PRAN MINISTÈ-LA OSÉRYÉ | FÈ ANSÒT POU OU NI PLIS JWA LÈ OU KA PRÉCHÉ
Lésé Jéova édé-w grasa frè é sè a-w
Jéova ban-nou frè é sè an nou pou soutyenn-nou (1P 5:9). Yo pé édé-nou rivé about a difikilté nou ka jwenn an prédikasyon. Pa ègzanp, dé krétyen kon Akilas, Prisil, Silas é Timoté soutyenn lapòt Pòl (Akt 18:1-5).
Kijan sé pwoklamatè-la pé édé-w adan prédikasyon-la ? Lè yo ka ba-w konsèy asi jan pou janmbé on pawòl, pou viré vwè on moun, oben pou pwopozé é kondui on étid biblik. Adan lasanblé a-w, gadé ki pwoklamatè ki té’é pé édé-w é mandé-y èd a-y. Asirésèten, zò toulédé ké ni byenfé, é zò toulédé ké ni plis jwa (Flp 1:25).
GADÉ VIDÉO-LA FÈ DISIP PÉ BA-W JWA... LÉSÉ JÉOVA ÉDÉ-W : FRÈ É SÈ AN NOU, APRÉSA RÉPONN A SÉ KÈSYON-LASA :
Ka Neeta fè pou i ankourajé Jade vin réinyon ?
Poukwa sé on bon biten kè nou envité sé pwoklamatè-la lè nou ka kondui étid biblik ?
Sé tout lasanblé-la ki ka fè on disip.
Ka Jade é Abigaïl té enmé toulédé ?
Ka sé pwoklamatè-la pé aprann-vou fè ?