Nikasemɔ Sanebimɔi kɛha Brochure Ani Esa akɛ Ohe Triniti Iɛ Oye?
OTSI 1
Baafa 3, yitso: “Ani Esa Akɛ Ohe Oye?”
1, 2. Mɛni ana ni abaanyɛ awie yɛ Triniti tsɔɔmɔ lɛ he?
3. Mɛni hewɔ esa akɛ wɔnya Triniti he sane lɛ he yɛ wɔgbii nɛɛ amli?
4. Yɛ ekukufoo mli lɛ, mɛni ji Triniti tsɔɔmɔ lɛ?
5. Mɛni mɛi ni ekpɛlɛɛɛ tsɔɔmɔ nɛɛ nɔ lɛ kɛɔ?
6. Te atsɔɔ Triniti tsɔɔmɔ lɛ shishijee mli aha tɛŋŋ (a) kɛtsɔ mɛi ni fiɔ sɛɛ lɛ anɔ? (b) kɛtsɔ mɛi ni wieɔ shiɔ lɛ anɔ?
7. Mɛni baa (a) kɛ Triniti lɛ ji anɔkwale? (b) kɛ eji amale?
8. Mɛni abaapɛi mli yɛ nɛkɛ brochure loo wolo bibioo nɛɛ mli?
Baafa 3, yitso: “Te Atsɔɔ Triniti lɛ Mli Aha Tɛŋŋ?”
1. Te Katolek Sɔlemɔ lɛ tsɔɔ Triniti lɛ mli ehaa tɛŋŋ?
2, 3. Te sɔlemɔi krokomɛi pii tsɔɔ tsɔɔmɔ nɛɛ mli amɛhaa tɛŋŋ?
Baafa 4:
1. Te mɛi pii feɔ amɛnii yɛ Triniti lɛ mlitsɔɔmɔ he amɛhaa tɛŋŋ?
2-4. Mɛni woji sɔrɔtoi kɛɔ yɛ Triniti tsɔɔmɔ lɛ he?
5, 6. Mɛni Katolek ensaiklopedia ko kɛɔ yɛ jamɔ he nikaselɔi kɛ amɛtsɔɔlɔi ahe, ni te ooofee tɛŋŋ ole anɔkwale ni nɛkɛ wiemɔi nɛɛ ji?
7. Mɛni Jesuit osɔfo ko kɛɔ yɛ Triniti lɛ he?
8. Mɛɛ wiemɔi ni ja jogbaŋŋ Katolek Nyɔŋmɔjamɔ he nikaselɔ ko wie?
9. Te mɛi komɛi tsɔɔ Triniti lɛ shishijee mli amɛhaa tɛŋŋ?
10. 11. (bf.5) Ni aaakɛɛ akɛ Triniti lɛ jɛ ŋwɛi kpojiemɔ mli lɛ kɛ mɛɛ naagba ni da waa baa?
Baafa 5:
2. (bf.5) Ani esa akɛ gbɔmɛi atsɔmɔ Nyɔŋmɔjamɔ he nilelɔi dani ‘amɛle anɔkwa Nyɔŋmɔ lɛ kɛ e-Bi lɛ?
OTSI 2
Baafa 5, yitso: “Ani Eji Biblia Mli Tsɔɔmɔ yɛ Faŋŋ Mli?”
1. Kɛ Triniti lɛ ji anɔkwale lɛ, mɛni hewɔ esa akɛ atsɔɔ yɛ faŋŋ mli yɛ Biblia lɛ mli?
2. Te klɛŋklɛŋ afii oha lɛ mli heyelilɔi susuɔ Ŋmalɛi lɛ ahe amɛhaa tɛŋŋ?
3, 4. Mɛni bɔfo Paulo kɛ Yesu kɛtsu nii akɛ amɛtsɔɔmɔ lɛ nɔdaamɔ nɔ?
5, 6. (a) Mɛɛ hewalɛ klɛŋklɛŋ afii oha lɛ mli heyelilɔi lɛ wie akɛ Ŋmalɛi lɛ jɛ mli? (b) Mɛni esa akɛ wɔkpa gbɛ yɛ gbɛ ni ja nɔ akɛ wɔɔna yɛ Biblia lɛ mli kɛ Triniti lɛ ji anɔkwale?
7-9. (a) Mɛni Protestant kɛ Katolek woji fɛɛ kpɛlɛɔ nɔ yɛ wiemɔ “Triniti” lɛ he, ni mɛɛ be wiemɔ lɛ pue yɛ sɔlemɔ lɛ Nyɔŋmɔjamɔ he nikasemɔ mli klɛŋklɛŋ? (b) Ani Tertullian ni kɛ Latin wiemɔ kɛha Triniti lɛ tsu nii lɛ tsɔɔ akɛ etsɔɔ nakai tsɔɔmɔ lɛ?
Baale 6:
1, 2. Mɛni ensaiklopediai enyɔ kpɛlɛɔ nɔ yɛ Hebri Ŋmalɛi lɛ kɛ Triniti lɛ he?
3. Mɛni Jesuit osɔfo ko wie yɛ Hebri Ŋmalɛi lɛ amli odaseyeli lɛ he?
4. Mɛni Hebri Ŋmalɛi lɛ diɛŋtsɛ mlipɛimɔ tsɔɔ?
5-7. Mɛni jɛɛhei enyɔ kɛɔ yɛ Triniti lɛ kɛ Kristofoi a-Hela Ŋmalɛi lɛ ahe?
