Itre Icasikeu Göi Cainöj—Nyine Troa Ce Ithanatan

Ceitune hi la itre icasikeu ne la ekalesia memine la itre icasikeu göi cainöj. Itre hna amekötine hnei Iehova matre troa aciane la ihnim me itre huliwa ka loi. (He 10:24, 25) Ame la icasikeu göi cainöj, ene la troa ce amë la itre trejin, me thawa la itre teritoar, me thith, ke tha tro kö a sasaith la 5 maine 7 menetr. (Ijije hi tro hmaca kö a ahopatrene catrën, thupene la ketre icasikeu.) Tro la trejin ka iujine la icasikeu a hnëkë hnyawa matre ithuecatre kowe la itre trejin ka cainöj. Ame e Mecixen, ma kaloi troa amexeje hmaca la nyine troa qaja ngöne la hna cainöj, ke alanyimu la itre trejin ka tha hane kö cainöj ngöne la wiik. Nemene la itre xaa nyine troa ce wang?

• Xome hmaca jë la itre tulu nyine nyiqane ithanata ngöne la Mel Me Huliwa Ne Cainöj Ne La Keresiano—Pepa Nyine Huliwan

• Amamane jë la aqane troa ithanatane la ketre nuvel memine la itre atr

• Amamane jë la aqane troa elë hune la ketre mekun hna majemine qaja

• Amamane jë la aqane troa sa kowe la atr ka thatre Akötresie, ka mejiune kowe la ini Évolution, ka qaja la ketre qene hlapa, maine ka xom la ketre hmi ka hnyipixe

• Amamane jë la aqane troa huliwane la site jw.org, maine JW Library maine Tusi Hmitrötr

• Amamane jë la aqane troa huliwane la ketre itus ngöne la Jia Ne Cainöj

• Amamane jë la aqane troa cainöj jëne telefon, troa cinyanyi tus, troa cainöj kowe la itre atr hne së hna ixelë memin, maine la aqane troa iwai hmaca me ini Tus

• Amexeje jë la itre hna amekötin ka thupë së, memine la enyipiewekëne troa maca me atreine waiewekë, me thiina ka loi ngöne la hna cainöj

• Amamane jë la ketre video maine ketre ini qa ngöne la boroshür Troa Atreine e Tus Me Hamë Ini

• Amamane jë la aqane troa ithuecatr me xatuane la trejin ka ce cainöj me easë

• Xome jë la ketre xötr ka ithuecatr maine qaja jë la ketre hna melën ngöne la hna cainöj