Sɔɔmɔ Kpee He Gbɛjianɔtoo
KADIMƆ: Kɛjɛ Wɔ Maŋtsɛyeli Sɔɔmɔ nɛɛ nɔ kɛyaa lɛ, nɔ ni baafata Sɔɔmɔ Kpee He Gbɛjianɔtoo lɛ he ji gbɛjianɔtoo kɛha klɛŋklɛŋ Sɔɔmɔ Kpee ni abaatsu he nii yɛ nyɔŋ ni baanyiɛ sɛɛ lɛ mli lɛ. Aafee tsakemɔ nɛɛ koni eye ebua kɛha Wɔ Maŋtsɛyeli Sɔɔmɔ ni akɛwoɔ lɛji amli kɛbaa ni nyɛɔ ekpeɔ sɛɛ lɛ hewɔ.
Otsi ni Jeɔ Shishi December 6
Lala 207
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Kasemɔ Yehowa ni Kwɛɛɛ Hiɛaŋ Lɛ.” Okɛ nɔ ni shɛɛɛ miniti kome akpa wiemɔ lɛ hiɛ, koni sanebimɔ kɛ hetoo kɛha sanegbaa anyiɛ sɛɛ. Tsɔɔmɔ nɔ ni ji hiɛaŋ ni akwɛɛɛ, bɔ ni Yehowa jieɔ lɛ kpo ehaa, kɛ bɔ ni wɔbaanyɛ wɔkɛ enɛ atsu nii yɛ wɔshiɛmɔ nitsumɔ lɛ mli.—Kwɛmɔ Insight, Kpo 1, baafa 1192, kukuji 4-7.
20 min: “Ani Wɔnuko Nakai Pɛŋ?” Wiemɔ kɛ toibolɔi ni akɛ amɛ aaagba sane. Ha toibolɔi agba bɔ ni nii ni atĩɔ mli awieɔ shii abɔ lɛ eye ebua amɛ ni eha amɛnu anɔkwale lɛ shishi ni amɛhiɛ esɔ jogbaŋŋ kɛmɔ shi lɛ he.—Kwɛmɔ July 15, 1995 Buu-Mɔɔ lɛ baafai 21-23, kɛ August 15, 1993 nɔ̃ lɛ baafai 13-14 lɛ kukuji 10-12.
Lala 218 kɛ naagbee sɔlemɔ.
Otsi ni Jeɔ Shishi December 13
Lala 168
10 min: Asafoŋ adafitswai. Shika he akɔntaabuu. Okɛ gbɛtsɔɔmɔi ni tsɔɔ bɔ ni esa akɛ wɔtsɔ ŋaa gbɛ nɔ wɔhere hejɔɔmɔ gbi ŋamɔi anɔ lɛ aha. Kɛ asafo lɛ yɛ Gbɔmɔ ni Fe Fɛɛ loo Tsɔɔlɔ Kple woji lɛ eko lɛ, tsɔɔmɔ bɔ ni abaanyɛ akɛtsu nii jogbaŋŋ yɛ shiɛmɔ nitsumɔ lɛ mli yɛ Blonya hejɔɔmɔ gbii lɛ amli.
15 min: “Teokrase Sɔɔmɔ Skul Kɛha 2000.” Wiemɔ ni Teokrase Sɔɔmɔ Skul nɔkwɛlɔ lɛ kɛbaaha. Tĩi gbɛjianɔtoo kɛha afi hee lɛ mli tsakemɔi ni nyiɛ sɛɛ nɛɛ amli. Nifeemɔ Ni Ji 3 lɛ baadamɔ “Bible Topics for Discussion” ni yɔɔ New World Translation lɛ mli lɛ nɔ. Nifeemɔ Ni Ji 4 lɛ baawie Biblia mli gbɔmɛi ni jɛ Insight on the Scriptures lɛ mli lɛ he lolo, ni yɛ afi lɛ mli naagbee nyɔji etɛ lɛ mli lɛ, ebaadamɔ “Bible Topics for Discussion” lɛ nɔ. Yɛ he ni okadi ni ji (#) lɛ tsáa nifeemɔ nɛɛ nɔ yɛ lɛ, aasumɔ ni nyɛmi nuu atsu he nii. Wó mɛi fɛɛ hewalɛ koni amɛya nɔ amɛnyiɛ amɛ daa otsi Biblia kanemɔ lɛ sɛɛ koni amɛbɔ mɔdɛŋ jogbaŋŋ yɛ skul nifeemɔi ni akɛhaa amɛ lɛ he nitsumɔ mli.