8-10. Mɛɛ saji ni awie abaanyɛ akɛtsu nii ni akɛtsɔɔ akɛ atsɔɔɔ Triniti lɛ yɛ Kristofoi a-Hela Ŋmalɛi lɛ amli?
11, 12. Taakɛ yinɔsaji aŋmalalɔi enyɔ yɔse lɛ, mɛɛ be mli aje shishi atsɔɔ Triniti lɛ yɛ Kristendom?
13. No hewɔ lɛ odaseyeli lɛ kɛ mɛɛ sane-naamuu baa?
14-17. Ani mra be mli Kristofoi lɛ tsɔɔ Triniti lɛ?
Baafa 7:
1. Mɛɛ be kpalaŋŋ sɛɛ pɛ akɛ Triniti tsɔɔmɔ lɛ bama shi?
2-4. Te afii ohai enyɔ lɛ mli jamɔ he tsɔɔlɔi Justyn Martyr kɛ Irenaeus susu Nyɔŋmɔ kɛ Kristo he amɛha tɛŋŋ?
5, 6. Mɛɛ jwɛŋmɔ Clement ni jɛ Alexandria kɛ Tertullian hiɛ?
7, 8. Mɛni Hippolytus kɛ Origen wie yɛ afii ohai etɛ lɛ mli?
9. Te yinɔsane-ŋmalɔ ko mua odaseyeli ni kɔɔ Triniti lɛ he lɛ naa eha tɛŋŋ?
10. Biblia lɛ kɛ yinɔsane mli odaseyeli haa mɛni feɔ faŋŋ?
OTSI 3
Baafa 7, yitso: “Te Fee Tɛŋŋ ni Triniti Tsɔɔmɔ lɛ Ba?”
1, 2. Ani ato Triniti tsɔɔmɔ lɛ ama shi kwraa yɛ Nikae Gwabɔɔ lɛ shishi yɛ afi 325 D.Ŋ.B.?
Baafa 8:
1. Mɛni hewɔ Konstantino tsɛ Nikae Gwabɔɔ lɛ?
2. Mɛni yinɔsane-ŋmalɔ ko kɛɔ yɛ Konstantino tsakemɔ lɛ he?
3. Mɛni Konstantino tsu yɛ Nikae?
4. Ani Konstantino nu Nyɔŋmɔjamɔ he saji ni ajeɔ he ŋwane yɛ Nikae Gwabɔɔ lɛ shishi lɛ ashishi diɛŋtsɛ?
5. Yɛ nɔ ni akpɛ yiŋ yɛ he yɛ Nikae Gwabɔɔ lɛ shishi lɛ hewɔ lɛ, mɛɛ sane abaanyɛ abi?
6, 7. (a) Mɛni ba yɛ Nikae Gwabɔɔ lɛ sɛɛ? (b) Mɛni akpɛlɛ nɔ yɛ Konstantinopol Gwabɔɔ lɛ shishi yɛ afi 381 Ŋ.B.?
8. Mɛni ba yɛ Konstantinopol Gwabɔɔ lɛ sɛɛ, ni mɛɛ be mli pɛ ato Triniti lɛ ama shi afata hemɔkɛyeli jajemɔi ahe?
Baafa 9:
1. Namɔ ji Atanasia, ni mɛni hemɔkɛyeli jajemɔ ni egbɛi ka nɔ lɛ kɛɔ?
2. (a) Ani Atanasio ji mɔ ni ŋma hemɔkɛyeli jajemɔ ni egbɛi ka nɔ lɛ? (b) Be enyiɛ Atanasia Hemɔkɛyeli Jajemɔ lɛ he dani ebafee nɔ ni egbɛ eshwa Europa fɛɛ?
3. Mɛni titri kudɔ yiŋkpɛi lɛ yɛ afii ohai abɔ ni ehe dani Triniti lɛ batsɔ nɔ ni akpɛlɛ nɔ yɛ hei pii lɛ mli?
4. Te Triniti lɛ he yinɔsane kɛ Biblia mli gbalɛ yaa haa tɛŋŋ?
5, 6. Mɛni bɔfo Paulo kɛ Biblia ŋmalalɔi komɛi gba fɔ shi?
7. (a) Namɔ Yesu tsɔɔ akɛ lɛ ehɔ anɔkwa Kristojamɔ ni agbaa afa kɛjɛɔ he nɛɛ sɛɛ? (b) Te ensaiklopedia ko tsɔɔ nɔ ni ba lɛ mli eha tɛŋŋ?
OTSI 4
Baafai 10:
1. Mɛni yɔɔ ni je amɛhe yɛ blema wɔŋjamɔi amli, yɛ Hindu kɛ Buddha jamɔi amli, yɛ mɛi ni yɔɔ Kristendom lɛ ajamɔi amli?
Baafai 11:
1, 2. (a) Mɛni ji apasa jamɔ mli nɔ ko ni ale jogbaŋŋ yɛ blema bei lɛ amli? (b) Taakɛ yinɔsane-ŋmalalɔi tsɔɔ lɛ, te fee tɛŋŋ ni Triniti he susumɔ lɛ bote Kristojamɔ mli?
