A bane Kristian n ira te kabobirimwaaka ibukin te maiu n aki toki. Ma ti bane n tatanako ibukin rikiara ae te bure. E na buokira te kaongora aei n atai bwaai n tutuki aika nimaua ao ni kabwarabwaraa aroia n tukira bwa ti na aki tokanikai.

▪ Iai Iroum ‘te Nano n Ataa’ Iehova?

E bati ae kona n taekinaki n te boki ae Ieremia ni kaineti ma te nano. E na buokira te kaongora aei n ataa nanon te ‘aki korotobibiaki n te nano’ ao e na kanga anne n riki bwa te bwai ae karuanikai ibukia Kristian. E taekinaki naba iai arora ni kona ni karekea ‘te nano n ataa’ Iehova?—Ieremia 9:26; 24:7, BG.

▪ Tera Arom Ngkai Imwin ‘Ataakin te Atua’?

Baikara mwaneka ake a irekereke ma kan ataakin te Atua ao ko na kanga n ataaki irouna? E na kanga n teimatoa n te onimaki te Kristian imwin rikirakena nikawai n te onimaki ao bukin tera? E na buokira te kaongora aio ni kaekai titiraki aikai.

▪ Boni Nnera ni Maeka Iehova

Ti maeka n te aonnaba ae a riribaaki iai aika tangira te Atua ma e ngae n anne, ti bon riai n aki maaku. E kaotaraeaki n te kaongora aei ara tabo ni maeka ae Iehova ae Atuara are ti rangi ni kamanoaki iai.

▪ Neboa Aran Iehova ae Kakannato

Tera ae nanonaki n atongakira bwa temanna ae e ingoanaki n aran te Atua? Tera ae nanonaki n te nakonako n te ara anne? Ao tera aron iangoaia aomata iroun te Atua ake a aki karinea arana? A na reke kaekaaia n te kaongora aei.

KANOAN NABA TE MAEKATIN AEI

18 Kam na Kabebeteaki ao Kabebeteia Aomata Nako

29 E Koaua Bwa E Boni Koreia Josephus?

30 Tai Kabwaraa Nanom!

TINANIKUN TE MAEKATIN: Bon te aba ae abwabwaki Finland ma mwakorokoron abana aika bati aika uarereke. Iai naba neina aika nga ma nga, ai moarara riki i nukan ao i mainikun Finland. A kabonganai booti taan uarongorongo tabeman ake a nako ni mwakuri ibukin tabeua te tai n taabo ake e korakora iai kainnanoaia taan uarongorongo

FINLAND

MWAITIIA ANA BOTANNAOMATA:

5,375,276

TE KATAUTAU:

Temanna te tia Uarongorongo ibukia 283

REGULAR BWAIANIIA:

1,824