FÈ AN LÉTID BIBLIK
LISON 10
Fè tousa ou pé pou fè disip
Prensip : « Nou té bien désidé di zòt bon nouvèl Bondié, é plis ankò jis lavi-nou nou té paré pou ba zòt, balan nou té enmen zòt » (1 Tés. 2:8).
Ki manniè Jézi té ka fè ?
1. Gadé VIDÉWO-a ouben li Jan 3:1, 2. Apré, katjilé anlè sé kèsion-tala :
Poutji Nikodèm atann lannuit fèt pou alé wè Jézi ? (gadé Jan 12:42, 43).
Ki manniè listwa-tala ka montré Jézi té ka fè tousa i té pé pou fè disip ?
Kisa lègzanp Jézi ka aprann nou ?
2. Nou ka montré nou enmen sé moun-lan lè nou ka fè tousa nou pé pou yo vini disip Jézi.
Pou fè kon Jézi...
3. Fè létid-la lè-a épi koté-a étidian-an chwézi. Éséyé ranjé kòw pou fè létid-la, jou-a épi lè-a i préféré. Ès i té kèy pli alèz pou fè létid-la bò kay-li, an travay-li, oben an lòt koté ?
4. Ba’y labitid fè létid-la. Olié ou anilé létid-la lè’w pa disponib, chèché an lòt solision :
Ès zòt pé pa fè létid-la an lòt jou adan simenn-lan ?
Ès zòt pé fè létid-la pa téléfòn oben pa vidéwo ?
Ès an lòt pwoklamatè pé fè’y alaplas-ou ?
5. Prédié pou gadé an bon léta lèspri. Menmsi étidian’w lan pa ka rivé fè létid-la souvan, oben i pa ka rivé aplitjé sa i ka aprann, mandé Jéova ba’w lafòs kontinié fè éfò pou endé’y. Épi, mandé Jéova osi, endé’w mété lèspri’w asou kalité étidian-an ni (Fil. 2:13).