Ko Uringnga?
Ko a tia ni wareki raoi kaongora man Te Taua-n-Tantani n taai aika tibwa nako? Noria ngkana ko kona ni kaekai titiraki aikai:
N ningai are e ‘tataekina iai te rongorongo Iesu nakoia ake a karabuutinaki’? (1 Betero 3:19)
E taraa n ae tabeua te tai imwini kautan Iesu, ao e katanoataa nakoia anera aika bubuaka katuuaaeaia ae riai n roko i aoia.—6/15, iteraniba 23.
Baikara kangaanga aika tenua ni kaineti ma kanakoraoan te utu ae te kauaei?
Bon aikai: kawakinan am mare ae ngkai bwa e na aki kamangoraki n am moani mare; reitakim ma raoraom rimoa aika a aki kinaa buum ae ngkai; onimakinani buum ae ngkai ibukina bwa e aki kakaonimaki am moannei.—7/1, iteraniba 9-10.
N ningai are e na motika iai taekaia tiibu ma kooti Iesu? (Mataio 25:32)
Ngkana e roko Iesu ni motiki taekaia aomata n tain te rawawata ae korakora imwini kamaunaaia Aaro aika kewe.—7/15, iteraniba 6.
N ningai are a na tang ao n tenai bukini mwangaia aomata ake a kakaraoa ae buakaka aika taekinaki n te kaikonaki ibukin te uita ma te titania? (Mataio 13:36, 41, 42)
E na riki anne n tain te rawawata ae korakora imwin ataakin ae a aki kona ni birinako mani kamaunaakia.—7/15, iteraniba 13.
N ningai are a na kakororaoaki iai ana taeka Iesu ibukin te toro ae kakaonimaki mani wanawana? (Mataio 24:45-47)
A a moanna ni kakororaoaki tiaki ni Bentekota 33 C.E. ma imwin 1914. N 1919, e a rineaki te toro i aoia tabonibai are e irekereke naba iai kaamwarakeaia Kristian ni kabane ni bwaai n taamnei.—7/15, iteraniba 21-23.
N ningai are e rinea iai te toro ae kakaonimaki Iesu bwa e na tararuai ana bwai ni kabane?
E na reke te mwioko aei iroun te toro ae kakaonimaki n tain te rawawata ae korakora ngkana a a karekea kaniwangaia are te maiu i karawa.—7/15, iteraniba 25.
E koaua bwa a aki kaotaki araia tabeman ake a koreaki rongorongoia n te Baibara ibukina bwa a buakaka ke a aki rangi ni kakawaki?
Ti aki riai n iangoa anne. A aki kaotaki araia tabeman aika raoiroi ma aika buakaka naba n te Baibara. (Ruta 4:1-3; Mataio 26:18) A boni kaotaki araia tii uoman anera aika kakaonimaki.—8/1, iteraniba 10.
Irarikin te mwaaka mairoun te Atua, tera ae buokiia taani Kakoaua ake 230 mwaitiia bwa a na kamaiuaki man te mwaati ae abwabwaki man te auti ni kaikain ae te Sachsenhausen?
E ngae ngke a a mamaara ibukin te baki ao te aoraki, ma a teimatoa ni kaungaia i marenaia bwa a na waakinaanako mwanangaia.—8/15, iteraniba 18.
E aera ngkai a kaungaaki nanora n rongorongoia tibun Iteraera ngke a rinanon te Karaanga ae te Ioretan nakon te Aba ni Berita?
E ngae ngke e taonako ranin te karaanga, ma e kaoraa Iehova bwa a aonga ni kona n rinanona ana aomata. A boni kakorakoraaki aia onimaki ma n onimakinna, ao ti kona naba ni kaungaaki man te rongorongo anne.—9/15, iteraniba 16.
Tera ae katereaki mani kaokiokan taekinani karan te bwai teuana n te Baibara?
E kaotiotaki wanawanan te Atua ni kaineti ma aia namakin aomata ni kamanenaani karan te bwai teuana n te Baibara ao e kona ni buokira n uringi iai bwaai.—10/1, iteraniba 14-15.
Tera aroni kakororaoan te taetae ni burabeti ae ni Mika 5:5 ni kaineti ma taani kawakintiibu ma tooka ni boong aikai?
Ti ataia bwa ‘itiman taani kawakintiibu ma waniman tooka’ aika taekinaki ni Mika 5:5 (BG), are e nanonaki iai unimwaane aika rineaki n te ekaretia aika a kakorakoraia ana aomata te Atua imwaini buakanakia n taai aika a na roko n aron are e a kaman taekinaki.—11/15, iteraniba 20.
Baikara bukina tabeua ngkai ti kainnanoa te Atua?
Ti kainnanoa te kaetieti ae raoiroi ao kanakoraoan ara kangaanga ni maiura man ana ibuobuoki te Atua. E karababaa nako ana ibuobuoki ibukira bwa e aonga n nakoraoi maiura ao ni kakukurei, ao e na kakororaoi ana berita aika n ana Taeka bwa ti aonga ni karekei.—12/1, iteraniba 4-6.