3, 4. Mɛɛ tsakpaa yɔɔ ni ka Mizraimbii a-wɔŋjamɔ trinitii sɔrɔtoi lɛ kɛ Kristendom Triniti lɛ teŋ?
5. Mɛɛ sane-naamuu jɛɛhei loo woji enyɔ ko baa yɛ Triniti lɛ shishijee he?
6. Mɛni Hastings’ Encyclopaedia of Religion and Ethics lɛ kɛɔ yɛ tsakpaa ni ka wɔŋjalɔi a-trinitii lɛ kɛ Kristendom Triniti lɛ teŋ lɛ he?
7, 8. Te fee tɛŋŋ ni Hela jeŋnilelɔ’ Plato na nibii ni tee nɔ eba Kristendom yɛ sɛɛ mli lɛ nɔ hewalɛ?
9, 10. Yɛ mɛɛ gbɛ nɔ yinɔsaneŋmalalɔi etsɔɔ bɔ ni Plato na Triniti lɛ ni gbɛ eshwa lɛ nɔ hewalɛ?
11, 12. Mɛni ba yɛ Ŋ.B. afi ohai etɛ lɛ naagbee mli?
13. Taakɛ jamɔ he wolo ko tsɔɔ lɛ, mɛni esa akɛ awie yɛ Triniti lɛ ni gbɛ eshwa lɛ he?
Baafa 12:
1. Mɛni baje kpo faŋŋ yɛ Ŋ.B. afii ohai ejwɛ lɛ mli ni kɛ Biblia gbalɛ kpaa gbee?
2. Mɛni tsɔɔ akɛ Triniti tsɔɔmɔ lɛ nyɛŋ afee nɔ ni ba kɛjɛ Nyɔŋmɔ ŋɔɔ?
3, 4. (a) Mɛni hewɔ ejeee sane ni jwɛŋmɔ yɔɔ mli akɛ Kristofoi aaakpɛlɛ Triniti lɛ nɔ lɛ? (b) Mɛɛ sanenaamuu esa akɛ wɔba yɛ Triniti lɛ he?
Baafa 12, yitso: “Mɛni Biblia lɛ Kɛɔ yɛ Nyɔŋmɔ kɛ Yesu He?”
1, 2. Eji gbɔmɛi aaakane Biblia lɛ ni amɛtsɔko hiɛ amɛtoko amɛyiŋ yɛ nɔ ko he kulɛ, te amɛbaamu sane naa amɛha tɛŋŋ yɛ Nyɔŋmɔ kɛ Kristo he?
3, 4. Mɛni sɔlemɔ loo osɔfoi ayinɔsane he nilelɔ ko kɛɔ yɛ Nyɔŋmɔ he jwɛŋmɔ ni ahiɛ lɛ he (a) yɛ Hebri Ŋmalɛi lɛ amli? (b) yɛ Hela Ŋmalɛi lɛ amli?
Baafa 13:
1. Yɛ mɛɛ gbɛ nɔ wiemɔ he mla ni yɔɔ 5 Mose 6:4 lɛ tsɔɔ akɛ Nyɔŋmɔ ji mɔ kome?
2. Mɛni bɔfo Paulo ma nɔ mi yɛ bɔ ni Nyɔŋmɔ ji he?
3. Te awie Nyɔŋmɔ he yɛ Biblia lɛ mli fɛɛ aha tɛŋŋ?
4. Kɛ Triniti lɛ ji anɔkwale lɛ, kulɛ Biblia ŋmalalɔi ni mumɔ tsirɛ amɛ lɛ baaha mɛni afee faŋŋ?
5. Mɛni Biblia ŋmalalɔi lɛ fee lɛ faŋŋ?
OTSI 5
6. (a) Te Yesu tsɛ Nyɔŋmɔ eha tɛŋŋ? (b) Mɛni hewɔ Yehowa pɛ atsɛɔ lɛ Ofe lɛ?
7. Mɛni hewɔ awieɔ Yehowa he yɛ babaoo-feemɔ wiemɔ mli yɛ Hebri Ŋmalɛi lɛ amli lɛ?
8. Eyɛ mli akɛ Hebri wiemɔ kɛha Nyɔŋmɔ lɛ yɛ babaoo-feemɔ wiemɔ mli moŋ, shi te aaafee tɛŋŋ atsɔɔ akɛ ekɔɔ mɔ kome pɛ he?
9. Mɛni hewɔ’elo-him’ shishinumɔ lɛ teɔ shi ewoɔ Triniti lɛ?
10. Mɛni hu Biblia lɛ kɛ wiemɔi “nyɔŋmɔ” loo “nyɔŋmɔi” toɔ he?
Baafa 14:
