LÉSON 17

Palé di roun fason ki fasil pou konprann

1 Corinthiens 14:9

SA TO DIVÈT FÈ : Idé moun-yan byen konprann sa to lé di.

Byen étidyé lidé-ya. A pou to byen konprann tèm-an, pou to pouvé èspliké l’ roun fason ki senp, kou to gen labitid palé.
Sèrvi fraz kourt ki senp. To pouvé sèrvi fraz ki long, mé miyò to palé di lidé enpòrtan-yan ké fraz ki kourt.

Pa bay détay initil ki pouvé jennen, ouben plen tèt moun-yan ké tròp enfòrmasyon. Miyò to palé roun fason ki senp pasé to di bagaj ki rèd pou konprann.
Èspliké palò moun-yan pa djè konnèt. Pa sèrvi tròp palò moun-yan pa konnèt. Lò to ka bay non, ouben palò moun-yan pa konnèt, kou lò to ka palé di moun annan Labib-a, tradisyon, ké fason yé té ka méziré tan-lontan, a pou to èspliké sa.