Titiraki Aika Kaekaaki Man Te Baibara
Iai te tai ae e nang reke iai te tautaeka teuana ni kabutaa te aonnaba?
E na kangaa ni katiteuanaia aomata nako te tautaeka teuana ae na tautaekana te aonnaba ni kabutaa? Itaia 32:1, 17; 54:13
Iangoa aroni kakabwaiaaia aomata man te tautaeka teuana ae na tautaekana te aonnaba ni kabutaa. Ni boong aikai, a a karawawataaki aomata aika bati ibukina bwa a rangi ni maiu ni kainnano, ao tabeman a rangi ni maiu ni kaubwai. Ma e na taraia raoi te tautaeka ae mwamwannano anne bwa a na reke baika a kainnanoi aomata. N am iango a kona ni katea te aeka n tautaeka anne aomata?—Wareka Ieremia 10:23.
Ma ngkekei ni karokoa ngkai, a a tia tautaeka ni kabwaka n aaro aika bati n tararuaiia aia aomata, ao riki aika maiu ni kainnano. A ribuaka tautaeka tabeua. (Te Minita 4:1; 8:9) Ma e berita te Atua ae Moan te Mwaaka bwa e na karekea te tautaeka teuana ae na onei mwin aia tautaeka aomata. E na bon tabeakinia aomata te tia Tautaeka.—Wareka Itaia 11:4; Taniera 2:44.
Tera ae na kakororaoia Ana Tautaeka n Uea te Atua?
E a tia Iehova n rinea Natina ae Iesu. bwa te tia Tautaeka ae kororaoi i aon te aba. (Ruka 1:31-33) E ingainga nanona ni kani buokiia aomata, ni menana i aon te aba. N rikina bwa te Uea, e na katiteuanaia aomata man natannaomata nako ao ni katoka te rawawata ni kabane.—Wareka Taian Areru 72:8, 12-14.
A na butimwaea Iesu bwa aia tia Tautaeka aomata nako? A aki. Ma e taotaona nanona Iehova. (2 Betero 3:9) E angania aomata aia tai ni kariaia Iesu bwa te tia Tautaeka. N te tai ae waekoa, e na kamaunaia aika buakaka mai aon te aba ao e na karekea te rau ma te mweraoi n te aonnaba ni kabutaa.—Wareka Mika 4:3, 4.