1. Mɛni hewɔ bɔ ni Biblia lɛ kɛ Hebri wiemɔi kɛha “nyɔŋmɔ” kɛ “nyɔŋmɔi” lɛ tsu nii eha lɛ fiii Triniti lɛ sɛɛ lɛ?
2. Nɛgbɛ Yesu kɛɛ ejɛ kɛba?
3. Mɛni Yesu ji beni ebako shikpɔŋ nɔ akɛ adesa lɛ?
4. Te Biblia lɛ tsɛɔ Yesu tɛŋŋ beni ebatsɔko adesa lɛ, ni te esa akɛ wɔnu nakai wiemɔ lɛ shishi wɔha tɛŋŋ?
5. Namɔ ji “Nilee” ni yɔɔ Biblia mli wolo ni ji Abɛi lɛ mli lɛ, ni te fee tɛŋŋ ni eba?
6. Mɛni Abɛi 8:30 kɛɔ yɛ Yesu he dani ebatsɔ adesa, ni te Kolosebii 1:16 maa nitsumɔ nɛɛ nɔ mi ehaa tɛŋŋ?
7. Te Biblia lɛ wieɔ wekukpaa ni ka Nyɔŋmɔ kɛ Yesu teŋ lɛ he yɛ nibii abɔɔ lɛ mli ehaa tɛŋŋ?
8. Mɛni hewɔ wiemɔ “wɔ” ni yɔɔ 1 Mose 1:26 lɛ etsɔɔɔ Triniti lɛ?
9, 10. Yɛ mɛɛ gbɛ nɔ Yesu kaa lɛ tsɔɔ akɛ ejeee Nyɔŋmɔ?
Baafa 15:
1. 2. Akɛni Yesu yɔɔ hegbɛ akɛ ehalaa nɔ ni esumɔɔ yɛ anɔkwa ni aaaye lɛ mli lɛ tsɔɔ mɛni?
OTSI 6
3, 4. Mɛni esa akɛ kpɔmɔ nɔ lɛ aji dani enyɛ eto Adam esha lɛ najiaŋ?
5. (a) Eji Yesu ji Nyɔŋmɔ-su lɛ fa kulɛ, mɛni no baatsɔɔ aha kpɔmɔ afɔleshaa lɛ? (b) Mɛɛ gbɛ nɔ Yesu gbɛhe yɛ be mli ni eyɔɔ shikpɔŋ nɔ lɛ tsɔɔ akɛ enyɛŋ efee Nyɔŋmɔ?
6. Yɛ mɛɛ gbɛ nɔ Nyɔŋmɔ “Bi koome” ni Yesu ji lɛ teɔ shi ewoɔ Triniti lɛ?
7. Yɛ mɛɛ gbɛ nɔ jamɔi ahe wielɔi komɛi bɔɔ mɔdɛŋ ni amɛtsɔɔ wiemɔ “bi koome” lɛ shishi yɛ gbɛ ni ejaaa nɔ, shi mɛni hewɔ enɛ kɛ sanenaatsɔɔmɔ ni ja kpaaa gbee lɛ?
8. Yɛ Yesu sɛɛ lɛ namɔ Biblia lɛ kɛ wiemɔ “bi kome” toɔ ehe, ni yɛ mɛɛ shishinumɔ naa?
Baafa 16:
1, 2. Mɛni ji Hela wiemɔ kɛha “bi koome,” ni mɛni etsɔɔ?
3. Kɛ Biblia lɛ wie Nyɔŋmɔ he akɛ Yesu Tsɛ lɛ, mɛni enɛ tsɔɔ?
4. Mɛni hewɔ “bi koome” lɛ ni Biblia lɛ kɛto Yesu he lɛ tsɔɔ nɔ ko diɛŋtsɛ lɛ?
5. Mɛni daimonioi lɛ kɛ Roma asraafoi lɛ po le yɛ Yesu he?
6. Mɛni hewɔ Yesu nyɛŋ afee Nyɔŋmɔ lɛ?
7. Mɛni hewɔ “teŋdamɔlɔ” ni Yesu ji lɛ tsɔɔ akɛ ejeee Nyɔŋmɔ lɛ?
8. Mɛni ji Biblia tsɔɔmɔ ni mli ka shi faŋŋ ni kɔɔ Nyɔŋmɔ kɛ Yesu he?
OTSI 7
Baafa 16, yitso: “Ani Nyɔŋmɔ Kwɔ Fe Yesu yɛ Be Fɛɛ Mli?”
1, 2. Mɛni Yesu tsɔɔ yɛ faŋŋ mli yɛ wekukpaa ni ka ekɛ Nyɔŋmɔ teŋ lɛ he?
Baafa 17:
1. Mɛni Yesu wie yɛ lɛ diɛŋtsɛ ehe ni tsɔɔ akɛ esoro lɛ yɛ Nyɔŋmɔ he?
2. Yɛ mɛɛ gbɛ nɔ bɔfo Paulo tsɔɔ yɛ akɛ esoro Nyɔŋmɔ kwraa yɛ Yesu he?
3. Akɛni Mose Mla lɛ biɔ odasefoi enyɔ koni amɛye sane ko he odase hewɔ lɛ, mɛni enɛ tsɔɔ yɛ Yesu kɛ Nyɔŋmɔ he yɛ amɛ odase ni amɛaaye lɛ he?