20 min: “Mɛni Obaakɛɛ Mɔ ni Kɛɔ akɛ Nyɔŋmɔ Bɛ?” Sanebimɔi kɛ hetooi. Tĩi yiŋtoi srɔtoi ahewɔ ni mɛi babaoo bɛ Nyɔŋmɔ mli hemɔkɛyeli dɔŋŋ lɛ mli. Tsɔɔmɔ gbɛ̀i komɛi ni wɔbaanyɛ wɔtsɔ nɔ wɔya amɛ ŋɔɔ, ní wɔye wɔbua amɛ koni amɛle nilee ni yɔɔ mli akɛ aaayɔse akɛ Nyɔŋmɔ yɛ lɛ mli. Ha afee nɔkwɛmɔnii kukuji enyɔ loo ekome. Kɛha enɛ he saji babaoo lɛ, kwɛmɔ Reasoning wolo lɛ baafai 145-151, kɛ Nyɔŋmɔ Sɛɛ Gbɛ ni Adesai Taoɔ, yitso 14.
Lala 220 kɛ naagbee sɔlemɔ.
Otsi ni Jeɔ Shishi December 20
Lala 219
10 min: Asafoŋ adafitswai. Ha toibolɔi agba niiashikpamɔi kukuji ni he hiaa ni amɛná mli ŋɔɔmɔ nyɛsɛɛ nɛɛ yɛ shiɛmɔ nitsumɔ lɛ mli lɛ amɛtsɔɔ.
15 min: Mɛi ni Kɛ Ekãa Tsĩɔ Sanegbaa Naa lɛ ni Akɛ Amɛ Aaagba Sane. Toibolɔi ni akɛaagba sane kɛ nɔkwɛmɔnii. Kanemɔ “Emlitsɔɔmɔ” ni yɔɔ Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ baafai 7-8 lɛ. Halamɔ “mɛi ni kɛ ekãa tsĩɔ sanegbaa naa” lɛ enyɔ loo etɛ kɛjɛ baafai 8-12, aloo okɛ ekrokomɛi ni nyɛkɛkpeɔ bei pii yɛ nyɛshikpɔŋkuku lɛ mli lɛ atsu nii. Tĩi bɔ ni átsɔɔ akɛ ahereɔ nɔ ahaa lɛ ekomɛi amli, ní otsɔɔ nɔ hewɔ ni abaanyɛ akɛtsu nii jogbaŋŋ yɛ he ni nyɛyɔɔ lɛ. Ha afee fioo komɛi ahe nɔkwɛmɔnii kuku. Ha toibolɔi agba bɔ ni amɛhere ekomɛi anɔ amɛha ní wo yibii babaoo.
20 min: Ani Esa akɛ Mikɛ Mihe Awo Nitsumɔ ni Kɔɔ Jamɔŋ Gbɛjianɔtoo ko He lɛ Mli? Wiemɔ ni onukpa ko kɛbaaha ni damɔ April 15, 1999 Buu-Mɔɔ lɛ baafai 28-30 lɛ nɔ. Aŋkroaŋkroi komɛi kɛ amɛhe ewo nitsumɔ ni tamɔ nɛkɛ mli ni sɛɛ mli lɛ amɛkpá shi amɛna akɛ nɔ ni amɛfeɔ lɛ kɛ Biblia mli shishitoo mlai kpãaa gbee. Tĩi sanebimɔi ni ehe hiaa ni wɔsusu he lɛ mli yɛ be mli ni akpɛɔ yiŋ yɛ heloonaa nitsumɔ ko ni kɔɔ jamɔŋ nifeemɔi komɛi ahe lɛ. Wó mɛi fɛɛ hewalɛ koni amɛtiu gbɛ ko ni baaha amɛná shidaamɔ kpakpa yɛ Yehowa hiɛ lɛ sɛɛ.—2 Kor. 6:3, 4, 14-18.
Lala 109 kɛ naagbee sɔlemɔ.
