Ale Si Nàwɔ Abi Ðe Ðaseɖiɖidɔa Me—Ði Ðase Le Dɔwɔƒewo Kple Nudzraƒewo

Nu Si Ta Wòle Vevie: Esi ame geɖe wɔa dɔ hena gaƒoƒo geɖe ta la, zi geɖe la, mɔ nyuitɔ si dzi míato be Fiaɖuƒegbedeasia naɖo wo gbɔe nye be míaɖi ɖase na wo le woƒe dɔwɔƒewo. Ðaseɖiɖi le dɔwɔƒewo kple nudzraƒewo ate ŋu avivi, eye nu nyuiwo ate ŋu ado tso eme elabena míake ɖe amewo ŋu godoo, eye dɔwɔlawo wɔa nu ɖe ame siwo wosusu be woate ŋu ava nye yewoƒe asisiwo la ŋu nyuie. Hafi míate ŋu akpɔ dzidzedze la, ele be gbeƒãɖelawo nabu nuwo ŋu nyuie eye woado awu le nɔnɔme nyui me. (2 Kor. 6:3) Le esia ta ele vevie be subɔsubɔdɔdzikpɔla nakpɔe ɖa be ɣeyiɣi kawoe asɔ be woanɔ dɔ wɔm le teƒe mawo eye ame kawoe anɔ dɔa wɔm le teƒe mawo hã.

Ale si Nàwɔe:

Dzra ɖo ɖe ɖaseɖinya kpui aɖe ŋu. Ne ègblẽ ɣeyiɣi geɖe na dɔwɔla aɖe la, magaɖe mɔ na wò be nàɖi ɖase na ye ɣebubuɣi o.
Yi le ɣeyiɣi siwo vovo anɔ dɔwɔlawo ŋu vie, abe le ɣeyiɣi siwo me wodze dɔ gɔme teti ene.
Dze agbagba nàbia mɔ le ame si le teƒea dzi kpɔm la gbɔ. Wɔ nu xɔlɔ̃wɔwɔtɔe. Àte ŋu agblɔ be, “Míele amewo srãm kpɔ kpuie le woƒe dɔwɔƒewo elabena esesẽna be míake ɖe wo ŋu le aƒe me.” Ði ɖase nɛ kpuie, eye nàna trakt, magazine, alo agbalẽ bubu aɖee. Be woagabu be nu dzram nèle o la, mègaƒo nu tso nudzɔdzɔ ƒe ɖoɖoa ŋu o, negbe ne amea ŋutɔ bia nya tso afi si míekpɔa ga le tsɔ wɔa dɔ siae ŋu ko hafi.
Ne teƒea dzi kpɔla xɔ wò nyuie la, bia mɔ le egbɔ be yeaƒo nu kple dɔwɔla bubuawo hã kpuie. Le dɔwɔƒe aɖewo la, anyo be nàbia ne mɔɖeɖe li be nàda magazine, agbalẽ gbadza kple trakt aɖewo ɖe afi si woɖina ɖe eme le hã.
Bu nuwo ŋu nyuie eye nàɖɔ ŋu ɖo. Le kpɔɖeŋu me, ne dɔwɔla aɖe le nu ƒom kple asisi aɖe alo vovo mele eŋu o la, lala wòakpɔ asinu hafi nàte ɖe eŋu.

Te Esia Kpɔ Le Ɣletia Me:

Le fiẽsi Ƒometadedeagu si miagawɔ me la, dzra ɖo ɖe ɖaseɖinya si nàte ŋu azã ŋu ne àɖe gbeƒã le dɔwɔƒewo kple nudzraƒewo.