4. Yɛ mɛɛ gbɛ nɔ Yesu tsɔɔ yɛ Marko 10:18 akɛ ejeee Nyɔŋmɔ-su lɛ fa?
5. Mɛɛ Yesu wiemɔi tsɔɔ bɔ ni Nyɔŋmɔ nɔ kwɔ fe lɛ lɛ?
6. Mɛɛ nɔkwɛmɔ nɔ ko ni Yesu kɛha jieɔ bɔ ni ebaa ehe shi ehaa Nyɔŋmɔ lɛ kpo?
Baafa 18:
1. Te Yesu sɛɛnyiɛlɔi lɛ buɔ lɛ amɛhaa tɛŋŋ?
2. Yɛ mɛɛ gbɛ nɔ Yesu baptisimɔ lɛ tsɔɔ akɛ ejeee Nyɔŋmɔ?
3. Yehowa ni fɔ Yesu mu lɛ tsɔɔ mɛni?
4. Te Yesu tsɔɔ bɔ ni e-Tsɛ lɛ nɔ kwɔ ha lɛ yɛ be mli ni ewieɔ etsɔɔ ekaselɔi enyɔ lɛ anyɛ eha tɛŋŋ?
5. Yesu sɔlemɔi lɛ tsɔɔ mɛni?
6. Te Yesu bolɔmɔ yɛ be mli ni ebɛŋkɛ gbele lɛ jieɔ bɔ ni Nyɔŋmɔ nɔ kwɔ ha lɛ kpo ehaa tɛŋŋ?
7. Yɛ mɛɛ gbɛ nɔ Yesu gbele kɛ eshitee lɛ tsɔɔ akɛ enyɛŋ efee Nyɔŋmɔ?
8. Mɛni hewɔ Yesu nyɛmɔ ni ekɛfeɔ naakpɛɛ nii lɛ etsɔɔɔ akɛ Nyɔŋmɔ ni lɛ?
OTSI 8
Baafa 19:
1. Mɛni hewɔ Yesu leee be mli ni nibii agbɛjianɔtoo nɛɛ baaba naagbee lɛ?
2. Mɛɛ gbɛ nɔ Hebribii 5:8 tsɔɔ yɛ akɛ Yesu nyɛŋ afee Nyɔŋmɔ?
3. Mɛɛ gbɛ nɔ Kpojiemɔ 1:1 tsɔɔ yɛ akɛ Yesu nyɛŋ afee Nyɔŋmɔ?
4, 5. Yesu ni awo enɔ yɛ eshitee lɛ sɛɛ lɛ kɛɔ wɔ mɛni?
6-8. Yɛ mɛɛ gbɛi anɔ saji ni nyiɛ sɛɛ ni kɔɔ Yesu ni atee lɛ shi lɛ he nɛɛ teɔ shi ewoɔ Triniti lɛ? (a) Hebribii 9:24; (b) Bɔfoi lɛ Asaji 7:55; (d) Kpojiemɔ 4:8 kɛyashi 5:7.
9, 10. Mɛni Rylands Bulletin lɛ wieɔ yɛ Yesu ni atee lɛ shi lɛ he?
11. Yesu baaya nɔ afee mɔ ni hɔ Nyɔŋmɔ shishi kɛyashi mɛɛ be?
Baafa 20:
1. Te 1 Korintobii 11:3 tsɔɔ bɔ ni Nyɔŋmɔ nɔ kwɔ fe Yesu ehaa tɛŋŋ?
2-4. Nibii amlipɛimɔ ni afee nyɛsɛɛ nɛɛ eha woloŋlelɔi pii emu sane naa yɛ mɛɛ gbɛ nɔ?
OTSI 9
Baafa 20, yitso: “Mumɔ Krɔŋkrɔŋ lɛ—Nyɔŋmɔ Nifeemɔ Hewalɛ”
1. Triniti tsɔɔmɔ lɛ kɛɔ akɛ mumɔ krɔŋkrɔŋ lɛ ji mɛni?
2. Mɛɛ Hebri wiemɔ kɛ mɛɛ Hela wiemɔ akɛfɔɔ nitsumɔ ahaa “mumɔ” yɛ Biblia lɛ mli?
3, 4. Taakɛ ayɔse yɛ 1 Mose 1:2 lɛ, mɛni Biblia lɛ kɛɔ akɛ mumɔ krɔŋkrɔŋ lɛ ji?
5. Okɛ nɔkwɛmɔ nii ni tsɔɔ bɔ ni Nyɔŋmɔ mumɔ lɛ haa etsuji leɔ nii lɛ he nɔkwɛmɔ nɔ aha.
6. Mumɔ krɔŋkrɔŋ lɛ na Biblia ŋmalalɔi anɔ hewalɛ yɛ mɛɛ gbɛ nɔ?
7. Mɛɛ nɔkwɛmɔ nɔ tsɔɔ akɛ mumɔ krɔŋkrɔŋ lɛ ji hewalɛ ko?
Baafa 21:
1. Nyɔŋmɔ kɛ emumɔ lɛ tsuɔ nii yɛ mɛɛ gbɛi anɔ?
2. Nyɔŋmɔ mumɔ lɛ baanyɛ ekɛ mɛni aha etsuji?
8. Samson hewalɛ lɛ ba kɛjɛ nɛgbɛ, ni ani gbɔmɔ ko ji nakai hewalɛ lɛ?
4. Mumɔ krɔŋkrɔŋ lɛ ba Yesu nɔ yɛ mɛɛ su mli, ni eha enyɛ efee mɛni?
5, 6. Mumɔ krɔŋkrɔŋ lɛ ba kaselɔi lɛ anɔ yɛ mɛɛ su mli, ni enyɛ eha amɛfee mɛni?
