Itre Manathithe Qa Ngöne La Hna Ce Huliwa Memine La Itre Trejin
1 Tuneka fe la aqane mekune i epun? Tro kö së a hane kepe thangane ka loi qa ngöne la hna ce cainöje trootro memine la itre trejin? Hna mekune tune lai hnei Iesu. Ngacama atraqatre la meledrai, nge xalaithe hi la angetre troa menu, nyidrëti a upe la angetre drenge ka ala 70, “isa ala lue.” Drei la ketre traeme ka nyipiewekë catre koi angatr’asë troa cainöje kowe “la nöjei lapa me nöjei hnepe lapa, la hnei nyidëti hna troa jötëti kow”!—Luka 10:1, 17; Mata. 9:37.
2 Ixatua ka tru la troa ce huliwa memine la itre trejin. Ame itre xan, ke, ka meije matre jole koi angatre troa nyiqaane ithahnata memine la itre atr hnei angatre hna thatre. Ngo, e hetre sinetronge së, ke, hetre trenge catre së hë e cili troa ithuemacanyine la wesi ula i Akötresie. E maine hetre sine huliwa së, ke, hmaloi hi e troa aeatrëne la huliwa hna hnëkë së kow. (Ite Edom. 27:17) Hnene la ketre atr ka inamacane hna qaja ka hape: “Loi la ala lue hune la ala cas.”—Ate Cai. 4:9.
3 Ka loi la troa ce huliwa memine la nöjei trejin, me itre pionie. Ame la itre sine trongei Paulo aposetolo, Banaba, me Sila, me Timoteo, me Ioane, me Mareko, me itre xane ju kö, hnei angatre hna kapa la itre manathithi ka kösau qa ngöne la hna ce huliwa. Ketre tune fe hi lai enehila. Hapeu, ase kö epuni hane ce cainöje trootro memine la ketre trejine ka hekö hë lapa hnine la nyipici? Qa ngöne lai, hnei epuni hna öhne hnyawa la aqane maca i angeice troa cainöje trootro, hawe ijiji epuni troa xölehuje la itre xaa mekune nyine xatua epuni fe troa cainöje hnyawa. Hapeu, hne së kö hna ce cainöje trootro memine la itre ka xötrei cainöj? Ejehi laka, maine hna tro tune lai, ijiji epuni troa ithawakeune la hnei epuni hna inin, jëne tro angatre lai a maca hnyawa troa cainöj, me troa hetre madrine ka tru qa ngöne la huliwa ne cainöje trootro.
4 Hapeu, hetre atr fe kö hnei epuni hna hane inine la Tusi Hmitrötre kow? Maine ejehi, ke, pine nemene matre tha könëne pe la ketre e itre qatre thup, maine pena la atre thupëne la sirkoskripsio matre troa ce tro me easë? Nyipiewekë catre tro la itre ka ini Tusi Hmitrötr’a atre la itre atre thup. E maine hetre xou së troa inine la Tusi Hmitrötre kowe la ketre atr qëmekene la qatre thup, ke, sipo nyidrëti jë troa kuca la etid, nge tro së a goeëne hnyawaane la aqane ini nyidrë. Ketre mina, ka loi la tro së a hnyingëne la mekune ka ijije nyine xatuane la ka ini Tusi Hmitrötre troa kökötre nyimenyime ngöne la nyipici.
5 Loi e tro së a hamë ixatua kowe la itre trejine me easë ngöne la easë a ce cainöje trootro me angatr. Loi e troa keukawa la aqane tro së a ithahnataane la teritoar. Ketre mina, tha tro pi kö së a qaja angazone la itre trejine me easë, nge the tro kö a nyi ulili pine la itre hna axeciëne kowe la ekalesia. Loi e troa aliene hni së la huliwa ne cainöje trootro, memine la itre manathithi tro së a kapa qa thei Iehova. Hawe, e tro epuni a tro tune lai, tro epuni memine la itre trejin’a bëeke koi isa hnalapane cememine la keukawa ne la ua.
6 Maine jë, tha ijiji epuni kö troa ce cainöje trootro memine la itre trejine hnene la itre jol. Ngo ame pe, e hetre ijine hë ka ijij, pine nemene matre tha thele pe epuni troa hane ce cainöje trootro memine la ketre atre cainöj? Tro epuni asë lai a isa kepe thangane ka loi!—Rom. 1:11, 12.