Troa Sa La Itre Hnyinge Celë: Ame la easa troa drenge la itre hna troa qaja, epi tro sa fejane la itre mekune ka troa sa la itre hnyinge cahu.
• Pine nemene laka, loi e tro sa mejiune kowe la Wesi Ula i Iehova? (Sal. 29:4)
• Tro sa öhne tune kaa la emenen la Wesi Ula i Akötresie ngöne la mele së? (Sal. 34:8)
• Tro sa tro fë tune kaa la mene ne la Wesi Ula i Akötresie ngöne la hna cainöj? (2 Tim. 3:16, 17)
• Nemene la nyine tro sa kuca matre tha tro kö a iaö së hnene la emenen la fene i Satana? (1 Ioane 5:19)
• Nemene la nyine tro epuni itre thöth a kuca, matre troa kökötre ngöne la götrane ua? (Iere. 17:7)
• Nemene la nyine tro sa kuca matre, ngacama kucakuca së, ngo catre kö së? (2 Kor. 12:10)
• Nemene la itre xa nyine troa kuca matre tro pala hi së a saze trootro, uti hë la atreine së troa ngaane la itre hna majemine me itre thiina ka ngazo? (Efe. 4:23)
3. Nemene la ketre aqane tro sa hane kepe thangane ka loi qa ngöne la asabele ka ketre pengöne nge ka ca drai?
3 Thatreine kö troa qeje pengöne la itre manathithi hne së hna troa kapa, qa ngöne la hna drenge la itre ithuemacany cili! Ketre, ceitune hi la asabele ka ca drai memine la asabele ne sirkoskripsio, me asabele ne distrik, ke kola aijijë së troa thele troa atrepengöne la itre xa trejine me easë ka traqa qa ngöne la itre xa ekalesia. (Sal. 133:1-3; 2 Kor. 6:11-13) Qa ngöne lai, epi tro së a pane ce memine la itre trejine hne së hna atre hë, me thele troa atre la itre xane fe. Maine kola traqa koi nyipunie hnene la atre thupëne la distrik, maine ketre trejine pena qa hnine la Bethela ka troa hane sine la asabele ka ca drai, epi troa hane hë angeice me föe i angeice koi nyipunie. Itre kepine lai, ka upi së troa nyiqaane hnëkë me lapa treqene la asabele së ka ketre pengöne nge ka ca drai!