7. Mɛni jamɔ he nilelɔ ko kɛɛ, yɛ bɔ ni Biblia lɛ fɔɔ mumɔ krɔŋkrɔŋ lɛ mlitsɔɔmɔ tamɔ gbɔmɔ lɛ hewɔ?
8. Te Ŋmalɛi lɛ wieɔ nibii komɛi ni jeee gbɔmɛi lɛ ahe tamɔ gbɔmɛi ehaa tɛŋŋ?
Baafa 22:
1. Te 1 Yohane 5:6-8 tsɔɔ yɛ akɛ mumɔ krɔŋkrɔŋ lɛ jeee gbɔmɔ ehaa tɛŋŋ?
2. Mɛɛ Biblia mli wiemɔi ni afɔɔ numɔ tsɔɔ akɛ mumɔ krɔŋkrɔŋ lɛ jeee gbɔmɔ?
3. Te wɔɔfee tɛŋŋ wɔtsɔɔ nɔ ni Biblia lɛ kɛɔ akɛ mumɔ krɔŋkrɔŋ lɛ wieɔ lɛ mli wɔha tɛŋŋ?
4. Mɛni Mateo 28:19 tsɔɔ beni ekɛɔ akɛ “kɛ mumɔ krɔŋkrɔŋ lɛ gbɛi amli” lɛ?
OTSI 10
5. (a) Beni Yesu kɛ Hela wiemɔ “hefatalɔ” loo yelikɛbualɔ lɛ tsu nii lɛ, mɛni hewɔ ekɛ najiaŋ gbɛi ni akɛwieɔ nuu he tsu nii lɛ? (b) Mɛɛ najiaŋ gbɛi akɛtsu nii yɛ Hela wiemɔ kɛha “mumɔ” ni damɔɔɔ shi haaa nuu loo yoo lɛ mli?
6. Yɛ mɛɛ gbɛ nɔ Katolek Biblia ko kpɛlɛɔ nɔ akɛ najiaŋ gbɛi kɛha nuu ni ekɛto wiemɔ “mumɔ” lɛ he lɛ ejaaa?
7. Mɛni hewɔ Hela ŋmalɛ lɛ kɛ nuu najiaŋ gbɛi to wiemɔ “hefatalɔ” loo yelikɛbualɔ lɛ he lɛ?
8-10. Mɛni Katolek jɛɛhei enyɔ kpɛlɛɔ nɔ yɛ mumɔ krɔŋkrɔŋ lɛ he?
11, 12. Te Katolek woji enyɔ fiɔ Biblia lɛ jwɛŋmɔ yɛ mumɔ krɔŋkrɔŋ lɛ he lɛ sɛɛ ehaa tɛŋŋ?
Baafa 23:
1. Mɛɛ be mli Kristendom jaje akɛ mumɔ krɔŋkrɔŋ lɛ ji gbɔmɔ?
2. Mɛni ji Nyɔŋmɔ mumɔ krɔŋkrɔŋ lɛ, ni mɛni ejeee?
Baafa 23, yitso: “Shi ‘Ŋmalɛi ni Akɛmaa’ Triniti ‘Nɔ Mi’ lɛ Hu?”
1, 2. Mɛni esa akɛ aha ahi jwɛŋmɔ mli yɛ Biblia mli ŋmalɛ ko ni akɛhaa akɛ no hɔ Triniti lɛ sɛɛ lɛ he?
3. Mɛɛ ‘ŋmalɛi etɛ ni akɛmaa nɔ mi’ Katolek ensaiklopedia ko kɛhaa?
4. Mɛni ŋmalɛi ni akɛhaa akɛ no maa Triniti lɛ nɔ mi lɛ kɛɔ?
5-7. Mɛni nɛkɛ ŋmalɛi ni akɛhaa akɛ no maa Triniti lɛ nɔ mi lɛ yeɔ he odase diɛŋtsɛ, taakɛ McClintock kɛ Strong Cyclopedia lɛ kpɛlɛɔ nɔ lɛ?
8. Eyɛ mli akɛ atsi Nyɔŋmɔ, Yesu, kɛ mumɔ krɔŋkrɔŋ lɛ ta yɛ Mateo 3:16 moŋ, shi mɛni hewɔ enɛ fiii Triniti lɛ sɛɛ lɛ?
Baafai 24:
1. Mɛni hewɔ wɔbaanyɛ wɔjie ŋmalɛ ni yɔɔ 1 Yohane 5:7 ni anaa yɛ blema Bibliai komɛi amli lɛ kɛjɛ wɔjwɛŋmɔ mli lɛ?
2. Mɛni hewɔ “ŋmalɛi krokomɛi ni akɛmaa nɔ mi” lɛ fiii Triniti lɛ sɛɛ lɛ?
OTSI 11
3. Te Yesu diɛŋtsɛ tsɔɔ nɔ ni ekɛɛ akɛ: “Mi kɛ Tsɛ lɛ fɛɛ lɛ ekomeŋ” lɛ shishi eha tɛŋŋ?
4. Yɛ mɛɛ gbɛ nɔ Hela wiemɔ kɛha “ekomeŋ” ni Paulo kɛtsu nii lɛ tsɔɔ akɛ wiemɔ nɛɛ nɔŋŋ ni yɔɔ Yohane 10:30 lɛ tsɔɔ ekomefeemɔ yɛ susumɔ kɛ yiŋtoo mli?
5. Mɛni John Calvin wie yɛ afii ohai 16 lɛ mli yɛ Yohane 10:30 ni akɛtsuɔ nii akɛfiɔ Triniti sɛɛ lɛ he?
6. Mɛɛ gbɛ nɔ Yesu tsɔɔ yɛ Yohane yitso 10 akɛ ejeee Nyɔŋmɔ?
7-9. Mɛɛ naafolɔmɔ Yudafoi lɛ kɛshi Yesu yɛ Yohane 5:18, ni te ejie enaa eha tɛŋŋ?
