Te Botaki ae Ko Riai n Iria

N te tairiki are imwain ae e anga iai maiuna Iesu, e bon tua nakoia taan rimwina ake a kakaonimaki bwa a na ururinga ke ni kakauringa ana angakarea. Ni kamanenaan te kariki ae akea te iiti iai ao te wain ae uraura i mataia, e a moani karaoa iai te botaki ae aranaki bwa te Kabanea ni Katairiki ke Ana Katairiki te Uea ao e tua ae kangai: “Kakaraoa aei bwa kanuringau.”—Ruka 22:19.

A botaki ni katoa ririki Ana Tia Kakoaua Iehova ni katobibia te aonnaba ibukini kanuringani maten Iesu n taina ae kakaraoaki iai. N 2014, e bwakara te Moanibong n Eberi 14 imwini bungintaai.

Ko kaoaki bwa ko na ira te botaki aei bwa a na kabwarabwaraaki iai rongorongo riki tabeua ni kaineti ma kakawakini kareanakini maiun Iesu. Akea te kanrin iai. Akea naba te karemwangko. E kona te aomata are e anganiko te maekatin aei n tuangko te tai ao te tabo are e na karaoaki iai te Kauring n am aono, ke ko kona ni kakaaea bwaninin rongorongona n ara tabo ae kakawaraki n te Internet n te atureti ae jw.org. Taiaoka ma korea tain te kauring aei ao ara kantaninga bwa ko na bon roko.