AKPÁXWÉ 5
Sín Kannumɔgbenu ɖò Babilɔnu jɛ Hwenu E è Vɔ́ Dǒ Jeluzalɛmu Tɔn lɛ Mɛ̀ É
Ee Izlayɛli-ví lɛ ɖò kannumɔgbenu ɖò Babilɔnu é ɔ, nǔ gègě tɛ́n nùɖiɖi yetɔn kpɔ́n. È bɛ́ Cadlaki, Mɛcaki kpo Abɛdunɛgoo kpo nyí dó zo hɛhɛ ɖé mɛ, amɔ̌, Mawu hwlɛn ye gán. Ee Babilɔnu jɛ ayǐ ɖò Mɛdinu lɛ kpo Pɛlusiinu lɛ kpo nukɔn gudo é ɔ, è zé Daniɛli nyì dó kinikini sín dò mɛ. Amɔ̌, Mawu bɔ nu dó nú kinikini lɛ, bo cyɔn alɔ elɔ jí.
Gudo mɛ ɔ, axɔsu Pɛlusii tɔn Silusi tún kàn Izlayɛli-ví lɛ. È bɛ́ kannumɔ yetɔn yì Babilɔnu, bɔ é bló xwè 70 pɛ́ɛ́ é wɛ ye lɛkɔ wá xwé. Ee ye lɛkɔ wá Jeluzalɛmu é ɔ, ye jɛ tɛmpli Jehovah tɔn vɔ́ gbá jí. Nǔ nukɔntɔn e ye wà lɛ é ɖokpo nɛ. Amɔ̌, kɛntɔ́ yetɔn lɛ ɖó azɔ̌ ɔ te. Enɛ wu ɔ, ye lɛkɔ yì Jeluzalɛmu é ɔ, é tó bló xwè 22 mɔ̌ hwɛ̌ có ye wá fó tɛmpli ɔ gbigbá.
Mǐ na wá kplɔ́n nǔ dó kɔ e Ɛzla lɛ yì Jeluzalɛmu, bo ba acɔ́ nú tɛmpli ɔ é wu. È fó tɛmpli ɔ gbigbá é ɔ, é ɖò xwè 47 bló wɛ nɛ. Enɛ gudo ɔ, ee Ɛzla lɛkɔ yì Jeluzalɛmu bɔ é bló xwè 13 gudo é ɔ, Nexemii d’alɔ Izlayɛli-ví lɛ, bɔ ye vɔ̌ dǒ tò ɔ tɔn lɛ mɛ̀. Akpáxwé ATƆ́Ɔ́NGƆ elɔ kpi tàn nǔ e jɛ ɖò xwè 152 gblamɛ é tɔn.