Baafa 25:
1. Te Douay Version lɛ kɛ King James Version tsɔɔ Filipibii 2:6 shishi amɛha tɛŋŋ, ni kɛ mɛɛ yiŋtoo?
2-7. Te Biblia shishitsɔɔmɔi sɔrɔtoi tsɔɔ Filipibii 2:6 shishi ni tsɔɔ shishinumɔ ni yɔɔ sɔrɔto yɛ nɔ ni Douay Version lɛ kɛ King James Version lɛ taoɔ amɛtsɔɔ lɛ he amɛhaa tɛŋŋ?
8, 9. (a) Mɛni akɛɔ yɛ Filipibii 2:6 shishitsɔɔmɔ ni ja jogbaŋŋ lɛ he? (b) Mɛni hewɔ Hela ni akɛtsu nii yɛ Filipibii 2:6 lɛ eŋmɛɛɛ gbɛ ni ana jwɛŋmɔ ko akɛ Yesu kɛ Nyɔŋmɔ yeɔ egbɔ lɛ?
10. Shishitsɔɔmɔi ni tsɔɔ Filipibii 2:6 shishi akɛ Yesu susuuu akɛ ejaaa akɛ ekɛ Nyɔŋmɔ aaaye egbɔ ɛ miifee mɛni, shi mɛni Hela lɛ kanemɔ kɛ jwɛŋmɔ ni ja jieɔ lɛ kpo diɛŋtsɛ?
11. Yɛ mɛɛ gbɛ nɔ kukuji ni tsɔ Filipibii 2:6 hiɛ lɛ tsɔɔ akɛ Yesu sumɔɔɔ ni ekɛ Nyɔŋmɔ yeɔ egbɔ?
Baafa 26:
1. Mɛni Filipibii 2:3-8 wieɔ he diɛŋtsɛ lɛ?
OTSI 12
2. Yɛ mɛɛ gbɛ nɔ mɛi ni fiɔ Triniti tsɔɔmɔ lɛ sɛɛ lɛ bɔɔ mɔdɛŋ ni amɛkɛ Yohane 8:58 atsu nii ni amɛkɛfi Triniti lɛ sɛɛ?
3. Te 2 Mose 3:14 (KJ) kɛ wiemɔ kuku “MI-JI” tsuɔ nii ehaa tɛŋŋ, ni mɛni ji eshishi?
4. Yesu kɛ wiemɔ “Miyɛ” loo ‘Miji’ miitsu nii yɛ Yohane 8:58 (JB) yɛ mɛɛ gbɛ nɔ?
5-9. Te Bibliai sɔrɔtoi tsɔɔ Yohane 8:58 shishi amɛhaa tɛŋŋ?
10. Mɛni ji jwɛŋmɔ diɛŋtsɛ ni yɔɔ Hela wiemɔ ni yɔɔ Yohane 8:58 lɛ sɛɛ?
11. Yɛ mɛɛ gbɛ nɔ kukuji ni tsɔ Yohane 8:58 lɛ hiɛ lɛ tsɔɔ nɔ ni Yesu tsɔɔ lɛ diɛŋtsɛ?
12. Te King James Version (Ga Biblia) lɛ kaneɔ yɛ Yohane 1:1 ehaa tɛŋŋ?
Baafa 27:
1. Yɛ mɛɛ gbɛ nɔ King James Version lɛ po tsɔɔ akɛ “Wiemɔ lɛ” nyɛŋ afee Nyɔŋmɔ Ofe lɛ diɛŋtsɛ, taakɛ Katolek niŋmalɔ ko kadi lɛ?
2-11. Te Bibliai sɔrɔtoi tsɔɔ Yohane 1:1 naagbee fa lɛ shishi amɛhaa tɛŋŋ?
12. Mɛni wiemɔ ni tsɔɔ nɔ pɔtɛɛ ni akɛtsu nii yɛ Hela mli lɛ tsɔɔ yɛ klɛŋklɛŋ the.os’ ni yɔɔ Yohane 1:1 lɛ mli?
13. Akɛni wiemɔ ni tsɔɔ nɔ pɔtɛɛ bɛ the.os’ ni ji enyɔ ni akɛtsu nii yɛ Yohane 1:1 lɛ naagbee fa lɛ mli hewɔ lɛ, mɛni nakai sane lɛ shishitsɔɔmɔ ŋmiiŋmi baafee?
14. (a) Mɛni hewɔ Hela ni mɛi foji lɛ wieɔ lɛ bɛ wiemɔ ni etsɔɔɔ nɔ pɔtɛɛ yɛ the.os’ ni ji enyɔ lɛ hiɛ lɛ? (b) Kɛ gbɛi mlitsɔɔmɔ ko enyiɛɛɛ wiemɔ ni tsɔɔ nɔ pɔtɛɛ hiɛ lɛ, belɛ mɛɛ be ebaanyɛ efee nɔ ni etsɔɔɔ nɔ pɔtɛɛ?
