Ŋkuɖodzia ƒe Ŋkuɖodzinyawo

Míaɖu Ŋkuɖodzia le Yawoɖagbe, March 28 lia dzi le ƒe sia me. Hamemegãwo nalé ŋku ɖe nya siwo gbɔna ŋu:

◼ Ne miele ɣeyiɣi ɖom na kpekpea la, mikpɔ egbɔ be womatsɔ kpɔɖeŋunuawo atsae do ŋgɔ na ɣeɖoto o.

◼ Ele be woana amesiame, nuƒola hã, nanya ɣeyiɣia kple teƒe si tututu wɔnaa ayi edzi le.

◼ Midi abolo kple wein si sɔ eye woatsɔ wo va teƒea.—Kpɔ Gbetakpɔxɔ, February 15, 1985, axa 27 (Eŋlisigbe me tɔ, February 15, 1985, axa 19).

◼ Woatsɔ agba gbadzɛwo, kpluwo, kple kplɔ̃ kpakple kplɔ̃dzivɔ siwo sɔ ava akpata la me eye woaɖo wo ɖe wo nɔƒe do ŋgɔ.

◼ Ele be woadzra Fiaɖuƒe Akpata la alo teƒe bubu ɖesiaɖe si woakpe ta le la ɖo nyuie do ŋgɔ.

◼ Mitia anyinɔƒegbɔkpɔlawo kple amesiwo atsɔ nuawo atsae la do ŋgɔ eye miafia wo alesi woawɔ woƒe dɔwoe kple ɖoɖo nyuitɔ si nu woawɔe ɖo, kpakple alesi wòhiã be woƒe awudodo nasɔ nyuie.

◼ Miwɔ ɖoɖo miatsɔ nuawo ayi na amesiamina ɖesiaɖe si si lãmesẽ megale o eye mate ŋu ava o la hã.

◼ Ne wowɔ ɖoɖo be hame geɖe nazã Fiaɖuƒe Akpata ɖeka la, ele be hameawo nawɔ nu aduadu ale be amewo nagava sɔ gbɔ ɖe xɔxɔnua, xɔmɔnuwo, toƒewo, kple ʋutɔɖoƒewo fũ o.