Otsi ni Jeɔ Shishi December 27
Lala 166
10 min: Asafoŋ adafitswai. Kɛ nyɛ asafo lɛ baatsake kpee bei kɛha afi hee lɛ, okɛ ekãawoo ni hi aha ni okɛwo mɛi fɛɛ hewalɛ koni amɛba kpeei daa yɛ bei heei ni ato lɛ anaa. Ha Biblia mli nikaselɔi kɛ mɛi krokomɛi ni yɔɔ wiemɔ lɛ he miishɛɛ lɛ ale tsakemɔi ni afee lɛ. Kaimɔ mɛi fɛɛ koni amɛkɛ shiɛmɔyaa he akɔntaabuu kɛha December aha.
15 min: Asafoŋ hiamɔ nii.
20 min: Woji Memeji ni Akɛaaha yɛ January. Wiemɔ kɛ nɔkwɛmɔnii. Okɛ woji memeji enyɔ loo etɛ ni hiɛ baafai 192 ni akala dani afi 1986 shɛ ni yɔɔ nyɛ asafo lɛ mli lɛ atsɔɔ, ní owo shiɛlɔi ahewalɛ koni amɛkɔlɔ eko kɛya shiɛmɔ. (Kɛ eko bɛ lɛ, nyɛsusua wolo kroko ni akɛbaatsu nii yɛ January lɛ he.) Tsɔɔmɔ nɔ hewɔ ni nɛkɛ woji memeji nɛɛ ji nɔ ni mɔɔ shi jogbaŋŋ lolo kɛha miishɛɛ ni aaatee lɛ shi kɛha Biblia lɛ. Okɛ woji lɛ fɛɛ eko atsu nii koni okɛma saji otii kɛ mfonirii ni abaanyɛ akɛtsu nii jogbaŋŋ kɛha sanegbaai ashishijee lɛ anɔ mi. Ha afee shiɛmɔ wiemɔ kome loo enyɔ he nɔkwɛmɔnii. He ni ajie miishɛɛ kpo atsɔɔ yɛ lɛ, abaanyɛ akɛ Taoɔ wolo bibioo lɛ atsu nii koni akɛje nikasemɔ shishi.
Lala 224 kɛ naagbee sɔlemɔ.
Otsi ni Jeɔ Shishi January 3
KADIMƆ: Asafoi lɛ akatsi amɛ Sɔɔmɔ Kpee kɛha January 3 otsi lɛ kɛtee gbɛkɛ ko ni baatsɔ hiɛ lɛ mli ja kpokpaa nɔkwɛlɔ lɛ baaba abasara amɛ.
8 min: Asafoŋ adafitswai.
17 min: Nyɛlea Bɔ ni Sa akɛ Nyɛha Hetoo. (Kol. 4:6) Wiemɔ kɛ toibolɔi ni akɛaagba sane. Reasoning wolo lɛ ji yelikɛbuamɔ nɔ ko ni yɔɔ naakpɛɛ ni gbeleɔ gbɛ koni akɛ mɛi krokomɛi agba Biblia mli anɔkwale lɛ he sane. Kɛ shiatsɛ ko te shi ewo hemɔkɛyeli ko ni wɔyɔɔ lɛ, ekolɛ wɔbaanyɛ wɔkɛ he ni kɛɛ “If Someone Says—” (Kɛ Mɔ Ko Kɛɛ) ni yɔɔ fã lɛ naagbee gbɛ lɛ ni wieɔ nakai hemɔkɛyeli he lɛ atsu nii. Gbaa saji ni awie yɛ Biblia lɛ he, nɔ ni yɔɔ baafai 64-68 lɛ he sane, ní otsɔɔ nɔ hewɔ ni hetooi ni atsɔɔ yɛ jɛmɛ lɛ baanyɛ afee nɔ ni mɔɔ shi.
20 min: “Okɛ Wɔwoji lɛ Atsu Nii yɛ Nilee Mli.” Sanebimɔ kɛ hetoo ni akɛaagba sane. Beni asusu kuku 7 lɛ he agbe naa lɛ, ha akɛ gbɛtsɔɔmɔi ni akɛha yɛ kukuji 4-7 lɛ mli lɛ ekomɛi afee nɔkwɛmɔnii kukuji enyɔ loo ekome.
Lala 19 kɛ naagbee sɔlemɔ.