15. Mɛni Journal of Biblical Literature lɛ kɛɔ yɛ Yohane 1:1 naagbee fa lɛ he?
16. Mɛni Yohane 1:1 maa nɔ mi yɛ Yesu ni hi shi dani ebatsɔ adesa lɛ he?
17. Mɛni hewɔ yɛ bei komɛi amli lɛ mɛi ni tsɔɔ Hela Ŋmalɛ lɛ shishi lɛ kɛ wiemɔ ni etsɔɔɔ nɔ pɔtɛɛ “ko” woɔ mli lɛ?
18. Mɛni woloŋlelɔi enyɔ ko wie yɛ Yohane 1:1 he?
OTSI 13
Baafa 28:
1, 2. Ani the-os’ ni ji enyɔ ni yɔɔ Yohane 1:1 lɛ ni atsɔɔ shishi akɛ “nyɔŋmɔ ko” lɛ kuɔ Hela wiemɔ he mla ko mli?
3, 4. Ani Yohane 1:1 naagbee fa lɛ mli wiemɔ lɛ biɔ ni ana wiemɔ ni etsɔɔɔ nɔ ko pɔtɛɛ yɛ wiemɔ the-os’ lɛ sɛɛ?
5. 6. Mɛni hewɔ Yesu ni atsɛɔ lɛ “nyɔŋmɔ ko” lɛ eteee shi ewooo anɔkwale ni eji akɛ Nyɔŋmɔ kome pɛ yɔɔ lɛ?
7. Mɛɛ gbɛ nɔ gbɛi “Nyɔŋmɔ Hewalɔ” ni akɛtsɛ Yesu yɛ Yesaia 9:5 lɛ tsɔɔ yɛ akɛ ejeee Yehowa Nyɔŋmɔ?
8. Mɛni Rylands Bulletin lɛ wie yɛ Nyɔŋmɔ kɛ Yesu he?
Baafa 29:
1. Mɛni ekolɛ Toma tsɔɔ beni ekɛɛ. “Mi-Nuŋtsɔ kɛ mi-Nyɔŋmɔ,” taakɛ anaa yɛ Yohane 20:28 lɛ?
2. Yɛ mɛɛ gbɛ nɔ Yohane 20:28 mli wiemɔi lɛ yeɔ ebuaa wɔ ni wɔnuɔ shishi akɛ Toma etsɔɔɔ akɛ Yesu ji Nyɔŋmɔ Ofe lɛ?
3. Yɛ mɛɛ gbɛ nɔ Yohane 20:31 yeɔ ebuaa wɔ ni ehaa Yohane 20:28 shishinumɔ feɔ faŋŋ?
4. Mɛni abaanyɛ awie yɛ ŋmalɛ fɛɛ ŋmalɛ ni akɛaaha akɛ ehɔ Triniti lɛ sɛɛ lɛ he?
5. Ani ŋmalɛ kome po yɛ ni tsɔɔ Triniti yɛ faŋŋ mli?
OTSI 14 Baafa 30, yitso: “Ja Nyɔŋmɔ yɛ E-Gbɛ̀i ni Etsɔɔ lɛ Anɔ”
1. Mɛɛ nilee nɛkɛ he hiaa kɛha naanɔ wala?
2. (a) Tsɔɔmɔ anɔkwale ni kɔɔ Nyɔŋmɔ he lɛ jɛɛhe. (b) Anɔkwale lɛ ni wɔɔle lɛ baaye abua wɔ ni wɔkatamɔ namɛi?
3. Kɛ wɔmiitao Nyɔŋmɔ nɔkpɛlɛmɔ lɛ, mɛni ehe hiaa ni wɔbi wɔ diɛŋtsɛ wɔhe?
4. Triniti tsɔɔmɔ lɛ gbeɔ Nyɔŋmɔ he guɔ yɛ mɛɛ gbɛ nɔ?
5. Mɛni ejɛ Triniti tsɔɔmɔ lɛ mli eba?
6. Kɛ gbɔmɛi ehiɛɛɛ Nyɔŋmɔ “yɛ anɔkwa nilee mli” lɛ, mɛɛ nifeemɔi nyiɛɔ sɛɛ baa?
7. Mɛi ni heɔ Triniti tsɔɔmɔ lɛ amɛyeɔ lɛ egbe Nyɔŋmɔ he guɔ yɛ mɛɛ gbɛi anɔ?
8. Nyɔŋmɔ Wiemɔ lɛ haa ayɔseɔ mɛi ni yɔɔ anɔkwale lɛ kɛ mɛi ni bɛ enɛ lɛ yɛ mɛɛ gbɛ nɔ?
9. Mɛni Danish Nyɔŋmɔjamɔ he nilelɔ ko wie yɛ Kristendom he?
10. Te Abaanyɛ atsɔɔ Kristendom mumɔŋ shihilɛ lɛ mli aha tɛŋŋ?
Baafa 31:
1. Yɛ mɛɛ gbɛ nɔ etsɛŋ ni abaakojo Kristendom, ni mɛni hewɔ?
2. Mɛni hewɔ esa akɛ wɔkpoo Triniti lɛ?
3. Triniti tsɔɔmɔ lɛ yeɔ ebuaa namɛi?
4. Mɛni hewɔ Nyɔŋmɔ he anɔkwa nilee kɛ heyeli babaoo baa lɛ?
5. Mɛɛ yiŋtoo ni he hiaa ni wɔyɔɔ hewɔ ni wɔwoɔ Nyɔŋmɔ hiɛ nyam lɛ?